SAN MATEO 24:22 - Juu³ tyʉ² ʼe gafaaʼ²¹ Dios tyaʼ tsá²

²² Joon wana jo tyuu'¹³i Dios 'e ní² tsá² wúu¹ do jiin'¹³ jaain²¹ jo taa'²¹ 'e wúu¹ ní² tsá² do ilí² itiin'¹³in. Pe tsʉ 'wii'¹³ 'iin²¹²mo Dios 'in nigatyii'¹³in ityuu'¹³mo 'e wúu¹ iní² tsá² do.

SAN MATEO 24:22 Iomraidhean Croise

SAN MATEO 22:14

Tsʉ itø'²ø Dios fúu¹mo tsá² pe xʉʉ 'in cwai'³ jee²¹² do‑o jmáa¹a.

SAN MATEO 24:24

Tsʉ iliseein²¹ tsá² 'in lɨ́ɨ¹i la lɨ́ɨ¹i Cristo pe jo jo'¹, iliseein²¹ jon tsá² ijin'²in 'e lɨ́ɨ¹i tsá² 'in cwó² júu³ tya' Dios pe jo jo'¹. Joon 'in tsá² do ijmáa¹a li² 'e coo'¹³ 'áai¹ joon coon'¹³ milagros tya'a icoon'²¹ tsá² tóo². Ca 'in nigatyii'¹³in Dios 'iin²¹²in coon'²¹ tóo² wu xʉ'ʉ lii'¹i.

SAN MATEO 24:31

Joon mi 'íin²in lúu¹ tá² lɨɨlɨ¹ ityʉ'³ʉʉ to² ángeles tyiia 'e tsauncaain²¹ jileei'²¹ 'in gatiin'¹³in, 'in néei¹ la caain²¹ ni cwoo'¹³ juncwii²¹.

SAN MARCOS 13:20

Joon wana jo unxʉ²gɨ Ña'ñʉ'¹ʉ' 'e jmɨɨ²¹² joon jo 'in taa'²¹ ce jiin'¹³ jaain²¹. Pe tsʉ 'wii'¹³ 'iin²¹²mo Dios 'áai¹ 'in tsá² do 'in gatyii'¹³in nigalixʉ²gɨ 'e jmɨɨ²¹² do.

SAN LUCAS 18:7

¿Tɨ lɨ́ɨ²naa' 'e li'ɨɨ²¹²‑i Dios un'øø'¹i tsá² tya'a, 'in nigatyii'¹²in, 'in nimɨɨ¹ɨ tyaníi¹i la 'woo¹ la jmɨɨ¹?

ROMANOS 9:11

Pe la jo mo seen²¹mogɨ 'in xuui²¹² do jon'gɨ 'e mo gajmaa¹a jiin'¹³xʉ, 'e gó² sɨ 'e tyʉ́² 'ee, gajin'²in Dios sɨɨ'²¹ɨ Rebeca do: “'In xuui²¹² tyi'i nifu ijmáa¹a la to² tyʉ'² 'in xaai²¹gɨ do.” Coon røø²¹ faa'²¹a 'e júu³ lo la gafaa'²¹a júu³ tya'¹ Dios lɨ' lɨ xiia'²¹ 'e jin'²in: “'Iin²¹²na Jacob, pe 'e'¹moo Esaú”, jin'² Dios. Coon'¹³ la joon galɨ́² 'e tɨ́ɨi² Dios tyii'¹³in doñi'iin tsá² 'in tyii'¹³in, jiin'¹³ la ga'ɨ¹‑tsi joon jo cwáain¹ gacón² 'e gajmaa¹a 'in tsá² do.

2 TIMOTEO 2:10

Tsʉ 'wii'¹³ joon jmóo³oo ta'¹oo coon'¹² jilaa'²¹ 'wii²¹² tya' 'in gatyii'¹³in Dios 'e 'ii‑o lí² 'ii'²¹i itiin'¹³mo 'wii'¹³ Cristo Jesús. Lí²‑i 'ii²¹o jon lɨ 'ya'²gɨ 'e jo tyéi¹.

1 PEDRO 1:1

Jna‑a, Tʉ́³, 'in lɨ́ɨ¹i apóstol tya' Jesucristo, sɨ́ɨ³na 'e jí² lo. Sɨ́ɨ³na 'e jí² lo tya' jileei'²¹, 'in gatyii'¹³in Dios 'in taain²¹² lɨ xiia'²¹, 'in taain²¹² la caain²¹ lɨ sii²¹ Ponto, Galacia, Capadocia, Asia coon'¹³ Bitinia.