SAN JUAN 9:39 - Juu³ tyʉ² ʼe gafaaʼ²¹ Dios tyaʼ tsá²

³⁹ Joon gajin'² Jesús: ―Jna goo²¹²oo ni cwoo'¹³ juncwii²¹ lo 'e 'ná¹‑a lɨ sá² 'ii'²¹ 'e lɨ jnaa'²¹ 'in tiui² joon 'in jnaa'²¹ ilitiuu²mo cwáain¹ tya' júu³ tyʉ́² tya' Dios.

SAN JUAN 9:39 Iomraidhean Croise

SAN MATEO 11:5

Cwojmáa¹³aa' Wó³ júu³ xiiala nigalɨjnaa'²¹ 'in tsá² tiui². Joon 'in jluui'¹³ nigangɨɨ¹ɨ, joon niga'láa²mo 'in tsá² jgøøi'²¹, joon ganá¹ loocwóo¹o tya' 'in tsá² jo nuu¹un, joon 'in najúin¹ gajiin'¹o. Joon tya' 'in tsá² tañíi² niganuu¹o júu³ tyʉ́² tya' Dios.

SAN MATEO 15:14

Jo cuu'¹³‑'oo' coon'¹³ 'in tsá² no tsʉ lawa tsá² tiui² 'in soon'²¹ 'mo'u² tya' tsá² tiui² ruu'²¹i 'ino. Wana tsá² tiui² 'méei¹ ruu'²¹i la 'oo'²¹ tsá² tiui² joon jee²¹² waai²¹ do xuu'²¹i tsi too²¹.

SAN MATEO 6:23

Pe wana gó² 'ɨ¹‑tsi tsá² jo ñii¹i xiiafu tsáa¹a la mo ngɨ́¹ tsá² mo 'woo¹. Joon wa lɨ́ɨ²i tsá² 'e ngɨɨ¹ɨ mo jmɨɨ¹ pe 'e gó²o 'ɨ¹‑tsi 'áa¹mo 'íi¹ nʉʉ²¹ lɨ ngɨɨ¹ɨ.

SAN LUCAS 1:79

Nigajná² joo'²¹ tya' jileei'²¹ 'in néei¹ lɨ nʉʉ²¹, joongɨ 'in néei¹ lɨ 'íi¹ foo'¹³ 'mó¹. Joon lí²‑i linee²¹e' xiiala ngɨɨ²¹ɨ' 'e tyʉ́²‑ʉ tyani Ña'ñʉ'¹ʉ', jin'² Zacarías do.

SAN LUCAS 13:30

Joon 'inlɨ́ɨi¹³ sɨcɨɨin²¹ nano 'ii ijmáa¹a nifu, joongɨ 'inlɨ́ɨi¹³ 'in sɨjéei¹ nano 'ii ijmáa¹a lɨ cɨɨin²¹.

SAN LUCAS 2:34

La 'ɨɨ²¹² joon gataain'² Simeón cwa'³ 'ii. Joon gajin'²in sɨɨ'²¹ɨ María, sáa³ Jesús: ―'In yʉʉn²¹ lo 'yuui 'ii'²¹ 'e jmáa¹a 'e cɨɨ'¹²i tsá² Israel sɨxʉ 'e róon²on 'ee. 'E joon lawa coon²¹ li² 'e lɨ́ɨ¹ fúui¹ 'in faa'²¹ 'laa'²¹ tya'a.

SAN LUCAS 4:18

In Espíritu Tyʉ́² tya' Ña'ñʉ'¹ʉ' ngɨɨ¹ coon'¹³ jna tsʉ nigauntyú¹mo jna 'e cwó²oo júu³ tyʉ́² tya'a tya' jileei'²¹ tsá² tañíi². Joongɨ 'e jmáa³aa júu³ xiiala iláa²mo jileei'²¹ 'in sɨjnɨ́ɨi¹³. Joongɨ unjnaa¹ unni² jileei'²¹ tsá² 'in tíuui². Joongɨ jmáa³aa tiin'¹³ jileei'²¹ tsá² 'in jmaai'²¹ tsá².

SAN LUCAS 7:21

La tsifu joon mo gatyalíin² 'in tsá² do, Jesús gaun'láai² fúui¹ tsatsaa'¹³ coon'¹³ jmoowúu¹ tsáai² coon'¹³ 'láai² nii²gɨ jmoowúu¹. Ga'wooi¹ 'in 'lɨɨi'³ táai² alma tya' tsá². Lɨ́ɨ¹ jon fúui¹ tsatiuui² gaun'láai².

SAN JUAN 12:31

Pe 'e la no‑o gatɨ́³ 'e jmá¹a Dios 'ii'²¹ tya' tsá² taain²¹² ni cwoo'¹³ juncwii²¹. Joon la no i'wó¹mo Dios 'in tyʉ'² to² ni cwoo'¹³ juncwii²¹.

SAN JUAN 12:46

Gagoo²¹²oo ni cwoo'¹³ juncwii²¹ lawa coon²¹ jɨ́² coo²¹ joon jileei'²¹ 'in jai'² lɨ́ɨ²i jna jo ján¹ lɨ 'íi¹i nʉʉ²¹.

SAN JUAN 3:17

Jo gasii¹in Dios Jóon¹on fu juncwii²¹ wa'a jmoo¹o 'ii'²¹ 'e júun²in tsá², gasii¹mo wa'a jmaa¹a tiin'¹³ tsá² 'wii'¹³ 'ii‑o.

