SAN MATEO 21:11 - Juu³ tyʉ² ʼe gafaaʼ²¹ Dios tyaʼ tsá²

¹¹ Joon tsá² gañii¹i: ―Jaain²¹ tsá² 'in cwo¹ júu³ tya' Dios 'in sii²¹ Jesús 'ino. 'In jó¹ fuu²¹ Nazaret 'e náa¹ lɨ sii²¹ Galilea no.

SAN MATEO 21:11 Iomraidhean Croise

SAN MATEO 2:23

Joon mo gatyalíin² lɨ sii²¹ Galilea joon ngacwaa²¹ coon²¹ fuu²¹ sii²¹ Nazaret. La joon galɨ́¹ 'e gatsín¹ júu³ gafaa'²¹a tsá² cwoo¹o júu³ tyʉ́² tya' Dios la mo féei¹ 'in jin'²in: ―Iunsii²¹ tsá² 'ii: tsá² Nazaret.

SAN MATEO 21:10

Joon mo ga'í² Jesús fuu²¹ Jerusalén joon ganáa¹ 'goo²¹ 'áai¹ joon fúu¹mo gaunngɨɨ¹ɨ gajin'²in: ―¿'Iin‑gɨ 'ino?

SAN MATEO 21:26

Joon wana fá²a' 'e tsá²‑a gatyʉ'¹ to² Wó³ do ijme'¹mo tsá² jna' tsʉ jilee'²¹mo tsá² lɨ́ɨ²i 'e faa'²¹a Wó³ do cwáain¹ tya' Dios.

SAN MATEO 21:46

Gali'iin²¹²in 'e teen'¹³mo 'ido pe gøø'²¹mo tsá² tsʉ 'in tsá² do 'ɨ¹‑tsi 'e Jesús do faa'²¹a cwáain¹ tya' Dios.

SAN MARCOS 6:15

Pe seen²¹mo 'in gajin'²in: ―Elías no. 'Inlɨ́ɨi¹³gɨ gajin'²in: ―'In faa'²¹a júu³ tyʉ́² tya' Dios la lɨ́ɨi¹ 'in gafaa'²¹ júu³ tya' Dios calɨɨ 'ino.

SAN LUCAS 13:33

Joon níi³oo jiin'¹³ la fu¹ 'yúu³na no coon'¹³ tsa'oo²¹ joongɨ 'yíia¹. Tsʉ jiin'¹³ fu Jerusalén lí² júun²in jaain²¹ tsá² cwo¹ júu³ tyʉ́².

SAN LUCAS 24:19

Joon gajin'² Jesús: ―¿'Ee ngalɨ́²? Joon gasɨɨ'²¹ɨ 'ido: ―La lɨ́² 'e galɨ́² cwáain¹ tya' Jesús tsá² Nazaret. Jaain²¹ tsá² cwo¹ júu³ tyʉ́² joon to² fee'¹ gajmaa¹a joon júu³ 'gøøi'¹² gafaa'²¹a tyani Dios coon'¹³ tyani tsá² taain²¹² juncwii²¹.

SAN LUCAS 7:16

Mo ganii²¹ 'in tsá² taain²¹² do jilaa'²¹ 'elo jmai'² 'in gafoo'²¹mo. Joon ga'láa² 'wii²¹² cwo'²o 'maai'¹³ Dios. Jin'²in: ―Jaain²¹ tsá² feei'¹ 'in cwo¹ júu² tyʉ́² nigajnéi¹ jee²¹² jna'. Jin'²o jon: ―Dios nigajó² 'e uncoon'¹³on fuu²¹ goo²¹o'.

SAN LUCAS 7:39

Joon mo ganí² 'in tsá² fariseo 'in nigatø'¹ Jesús do joon ga'ɨ¹‑tsi: “Wana 'in tsañʉʉ'¹ no 'e la jai'² jaain²¹ tsá² cwo¹ júu³ tyʉ́² nilili'³o 'iin 'in sʉ́² tya'a.

SAN JUAN 1:21

Joon gaunngɨɨ¹gɨ 'in tsá² do: ―¿'Iin 'nʉ jon? ¿Tɨ 'nʉ‑ʉ Elías, 'in tsá² 'in gacwo¹ júu³ tyʉ́² tya' Dios calɨɨ lɨ¹? Joon Wó³ do gañii¹i: ―Jon'on jna 'i. Joon tsifu gaunngɨɨ¹gɨ: ―'Áai¹ tɨ lɨ jó¹ jaain²¹ tsá² 'e ijacwoo²¹ júu³ tya' Dios; ¿tɨ 'nʉ‑ʉ 'i? Joon gañii¹i Wó³: ―Jon'on jna 'i.

SAN JUAN 1:25

Joon 'in tsá² jaliin¹ do gaunngɨɨ¹ɨ jin'²in gasɨɨ'²¹ɨ Wó³: ―¿'Ee lɨ' saa¹u'u tsá² jmɨɨ²¹ wa'a jon'on Cristo 'nʉ, jon'on Elías 'nʉ, jon'on 'in cwoo¹o júu³ tya' Dios 'nʉ?

SAN JUAN 4:19

Mo ganúu²un 'in tsamɨ́² 'e júu³ do joon gajin'²in: ―Tsañʉʉ'¹, 'ɨ¹‑tsii 'e lɨ́ɨ¹u'u jaain²¹ tsá² 'in cwo¹ júu³ tyʉ́² tya' Dios.

SAN JUAN 6:14

Joon mo ganí² 'in tsá² do 'e milagro do 'e gajmaa¹a Jesús, joon gajin'²in: ―'In tsañʉʉ'¹ no 'e la ja'²mo 'in 'ná¹ ijó¹o ni cwoo'¹³ juncwii²¹ cwo¹o júu³ tyʉ́² tya' Dios.

SAN JUAN 7:40

'Inlɨ́ɨi¹³ jee²¹² 'in tsá² do mo ganúu²un 'e júu³ lo, joon gajin'²in: ―'E ja'²mo 'ino 'in tsañʉʉ'¹ 'in 'ná¹ jó¹ cwo¹o júu³ tyʉ́².

SAN JUAN 9:17

Joon gaunngɨɨ¹ɨ tún¹ 'in tsañʉʉ'¹ ta tiui² do: ―'Nʉ‑gɨ, ¿xiiala foo'²¹'o cwáain¹ tya' 'in tsañʉʉ'¹ 'in gacwo¹o unní²'i do? Joon 'i‑gɨ gajin'²in: ―Jna fo'³oo, jaain²¹ tsá² 'in cwo¹o júu³ tyʉ́² tya' Dios 'ido.

HECHOS 7:37

'In Moisés do gasɨɨ'²¹ɨ tsá² Israel: “Dios ityii'¹³in jaain²¹ la 'oo'²¹ jee²¹² ruu'²¹naa' 'in cwo¹ júu³ tyʉ́² tya'a jee²¹² 'naa'. Jiin'¹³ la 'ii'²¹ 'oo² jna‑a jon i'aa¹a.”