SAN JUAN 8:15 - Juu³ tyʉ² ʼe gafaaʼ²¹ Dios tyaʼ tsá²

¹⁵ 'Naa' jmoo²oo' 'ii'²¹ jiin'¹³ la 'ii'²¹ tya' tsá² taan²¹²in juncwii²¹. Pe jna‑a, jo 'in 'ii'²¹ tya'a jmóo³oo.

SAN JUAN 8:15 Iomraidhean Croise

SAN LUCAS 12:14

Joon gajin'² Jesús sɨɨ'²¹ɨ 'ido: ―Tsañʉʉ'¹, ¿'iin gajin'² 'e lɨ́ɨ¹na tsaa'to² sɨ 'in jmoo¹ jmai'xʉ jee²¹² 'naa' 'ee?

SAN JUAN 12:47

Wana seein²¹ 'inlɨ́ɨi¹³ nuu¹un júu³ tyiia, joon jogɨ unjíi²i, jon' jna jmá³a 'ii'²¹ tya'a tsee'¹³i lɨ 'lɨɨ'³, tsʉ jo gagoo²¹²oo 'e jmáa³aa 'ii'²¹ tya' tsá² 'e tsalíin² lɨ 'lɨɨ'³ 'in taain²¹² ni cwoo'¹³ juncwii²¹. Pe gagoo²¹²oo 'e jmáa³aa 'e tiin'¹³mo tsá².

SAN JUAN 18:36

Joon gajin'² Jesús: ―Jo lɨ́ɨ¹na rǿøi¹³ fu juncwii²¹ lo. Wa'a lɨ́ɨ¹na la joon 'e gatiin²mo tsá² tyiia 'e jo gataan'¹³mo tsá² Israel jna. Pe lɨ́ɨ¹na rǿøi¹³ fu lɨ xiia'²¹.

SAN JUAN 3:17

Jo gasii¹in Dios Jóon¹on fu juncwii²¹ wa'a jmoo¹o 'ii'²¹ 'e júun²in tsá², gasii¹mo wa'a jmaa¹a tiin'¹³ tsá² 'wii'¹³ 'ii‑o.

SAN JUAN 7:24

Jo cwojmaa²aa' 'ii'²¹ jiin'¹³ la 'øøi'²¹‑'oo' yaanaa'. Mo jmoo²oo' 'ii'²¹, cwojmaa²aa' coon²¹ tsáa¹.

SAN JUAN 8:11

Joon gajin'² 'in tsamɨ́² do: ―'Un², jiin'¹³ jaain²¹ jo 'iin cwo'¹o jna tsaa². Joon gajin'² Jesús sɨɨ'²¹ɨ 'in tsamɨ́² do: ―Jon'gɨ jna píin²na 'nʉ. Cwooi'¹³ no, jo cwo'laa²¹²gɨ'ɨ.

ROMANOS 2:1

Tsʉ 'wii'¹³ joon 'nʉ‑ʉ, doñi'iin lɨ́ɨ¹u'u, 'in jmaa¹o 'ii'²¹ tya' tsá² xeei'²¹ jo lí² wa'a jo tsaa² tyi'i sá². Tsʉ mo jmoo²'o 'ii'²¹ tya' tsá² xeei'²¹ 'e piin²¹² 'woo²¹'o tsʉ jmoo²'o jiin'¹³ la jmoo¹o 'ido.

1 CORINTIOS 2:15

Pe 'in tsá² 'in niga'ii'²¹i 'in Espíritu Tyʉ́² tya' Dios lí²‑i cón² cwáain¹ ce jilaa'²¹a. Joon ce jiin'¹³ jaain²¹ tsá² 'in jo cwii¹in Dios jo lí² 'øøi'²¹‑tsi xiiala 'ɨ¹‑tsi 'in tsá² 'in cwii¹in.

2 CORINTIOS 5:16

Tsʉ 'wii'¹³ joon jo lé²gɨɨ'ɨ cwáain¹ tya' tsá² la jmoo¹o 'in tsá² 'in 'ɨ¹‑tsi jiin'¹³ 'e sá² fu juncwii²¹ lo. La joon ga'ɨ¹‑tsii'i tya' Cristo la mo jéei¹ pe jo 'ɨ¹gɨ‑tsii'i la joon no.