SAN LUCAS 9:52 - Juu³ tyʉ² ʼe gafaaʼ²¹ Dios tyaʼ tsá²

⁵² Joon gasii¹in tsá² tya'a nifugɨ. Joon ngalíin² coon²¹ fuu²¹ 'e náa¹ co' Samaria gamɨɨ¹ɨ lɨ ján².

SAN LUCAS 9:52 Iomraidhean Croise

SAN MATEO 10:5

Joon Jesús gasii¹in 'in dyatooin¹ tsá² tya'a do joon gatyʉ'²ʉ to² jin'²in: ―Jo cwolíin²naa' lɨ néei¹ 'in tsá² 'in jo seein²¹ Israel, joon jo cwotaan²naa' fuu²¹ náa¹ lɨ sii²¹ Samaria.

SAN LUCAS 10:1

Mo ngayuui'¹³ jilaa'²¹ 'elo joon gatyiin'¹² Jesús coon²¹gɨ setenta tsá² tún¹. Joon gasii¹in tɨ' gái¹ tɨ' gái¹ tyaníi¹i 'e tsacwoo¹ júu³ tyʉ́² la caain²¹ fuu²¹ lɨ 'ná² tsáa¹a.

SAN LUCAS 10:33

Pe jaain²¹ tsá² coon²¹ fuu²¹ 'in seein²¹ Samaria 'in gangɨ́ɨ¹i fu do‑o jon. Joon mo ganí² 'ido joon fúu² galɨ́ɨ¹i.

SAN LUCAS 17:11

Mo gangóo¹ Jesús la fu¹ 'yuui fu Jerusalén. Gangɨ́ɨ¹in la caain²¹ lɨ sii²¹ Samaria coon'¹³ Galilea.

SAN LUCAS 17:16

Joon gasii'²¹i wojníi¹i tyani Jesús. Joon gaxiia¹ níi¹i gajun'²un ca tɨ ni 'wó² 'e cwoo¹o 'maai'¹³ Jesús. Joon 'in tsá² lo seein²¹ lɨ sii²¹ Samaria.

SAN LUCAS 7:27

Tsʉ cwáain¹ tya' 'ii la mo gajin'² ni jí² tya' Dios la lo: Sɨ́ɨ³na tsá² tyan¹ júu³ tyʉ́² nifugɨ lɨ cwóo²'o. Joon 'e tyáa² tyʉ́² tsá² i'ii'²¹mo 'nʉ.

SAN JUAN 4:4

Joon fu lɨ ngangɨ́ɨ¹i 'ná¹ ngɨ́ɨ¹i coon²¹ lɨ sii²¹ Samaria. Joon náa¹ coon²¹ fuu²¹ sii²¹ Sicar. Joon co' joon roon¹on coon²¹ sii'¹³ 'wó² 'e gacwo'¹ 'lɨɨ²¹² Jacob jóon¹on 'lɨɨ²¹² Sé² calɨɨ. Joon nityí³ coon²¹ too²¹ lɨ nisá² jmɨɨ²¹ 'e sii²¹ la sii²¹ Jacob. Jesús tyaliin¹ coon'¹³ tsá² tya'a 'in ngɨɨ¹ɨ coon'¹³ 'e lɨ tyí³ too²¹ do mo tɨ́² tyiiañi'¹ joon ni'woo'²¹‑o 'áai¹. Joon tsá² tya'a do nilíin² 'e fuu²¹ ni náa¹ tyan' do ningalá¹ 'e idø'¹ø. Joon gacwó² Jesús caai² lɨ tyí³ too²¹ do. La 'ɨɨ²¹² tyíin¹in joon tyía¹ jaan²¹ tsamɨ́² seein²¹ Samaria tsacoon¹ jmɨɨ²¹ 'e tsi too²¹ do. Joon gajin'² Jesús: ―Cwoo'¹³xʉ jna jmɨ́ɨ¹³'ɨ.

SAN JUAN 4:9

Joon 'in tsamɨ́² do nigajin'²in sɨɨ'²¹ɨ Jesús: ―¿Xiiala 'e mɨɨ'¹³ 'nʉ jna jmɨɨ²¹, tsʉ tsá² seein²¹ Israel 'nʉ joon jnagɨ 'in seein²¹ fu Samaria? (Joon gajin'²o la joon tsʉ jo tyʉ́² seein¹ coon'¹³ 'in tsá² seein²¹ fuu²¹ do.)

SAN JUAN 8:48

Joon gajin'² tsá² Israel sɨɨ'²¹ɨ 'ido: ―'E ja'²mo mo nigafaa'¹³a'a 'e tsá² seein²¹ Samaria 'nʉ joongɨ 'e 'yuui² 'in 'lɨɨ'³mo alma tyi'i.