SAN LUCAS 8:10 - Juu³ tyʉ² ʼe gafaaʼ²¹ Dios tyaʼ tsá²

¹⁰ Joon gasɨɨ'²¹ Jesús 'ii: ―Dios ijmáa¹a 'e liñí² 'naa' coon²¹ júu³ 'uuin²¹ tya'a. Coon²¹ júu³ tya' xiiala ityʉ'² Dios to² tsá². Pe 'in catyaai²gɨ fuu²¹²uu coon'¹³ jmai'² júu³ cwáan¹mo. Tsʉ joon mo jǿø² jan²o lawa'a jo jǿø²o. Joongɨ mo ganúu²o ján² lawa'a jo 'ee ga'øøi'²¹‑tsio.

SAN LUCAS 8:10 Iomraidhean Croise

SAN MATEO 11:25

'Yiia'¹³ joon gajin'² Jesús sɨɨ'²¹ɨ Jmii²¹: ―Cwo'³oo 'nʉ 'maai'¹³, Ñʉ'². 'Nʉ‑ʉ fii²¹² ni cwoo'¹³ juncwii²¹ coon'¹³ ñʉ'fú². Cwo'³oo 'nʉ 'máa²u'u tsʉ niga'ma'²'a 'e júu³ lo 'e jo lí² 'øøi'²¹‑tsi 'in jmɨɨ²¹²‑tsi, 'in 'øøi'²¹‑tsi joon ga'ee'¹³'e tya' 'in 'wói¹gɨ.

SAN MATEO 16:17

Joon Jesús gajin'²in: ―Jløø'³mo 'nʉ, Simón, jóon¹ Jonás, tsʉ jon' tsá² ga'e'² 'nʉ 'e júu³ lo. Pe Ñʉ'³oo 'in tyíin¹ ñʉ'fú² ga'e'²e 'nʉ.

SAN MARCOS 4:11

Joon gajin'² Jesús sɨɨ'²¹ɨ 'ido: ―Ca jiin'¹³ 'naa' nigacwoo¹o Dios 'e 'øøi'²¹‑'oo' júu³ 'uuin²¹ tya'a tya' xiiala tyʉ'² Dios to² tsá². Pe jileei'²¹ 'in catyaai² do jmaai'¹³ coon'¹³ cwáan¹mo nuu¹un.

SAN MARCOS 4:12

Lí²‑i jǿø² 'ido pe jo ñi¹‑i 'ee jnéei². Nuu¹o pe jo 'øøi'²¹‑tsi. Pe wana tsáai¹‑tsi 'e jnéei² joongɨ 'øøi'²¹‑tsi 'ee nuu¹un fowa'a niunsɨ́ɨ²mo 'e 'ɨ¹‑tsi joongɨ fowa'a 'íin²mo Dios tsaa² tya'a.

SAN JUAN 12:40

Dios 'e gajmaa¹a tiui² 'ido joongɨ gajmaa¹a 'e 'waa'²¹ alma tya' 'ido, tsʉ joon jo cwolijǿø²ø 'ido coon'¹³ unníi¹i joongɨ jo cwo'øøi'²¹‑tsi coon'¹³ alma tya'a, joongɨ jo cwojalíin² fu lɨ siin'¹³na wa 'e un'láa²na.

ROMANOS 16:25

Joon nano cwoun'goo²¹o' Dios 'in lí² jmá¹ 'e pí³gɨ‑'oo' coon'¹³ 'e júu³ tyʉ́² tyiia tya' xiiala itiin'¹³ tsá². Cwóo³ jna 'e júu³ lo joongɨ 'e'² jna tsá² cwáain¹ tya' Jesucristo. Joon 'e júu³ tyʉ́² do jmoo¹o júu³ 'e júu³ 'uuin²¹ gasáa¹a Dios ca la mo 'wiin²¹² juncwii²¹.

1 CORINTIOS 12:11

Pe jilaa'²¹ 'e jmoo¹o 'in tsá² lo, jmoo¹‑o 'ii'²¹ tya' 'in jaan²¹mo Espíritu Tyʉ́² tya' Dios. Joon 'in Espíritu Tyʉ́² do cwo'¹o tsá² to² jmáa¹a la jaain²¹ la jaain²¹ jiin'¹³ la 'iin²¹²in 'ña'a.

COLOSENSES 2:2

La joon 'iin²¹²na 'e táain¹ tá²‑tsi alma tya'a joon gauncaain²¹ tsʉ 'wii'¹³ 'iin²¹²in la jaain²¹ la jaain²¹. 'Iin²¹²na jon 'e 'øøi'²¹gɨɨ'‑'oo' 'e coon'¹³ la joon jo cu'²‑'oo' coonti. 'Iin²¹²na jon 'e cwii²¹moo' Cristo. Joon jo lí² cwii¹in tsá² 'ii wa'a jo cwoo¹ Dios.

1 TIMOTEO 3:16

Joon ja'²mo. Fee'¹ 'áa¹mo 'e júu³ 'uuin²¹ 'e Dios ga'e'²e tsá² xiiala seein²¹ tsá² tyʉ́² tyaníi¹i 'e jin'²: Gacwéi Dios lɨ́ɨ¹i tsá², joon 'in Espíritu Tyʉ́² ga'ɨ́ɨ² júu³ 'e tyú¹mo 'ii. Níi²mo ángeles 'ii. Joon gacwo'¹ tsá² jileei'²¹ 'in taain²¹² nicwoo'¹³ juncwii²¹ júu³ tyʉ́² tya'a. Joon jo'¹o galɨ́ɨi² tsá² taain²¹² juncwii²¹ 'ii. Joon ga'ii'²¹mo Dios 'ii fu ñʉ'fú² tún¹.