SAN LUCAS 7:13 - Juu³ tyʉ² ʼe gafaaʼ²¹ Dios tyaʼ tsá²

¹³ Mo ganíi¹in Jesús 'ii fúu² galɨ́ɨi² 'ido. Joon gajin'²in gasɨɨ'²¹ɨ 'ido: ―Jo cɨɨ'²¹'ɨ.

SAN LUCAS 7:13 Iomraidhean Croise

SAN MARCOS 8:2

―Lɨ́ɨ¹ fúu² lɨ́ɨ²na 'in tsá² lo 'wii'¹³ ningó¹ 'nɨ¹ jmɨɨ²¹² 'e taain²¹² coon'¹³ jna lo. Joon jo 'ee sá²gɨ dø'¹ø coonti.

SAN LUCAS 10:1

Mo ngayuui'¹³ jilaa'²¹ 'elo joon gatyiin'¹² Jesús coon²¹gɨ setenta tsá² tún¹. Joon gasii¹in tɨ' gái¹ tɨ' gái¹ tyaníi¹i 'e tsacwoo¹ júu³ tyʉ́² la caain²¹ fuu²¹ lɨ 'ná² tsáa¹a.

SAN LUCAS 11:1

Cafu mo galɨ́² gafaa'²¹ Jesús júu³ tyʉ́² joon mo ngayuuí'¹³ gafaa'²¹a joon jaain²¹ jee²¹² tsá² tya'a gasɨɨ'²¹ɨ Jesús: ―Ña'ñʉ'¹ʉ', 'e'²'e jna'a xiiala faa'¹³a'a júu³ tyʉ́² la ga'e'² Wó³ tsá² tya'a.

SAN LUCAS 11:39

Pe joon gajin'² Jesús: ―'Naa', tsá² fariseo, ruun'¹³naa' jiin'¹³ lɨ' caluu coon²¹ vaso coon'¹³ wúun¹ pe 'naa'gɨɨ' lɨ' tsi sɨrøø²¹moo' coon'¹³ jilaa'²¹ 'e niga'uun²¹²uun' joongɨ coon'¹³ jilaa'²¹ 'e nigatyáa²aa' coon'¹³ 'e gó².

SAN LUCAS 12:42

Jin'² Jesús: ―¿'Iin tsa'leei'¹³ 'in tyúi¹ joongɨ 'in 'øøi'²¹‑tsi mo tyʉ'² fii²¹²i to² 'e tyaa¹ cwoo²¹ jileei'²¹ tsá² taai² inʉʉ 'e cwoo¹ 'e dø'²ø mi tɨ́² 'ii'²¹?

SAN LUCAS 13:15

Joon gajin'² Jesús: ―'Naa' lɨ́ɨ¹naa' tsá² 'in jo untiin'¹³ jiin'¹³ 'e 'é²ee' tsá². ¿Tɨ jo sɨɨi'¹³naa' doñi'iin jee²¹² 'naa' sɨ joo'²¹ sɨ bu'³ 'ee cwotya'iin'²¹xʉ mo jmɨɨ²¹² 'ii'²¹ 'woo'²¹ tsá²?

SAN LUCAS 17:5

Joon gajin'² tsá² tya' Jesús sɨɨ'²¹ 'ii: ―Jmáa² 'e lijai'²gɨ‑tsii'i 'nʉ.

SAN LUCAS 17:6

Joon gajin'² Jesús: ―Wuxʉ'ʉ tsáai¹du'‑'oo' fiin'¹³ la ti camɨ'³ jún² jon'² tasa lí²‑i fú²uu' 'e 'mó² fee'¹ lo: “Ráain²du'u no cwojñí²'i 'wo'o tsi jmɨ'ñi'³.” Joon ninúu²o 'e 'mó² do júu³ tyii'.

SAN LUCAS 18:6

Joon gajin'² Jesús: ―Nʉ́ʉ²duu' 'e 'øøi'²¹‑tsi tsá² júu³ tya' 'in tsá² jmoo¹o 'ii'²¹ 'e gó² do.

SAN LUCAS 19:8

Joon Zaqueo do gajmaa¹a siin'¹²in joon gasɨɨ'²¹ɨ Jesús: ―Jǿø²dʉ, Ña'ñʉ'¹ʉ', cwo'³oo tsá² tañíi² coon'¹³ tsa'² jíin¹³ 'e 'óo³oo. Joon wana nigajmáa³aa 'uun²¹ coon'¹³ júu³ tajuu²¹ nicɨ́ɨ³oo tyʉ́n² 'ii'¹³gɨ lɨ́ɨ¹.

SAN LUCAS 22:61

Joon jiin'²¹ 'ña'a Jesús níi¹i gajǿøi² Tʉ́³. Joon gatɨ'²‑tsi Tʉ́³ jiin'¹³ la nigajin'² Jesús sɨɨ'²¹ɨ 'ii: “La nʉ'gɨ i'oo¹ tuuitsáa² jo røø²¹u 'e cwii¹u jna 'nɨ¹ naa'¹³.”

SAN LUCAS 24:3

Joon ngataa²mo pe jo gatsaaa'²¹a cuerpo tya' Ña'ñʉ'¹ʉ' Jesús.

SAN LUCAS 24:34

Joon gasɨɨ'²¹ɨ 'in tsá² néei¹ Jerusalén 'ii: ―'E la ja'²mo nagajiin'¹in Jesús. Joon niganii²¹mo Simóoi¹³.

