SAN LUCAS 10:27 - Juu³ tyʉ² ʼe gafaaʼ²¹ Dios tyaʼ tsá²

²⁷ Joon gañii¹i 'in tɨfo'² tya' ley do: ―“Cwoli'née¹mo'o Ña'ñʉ'¹ʉ' Dios tyi'i la tǿøi² alma tyi'i, joongɨ coon'¹³ la tǿøi² 'waa'²¹ pí² tyi'i, joongɨ coon'¹³ la tǿøi² 'e 'ɨ¹‑'o'o. Joongɨ cwoli'née¹mo'o tsagóo²'o lawa'a woo²o'o” ―jin'² tɨfo'² tya' ley do.

SAN LUCAS 10:27 Iomraidhean Croise

SAN MATEO 19:19

un'goo²'o nʉ'²'ʉ coon'¹³ saa²'a; cwoli'iin²¹²u'u tsaruu'²¹'u lawa 'wo'o.

SAN LUCAS 10:26

Joon gañii¹ Jesús: ―¿'Ee to² tyʉ'² ni jí² tya' ley? ¿Xiiala gafaa'¹²a 'e ley do lɨ́ɨ²u?

ROMANOS 13:9

Tsʉ 'e ley do jin'²in: “Jo foo'¹³'o tsamɨ́² tya' tsá² xeei'²¹, jo jngaa'¹³'un tsá², jo jmaa²'a 'uun²¹, jo fu'²'u júu³ tajuu²¹ jiin'¹³ jaain²¹, jo jmaa²'a 'iin²¹²'un 'e sá² tya' tsá² xeei'²¹.” Pe 'e ley lo, joon coon'¹³ jilaa'²¹ ley catyiia² 'e sɨtsiin¹ coon'¹³ 'e júu³ lo: “Cwoli'iin²¹²mo'o tsagoo²'o jiin'¹³ la 'iin²¹²u'un 'wo'o.”

GÁLATAS 5:13

Tsaru'¹u', gatø'² Dios 'naa' 'e seen²¹naa' sɨláa²naa' 'e tyʉ́²ʉʉ' to² yaanaa'. Seen²¹naa' sɨláa²naa' pe jo cwéi¹ yaanaa' wa'a jmaa²aa' 'e gó² 'e 'yaai¹‑tsi ngú¹ taan²¹²naa'. Pe cwéi¹ yaanaa' wa'a uncóon¹³on' la jaain²¹ la jaan²¹naa' tsʉ 'wii'¹³ 'iin²¹²naa' yaanaa'.

HEBREOS 8:10

'E júu³ 'múui² isɨ́ɨ³na coon'¹³ 'in tsá² Israel mo gangɨ́ɨ¹ jmɨɨ²¹² joon 'e lɨ la lɨ 'elo, jin'² Ña'ñʉ'¹ʉ': 'E júu³ 'e sɨ́ɨ³na tya' 'in tsá² do 'e lɨ́¹ lawa'a 'e 'ɨ¹‑tsi yaamo jiin'¹³ la 'ɨ¹‑tsii. Lawa'a 'e tóon³oon júu³ tyiia tsi alma tya'a. Joon jna‑a ilíi²na Dios tya'a joon 'ii‑gɨ ilíi²in tsá² tyiia.

SANTIAGO 2:8

Wana la jai'² iuntiin'¹³naa' jiin'¹³ la to² tyʉ'² Jesucristo 'ná¹‑a un'nee²¹²naa' jileei'²¹ tsá² coon²¹ røø²¹, la 'in 'oo¹o cuu² tiin'¹³ lagɨ tsá² tañíi²in. Tsʉ ni jí² tya' Dios jin'²: “Jmaa²'a 'iin²¹²u'un tsaruu'²¹'u lawa'a 'woo²¹'o.”

1 JUAN 3:18

Yʉʉn²¹ tyiia, jo to² 'íi³ wa'a jiin'¹³ fáa³a': “'Iin²¹²mo' Dios coon'¹³ tsá².” Tyʉ́²gɨ wa'a 'ee²e' tsá² 'e 'e la ja'²mo 'iin²¹²mo' Dios coon'¹³ tsá² coon'¹³ jilaa'²¹ 'e jmoo²¹o'.