SAN JUAN 8:25 - Juu³ tyʉ² ʼe gafaaʼ²¹ Dios tyaʼ tsá²

²⁵ Joon gaunngɨɨ¹ɨ 'in tsá² do: ―¿'Iin‑gɨ 'nʉ joon? Joon gajin'² Jesús: ―Ca la mo 'wii²¹²mo gafuu²¹²uu 'naa' 'iin jna.

SAN JUAN 8:25 Iomraidhean Croise

SAN LUCAS 22:67

―Sii'¹³ jna'a, ¿tɨ 'nʉ Cristo? Joon gañii¹i Jesús: ―Wana fo'³oo, jo jo'² ilíin²naa' júu³ tyiia.

SAN JUAN 1:19

Jee²¹² jmɨɨ²¹² joon 'in tsá² Israel née¹i Jerusalén gasii¹in 'inlɨ́ɨi¹³ untsá² coon'¹³ 'inlɨ́ɨ¹³ tsá² coon²¹ poo²¹² sii²¹ levitas 'e tsafeei'¹³ Wó³. Joon mo gatyalíin² lɨ taan¹in Wó³ do gaunngɨɨ¹ɨ: ―¿'Iin 'nʉ?

SAN JUAN 1:22

'In tsá² do gajin'²in sɨɨ'²¹ɨ Wó³: ―¿'Iin 'nʉ jon? tsʉ 'ná¹‑a lee²¹e'e júu³ tya' 'in tsá² 'in gasii¹in jna'a. ¿Ee sii'¹³i'i cwáain¹ tyi'i?

SAN JUAN 10:24

Joon 'in tsá² seein²¹ Israel do gajmaa¹a coon²¹ lɨɨ²¹ ce cu'² jiin¹ lɨ siin'¹²in Jesús joon gajin'²in sɨɨ'²¹ɨ 'ido: ―¿Lɨɨ ca 'e cwo'²'o jna'a 'e la né²e'e 'iin 'nʉ? Wana 'nʉ Cristo sii'¹³ jna' coonti júu³ coon²¹ tsáa¹.

SAN JUAN 19:9

Joon ga'í²i tún¹ palacio tya'a joon gaunngɨɨ¹ɨ, sɨɨ'²¹ɨ Jesús: ―¿Xiiafu seen²¹u? Pe Jesús do jo gañii¹i jiin'¹³xʉ.

SAN JUAN 8:12

Jesús sɨɨ'²¹ɨ tsá² tún¹, joon gajin'²in: ―Jna‑a lɨ́ɨ¹na 'yiia²¹ tɨ ni cwoo'¹³ fu juncwii²¹. La jnaa'²¹ tsá² coon'¹³ 'yiia²¹ tya' ñi'¹ la joon jon tsʉ 'wii'¹³ jna iliñi¹i tsá² xiiala 'e ngɨ́²i tyani Dios. Joon 'in ngɨ¹ coon'¹³ jna sá²‑a 'yiia²¹ tya'a 'e cwo¹o juncwii²¹ tya'a. Joon jo jmɨɨ²¹² ngɨ¹ lɨ nʉʉ²¹.

SAN JUAN 8:24

Tsʉ 'wii'¹³ joon fuu²¹²uu 'naa' mi júun²naa' røø²¹moo' tsaa². Mi júun²naa' røø²¹moo' tsaa² tsʉ jo mo galijai'² galɨ́ɨ²naa' jna jiin'¹³ la lɨ' 'e lɨ́ɨ¹na.

SAN JUAN 8:26

'Láa²mo 'nogɨ 'e 'ná¹ fuu²¹²uu 'naa' xiiala lɨ́ɨ¹naa'. Pe fuu²¹²uu 'naa' tsá² taan²¹²in juncwii²¹ jiin'¹³ 'e ninúu³oo faa'²¹a 'in gasii¹in jna joon jmai'² 'e ja'²mo faa'²¹a 'ido.