SAN LUCAS 7:40 - Juu³ tyʉ² ʼe gafaaʼ²¹ Dios tyaʼ tsá²

⁴⁰ Joongɨ nilili'³o xiiala lɨ́ɨi¹ 'in tsamɨ́² do. Tsʉ jaain²¹ tsamɨ́² 'in røøi²¹ tsaa² no.” Joon gasɨɨ'²¹ɨ Jesús 'in tsá² fariseo do: ―Simóoi¹³, sá² coon²¹ 'e fuu²¹²uu 'nʉ. Joon gañii¹i 'in tsá² fariseo do: ―Faa'¹³du', tɨfo'².

SAN LUCAS 7:40 Iomraidhean Croise

SAN MATEO 26:49

Joon gangatyéen¹in lɨ siin'¹² Jesús joon gajin'²in: ―¡'Aa²¹²mo'o, tɨfo'² tyi'! Joon gajun'²un caain²¹ ju'² 'ido.

SAN MATEO 7:22

Joon mi tyé¹ jmɨɨ²¹² joon fúu¹mo 'in jin'²in sɨɨ'²¹ɨ jna: “Ña'ñʉ'¹ʉ', nigafaa'²¹ jna'a coon'¹³ 'e sii²¹ 'nʉ, joon coon'¹³ 'e sii²¹ 'nʉ niga'wóo³na'a 'in 'lɨɨi'³ taai² 'alma tya' tsá², la joon jon nigajmoo²¹o'o milagros fee'¹ 'láai² tya' tsá².”

SAN LUCAS 18:18

Jaain²¹ 'in tyʉ'² to² gaungɨɨ¹ɨ Jesús: ―Tɨfo'² tyúi¹, ¿'ee 'ná² jmáa³aa 'e tiin'¹³na juncwii²¹ tyiia?

SAN LUCAS 5:22

Tsʉ nii² Jesús jilaa'²¹ 'e 'ɨ¹‑tsi 'in tsá² do joon gajin'²in: ―¿'Ee lɨ'ɨ 'ɨ¹‑'oo' la no?

SAN LUCAS 5:31

Jesús‑gɨ gasɨɨ'²¹ɨ 'ido: ―Jo 'néi¹ tɨmɨ́¹ tya' jileei'²¹ 'in tyúi¹. 'Né¹mo jiin'¹³ tya' tsatsaa'¹³.

SAN LUCAS 6:8

Pe Jesús ñi¹o 'e 'ɨ¹‑tsi 'in tsá² do. Joon gasɨɨ'²¹ɨ 'in tsá² tyʉʉn²¹ cwoo²¹ do: ―Ráan²un. Jmáa² siin'¹³u'un tún² tsa'² no. Joon garóon² 'in tsá² do. Joon gajmaa¹ siin'¹²in.

SAN LUCAS 7:39

Joon mo ganí² 'in tsá² fariseo 'in nigatø'¹ Jesús do joon ga'ɨ¹‑tsi: “Wana 'in tsañʉʉ'¹ no 'e la jai'² jaain²¹ tsá² cwo¹ júu³ tyʉ́² nilili'³o 'iin 'in sʉ́² tya'a.

SAN LUCAS 7:41

Joon gajin'² Jesús: ―Lawa gái¹ tsañʉʉ'¹ nirøøi²¹ cuu² tya' jaain²¹ tsañʉʉ'¹ 'in tyí² cuu². Jaain²¹ 'ido nirøøi²¹ 'ñá² cíein¹³ cuu². 'In jaain²¹ dogɨ nirøøi²¹ ca'no'³ cíein¹³.

SAN JUAN 13:13

'Naa' fuu²uu' jna: “Tɨfo'² tyi'.” Joongɨ gasii²ii' jna: “Ña'ñʉ'¹ʉ'.” Joon 'e tɨɨ²¹moo' fuu²uu' jna la joon tsʉ 'ii jna.

SAN JUAN 16:19

Joon galiñi²mo‑tsi Jesús 'e 'in tsá² do 'iin²¹²in unngɨɨ¹ɨ tsʉ 'wii'¹³ joon gajin'² Jesús sɨɨ'²¹ɨ 'in tsá² do: ―Jna gafuu²¹²uu 'naa' 'e coon²¹ nogɨ jó¹ 'e jo máa¹moo' jna, joon cɨɨin²¹gɨxʉ imáa¹naa' jna tún¹. ¿Tɨ 'inoo júu³ tyiia 'e sɨ́ɨ¹³ɨɨ' jee²¹² yaanaa'?

SAN JUAN 16:30

Ni lee²¹e'e cwáain¹ 'e ñi'²i jilaa'²¹ 'e 'ɨ¹‑tsi tsá², joon jo 'ná¹ wa'a unngɨɨ¹ɨ tsá² 'nʉ. Tsʉ 'wii'¹³ joon jo'¹o lɨ́ɨ²na'a 'e gañi'²i lɨ tyíin¹ Dios Jmii²¹.

SAN JUAN 3:2

Joon 'in Nicodemo do ningóo¹o ngafee'¹³i Jesús lɨ' canʉʉ²¹. Joon nigasɨɨ'²¹ɨ: ―Tɨfo'² tyii'i, nee²oo'o 'e Dios gasii¹in 'nʉ i'e'²'e jna'a tsʉ ce jiin'¹³ jaain²¹ jo lí² jmá¹ milagro la lɨ 'e lii'¹ 'nʉ wa jo uncoon'¹³on Dios 'nʉ.