SAN LUCAS 7:12

Joon mo gatyíia¹ co' fuu²¹ do ganii²¹ jéei¹ tsá² jaain²¹ 'lɨɨ²¹² itsa'áa¹³i. Jiin'³ 'in do‑o jóon¹ 'yiia'ñɨɨ² 'in niseein²¹. Lɨ́ɨ¹ fúui¹ tsá² seein²¹ fuu²¹ do ngalíin² coon'¹³on.

SAN LUCAS 7:14

Joon gangatyéein¹ Jesús. Joon gasʉʉ²¹ 'e cwóo¹ do. Joon 'in tyan¹ cwóo¹ do gajan¹o. Joon gasɨɨ'²¹ Jesús 'in 'lɨɨ²¹² do: ―Sɨmii'²¹, jna‑a fuu²¹²uu 'nʉ: ¡Raan²un no!

SAN LUCAS 7:19

Joon gasii¹in tyani Jesús 'e tsasii'¹³i wana jo'²o 'i‑o Cristo 'in 'ná² jó¹ owa'a sɨjéen¹in 'in xee'²¹mo 'ee.

SAN LUCAS 8:52

Jilee'²¹mo tsá² cɨ'²ɨ xuui²¹²‑tsi tya' 'ido. Joon gajin'² Jesús: ―Jo cɨ́²ɨɨ' tsʉ jo mo júuin¹ 'in yʉʉn²¹ no jiin'¹³ lɨ' 'e cwuu²¹mo.

SAN JUAN 11:3

Joon gasii¹in 'in gái¹ ruui'²¹ Lázaro do júu³ fu lɨ taain² Jesús, sɨɨ'²¹ɨ 'ido: ―'Áa¹mo jo¹ tsaa'¹³a amigo tyi'i Lázaro.

SAN JUAN 20:13

Joon gaunngɨɨ¹ɨ 'in ángeles do 'ii: ―Tsamɨ́², ¿'ee lɨ cɨɨ'²¹'ɨ? Joon gajin'² 'in tsamɨ́² do: ―Cɨ'²oo tsʉ nigajee¹mo tsá² Ñʉ'³ Fíi³ii joon jo ñí³ii xiiafu ngajée¹i.

SAN JUAN 20:15

Joon gaunngɨɨ¹ɨ Jesús sɨɨ'²¹ɨ 'ido: ―Tsamɨ́², ¿'ee lɨ cɨɨ'²¹'ɨ? ¿'Iin 'naai'²¹ 'nʉ? Joon tsʉ 'wii'¹³ 'ɨ¹‑tsi 'e 'in 'aa¹a 'wó² do fee'¹³i 'ii gajin'²in: ―Tsañʉʉ'¹, owa gajee²mo'o, foo'²'o xiiafu gatʉʉ²¹u'u joon jna‑a nitee²¹²ee.

SAN JUAN 4:1

Galiñii¹ 'in tsá² fariseos 'e fúu¹mo tsá² gangalíin² coon'¹³ Jesús lagɨ Wó³. La joon jon fúu¹mo 'in saai¹ jmɨɨ²¹ lagɨ Wó³.

SAN JUAN 6:23

La 'ɨɨ²¹² joon gatyalí² barcos xiia'²¹ taa²i tsá² 'in jalíin² coon²¹ fuu²¹ sii²¹ Tiberias tyan'an lɨ gacwo'¹ Jesús 'maai'¹³ Dios cwáain¹ tya' 'iñi'¹ gagøø'²¹ø 'in tsá² do.

1 CORINTIOS 7:30

La joon jon, 'in tsá² xuui²¹²‑tsi 'ná¹‑a jmáa¹a la jmoo¹o tsá² 'in jo xuui²¹²‑tsi. Joon 'in tsá² jløø'³mo 'ná¹‑a jmáa¹a la jmoo¹o tsá² 'in jo jløøi'³. Joon 'in tsá² 'in ló¹ 'e sá² juncwii²¹ lo 'ná¹‑a jmáa¹a lawa'a jon' tya'o 'e galó¹ do.

1 TESALONICENSES 4:13

Tsaru'¹u', jo 'iin²¹²na wa'a jo liñii²ii' xiiala mi júuin² tsá². Jo 'ná¹ jmaa²aa' fa'í³ la jmoo¹o 'in tsá² 'in jo ñii¹i 'e jiin'¹in tsá².

HEBREOS 2:17

Joon 'ná² líi²in Jesús la lɨ́ɨ¹i ruu'²¹i coon'¹³ jilaa'²¹ 'e coon'¹³ la joon lí² jmaa¹a to² lawa untsá² 'in tyiin²gɨ nifu tyani Dios, ilíin¹in untsá² 'in tyúi¹ joongɨ 'in 'wóo¹‑tsi. Joon mo gajúin¹ Jesús 'e lɨ́¹ lawa coon²¹ fa'¹ 'e gatyí²i jilaa'²¹ tsaa² tya' tsá².

HEBREOS 4:15

Joon 'in untsá² 'in tyíin²gɨ nifu tyi' lí² feei'¹‑tsi 'wii²¹² tyi' coon'¹³ fa'í³ 'e sáan³an' tsʉ la jilaa'²¹ 'e galɨ́¹ tyi' la joon galɨ́¹ tya'a, pe jiin'¹³ coon²¹ tsaa² jo 'ee ga'noo¹on.