SAN JUAN 3:19

Nigajmaa¹a Dios 'ii'²¹ itsalíin² lɨ 'ii²¹ 'in jo jai'² lɨ́ɨ²i Jóon¹on tsʉ 'in tsá² do jmoo¹o 'e gó². Joon mo gajó² 'e jɨ́² 'e jai'² 'e cwo¹ tsá² ñii¹i xiiala ngɨɨ¹ɨ tyani Dios jo ga'ii'²¹i 'in tsá² do 'e jɨ́² do tsʉ tɨ́²gɨ‑tsi ngɨɨ¹ɨ lɨ nʉʉ²¹ lagɨ lɨ sá² jɨ́². Joon tsʉ 'wii'¹³ joon nigajmaa¹a Dios 'ii'²¹ tya'a.

SAN JUAN 8:12

Jesús sɨɨ'²¹ɨ tsá² tún¹, joon gajin'²in: ―Jna‑a lɨ́ɨ¹na 'yiia²¹ tɨ ni cwoo'¹³ fu juncwii²¹. La jnaa'²¹ tsá² coon'¹³ 'yiia²¹ tya' ñi'¹ la joon jon tsʉ 'wii'¹³ jna iliñi¹i tsá² xiiala 'e ngɨ́²i tyani Dios. Joon 'in ngɨ¹ coon'¹³ jna sá²‑a 'yiia²¹ tya'a 'e cwo¹o juncwii²¹ tya'a. Joon jo jmɨɨ²¹² ngɨ¹ lɨ nʉʉ²¹.

SAN JUAN 8:15

'Naa' jmoo²oo' 'ii'²¹ jiin'¹³ la 'ii'²¹ tya' tsá² taan²¹²in juncwii²¹. Pe jna‑a, jo 'in 'ii'²¹ tya'a jmóo³oo.

SAN JUAN 9:25

Joon gañii¹i 'in tsá² ta tiui² do: ―Jo ñí³ jna tɨ røøi¹ 'ino tsaa² tyi¹ sɨ jo røøi²¹ 'ee. Jiin'¹³ 'e ñí³ii 'e jna‑a tsá² ta tiuu²mo joon la no nijnaa'²¹oo.

HECHOS 26:18

Cwooi'³du' jee²¹² 'in tsá² do tsʉ nano ngɨɨ¹ɨ lawa tsá² tiuu²mo. Joon ino'³'o unníi¹i. Sɨ́ɨi³duu 'nʉ 'e cwosɨ́ɨi²du'u jilaa'²¹ 'e gó² 'ɨ¹‑tsi ca 'e tyʉ́². Joon iláa²mo'o 'ido ja'cwoo²¹ 'in 'lɨɨi'³ joon tsataa²mo ja'cwoo²¹ Dios. Joongɨ ilija'²mo líin² jna. Joon coon'¹³ 'e la joon lí²‑i 'iin²moo tsaa² tya'a. Joon 'ii'²¹mo coon²¹ 'áan³ tya'a 'e 'oo¹o Dios tya' jileei'²¹ 'in nigauntyú¹i.”

2 CORINTIOS 2:16

Joon tya' 'in jo tiin'¹³ 'e jmafuu²¹ do lɨ́² lawa coon²¹ jmá² jmaxʉʉ² 'e jngoo'² tya' tsá². Nuu¹o pe jo nʉʉ'¹³ʉ. Pe tya' 'in tsá² 'in tiin'¹³ 'e jmá² do lɨ lawa coon²¹ jmafuu²¹ 'e cwo'¹ fu juncwii²¹ tya' tsá². Joon jiin'¹³ jna'oo'o lí² jmá¹ jilaa'²¹ 'elo tsʉ jo lɨ́ɨ¹na'a la lɨɨ¹i 'in catyaai²¹ 'in cwo¹ júu³ tya' Dios wa'a lí² jna'¹a cuu².

EFESIOS 5:14

Tsʉ 'wii'¹³ joon jin'²in ni jí² tya'a: 'Nʉ, 'in cwúu²i, unjnaa²‑'o'o; joon ráan²un jee²¹² 'lɨɨ²¹², joon cwo'¹ Cristo 'nʉ iseen²¹u jee²¹² 'yiia²¹ tya'a.

1 PEDRO 2:9

Pe 'naa', Dios gatyii'¹³in 'naa' 'e lɨ́ɨ¹naa' tsá² tya'a. Gatyiin'¹³in 'naa' 'e lɨ́ɨ¹naa' coon²¹ poo²¹² untsá² 'in jmoo¹o jiin'¹³ la to² tyʉ'² Dios. Lɨ́ɨ¹naa' tsá² tya' Dios 'in lí² jmáa¹³aa' tsá² júu³ jilaa'²¹ 'e 'ya'²gɨ tya' Dios 'in nigatø'¹ 'naa' 'e 'woo²¹naa' lɨ nʉʉ²¹ 'e cwotaan²¹²naa' lɨ jná² joo'²¹ tya'a.

1 JUAN 2:11

Pe 'in tsá² 'in 'ee'¹ ruu'²¹i seein²¹ 'e ngɨ¹ lɨ nʉʉ²¹. Joon jo jnaa² jǿø²ø xiia'fu tsaa¹a. Lawa'a tsá² tiui² lɨ́ɨ¹i.