SAN LUCAS 17:16 - Juu³ tyʉ² ʼe gafaaʼ²¹ Dios tyaʼ tsá²

¹⁶ Joon gasii'²¹i wojníi¹i tyani Jesús. Joon gaxiia¹ níi¹i gajun'²un ca tɨ ni 'wó² 'e cwoo¹o 'maai'¹³ Jesús. Joon 'in tsá² lo seein²¹ lɨ sii²¹ Samaria.

SAN LUCAS 17:16 Iomraidhean Croise

SAN MATEO 10:5

Joon Jesús gasii¹in 'in dyatooin¹ tsá² tya'a do joon gatyʉ'²ʉ to² jin'²in: ―Jo cwolíin²naa' lɨ néei¹ 'in tsá² 'in jo seein²¹ Israel, joon jo cwotaan²naa' fuu²¹ náa¹ lɨ sii²¹ Samaria.

SAN MATEO 2:11

Joon mo gangatáa¹i inʉʉ do gangaa¹i yʉʉn²¹ do coon'¹³ sáa³a. Joon gasi'²i 'wojníi¹i tyani 'in yʉʉn²¹ do joon gaun'goo²¹o 'ido. Joon ganá¹ cwóo¹ tya'a icwo'¹o 'in yʉʉn²¹ do cwanáa¹ coon'¹³ fuu²¹² sʉ́n² coon'¹³ jmɨ'³ 'mó² jmafuu²¹ sii²¹ mirra.

SAN MARCOS 5:33

Joon 'in tsamɨ́² do jlee¹e joongɨ 'goo'²¹o lɨɨlɨ¹ ñi¹o 'ee 'e galɨ́² do. Joon ngoo²¹o lɨ siin'¹² Jesús. Joon gasii'²¹i 'wojníi¹i tyani 'ido. Gajin'²o la ja'²mo ce jilaa'²¹ 'e galɨ́².

SAN LUCAS 17:17

Joon gajin'² Jesús: ―¿Tɨ jo ga'láai² ce jɨ dyéi¹ do? ¿'Náai¹³gɨ 'in ñúi²gɨ do?

SAN LUCAS 5:8

Mo ngayuui'¹³ 'elo Simóoi¹³ Tʉ́³ gasii'²¹i wojníi¹i tyani Jesús. Joon gajin'²in: ―Tʉ́ʉi² jna Ña'ñʉ'¹ʉ' tsʉ jaain²¹ 'in 'oo¹o tsaa² jna.

SAN JUAN 4:9

Joon 'in tsamɨ́² do nigajin'²in sɨɨ'²¹ɨ Jesús: ―¿Xiiala 'e mɨɨ'¹³ 'nʉ jna jmɨɨ²¹, tsʉ tsá² seein²¹ Israel 'nʉ joon jnagɨ 'in seein²¹ fu Samaria? (Joon gajin'²o la joon tsʉ jo tyʉ́² seein¹ coon'¹³ 'in tsá² seein²¹ fuu²¹ do.)

SAN JUAN 5:23

'E coon'¹³ la joon ilitsáai¹‑tsi tsá² la tsáai¹‑tsi tsá² Dios Jmii²¹. Wana jo tsáai¹‑tsi tsá² Jóon¹on Dios Jmii²¹ joon la joon jon jo tsáai¹‑tsi tsá² Dios Jmii²¹ tsʉ Dios Jmii²¹ gasii¹in Jóon¹on do.

SAN JUAN 8:48

Joon gajin'² tsá² Israel sɨɨ'²¹ɨ 'ido: ―'E ja'²mo mo nigafaa'¹³a'a 'e tsá² seein²¹ Samaria 'nʉ joongɨ 'e 'yuui² 'in 'lɨɨ'³mo alma tyi'i.

HECHOS 1:8

Pe ijoo²¹‑o 'in Espíritu Tyʉ́² tya' Dios joon 'ii ingɨ́¹ coon'¹³ 'naa'. Joon 'ii'²¹ tya' 'ii cwolíin²naa' Jerusalén, joongɨ la caain²¹ lɨ san'² Judea, joongɨ lɨ sii²¹ Samaria coon'¹³ la caain²¹ lɨ wíin²gɨ ni cwoo'¹³ juncwii²¹. Icwolíin²naa' cwojmaa²aa' júu³ 'iin jna.

1 CORINTIOS 14:25

Joon iliñí¹ la tí² jiin'¹³ la 'ɨ¹‑tsi mi nuu¹un 'e júu³ foo²oo' 'naa' joon isii'¹i woníi¹i tyani Dios, joon ijin'²in 'e la ja'²mo seein²¹ Dios jee²¹² 'naa'.

APOCALIPSIS 19:10

Joon gasi'³ii 'wojní³ii tyani ángel do iun'góo³oo 'ii²¹. Pe jin'²o sɨɨ'²¹ɨ jna: ―Jo jmoo²'o la no, tsʉ jmóo³oo jiin'¹³ la to² tyʉ'² Dios jiin'¹³ la jmoo² 'nʉ coon'¹³ 'in tsaruu'²¹u' catyaai² 'in jo gatʉ́² júu³ tya' Jesús. Ungoo²'o jaan²¹mo, jiin'¹³ Ña'ñʉ'¹ʉ' Dios Jmii²¹ ungoo²'o. Tsʉ 'in faa'²¹a cwáain¹ tya' Dios Jmii²¹ jmo'²o tsá² júu³ jilaa'²¹ júu³ gafaa'²¹a Jesús.

APOCALIPSIS 4:10

La cafu jmoo¹o 'in joo'²¹ jiin'¹ lo la joon 'in dyiiatyúuin² tsacøøi'¹³ do gasii'²¹i wojníi¹i tyani 'in tyíin¹ lɨ sɨlɨɨ²¹² do joon gaun'goo¹o 'in seein²¹ coon²¹ tøø²mo do. Joon gasii'²¹i coronas tya'a tyani lɨ sɨlɨɨ²¹² do joon gajin'²in:

APOCALIPSIS 5:14

Joon 'in tyúuin² joo'²¹ jiin'¹ do gajin'²in: ―Amén, 'e 'øøi'²¹‑tsi tsá² cwolí² la joon. Joon 'in dyiiatyúuin² tsacøøi'¹³ do gasii'²¹i wojníi¹i joon gaun'goo¹o 'in seein²¹ coon²¹ tøøi² do.