SAN JUAN 7:39 - Juu³ tyʉ² ʼe gafaaʼ²¹ Dios tyaʼ tsá²

³⁹ Coon'¹³ 'e la joon 'øøi'²¹‑tsi 'e faa'²¹ Jesús 'e i'ii'²¹i 'in tsá² jai'² lɨ́ɨ²i 'ii 'in Espíritu Tyʉ́² tya' Dios. Tsʉ 'in Espíritu Tyʉ́² do jo mo ga'í¹i alma tya' 'in jai'² lɨ́ɨ²i 'ii tsʉ jo mo júin¹ Jesús wa' 'e 'ii'²¹i 'e 'ya'²gɨ tya'a 'e cwo'¹o Dios Jmii²¹ 'ii.

SAN JUAN 7:39 Iomraidhean Croise

SAN MATEO 16:14

Joon gañii¹i tsá² tya'a: ―'Inlɨ́ɨi¹³ jin'²in 'e Wó³ saai¹ tsá² jmɨɨ²¹ 'nʉ. 'Inlɨ́ɨi¹³gɨ jin'²in 'e Elías 'nʉ. Joon tsá² xeei'²¹ jin'²in 'e Jeremías 'nʉ sɨ jaain²¹ 'in nigacwo¹ júu³ tya' Dios la mo jéei¹ 'ee 'nʉ.

SAN MATEO 21:11

Joon tsá² gañii¹i: ―Jaain²¹ tsá² 'in cwo¹ júu³ tya' Dios 'in sii²¹ Jesús 'ino. 'In jó¹ fuu²¹ Nazaret 'e náa¹ lɨ sii²¹ Galilea no.

SAN LUCAS 24:49

Tyaa¹aa' cwáain¹, jna‑a isɨ́ɨ³na jee²¹² 'naa' jiin'¹³ 'e gajin'² Ñʉ'³oo. Pe jan²duu' Jerusalén lo ca ga'ii'¹³naa' 'in Espíritu Tyʉ́² tya' Dios ijó¹ fu ñʉ'fú².

SAN LUCAS 3:16

Pe Wó³ dogɨ gajin'²in sɨɨ'²¹ɨ jileei'²¹: ―Jna‑a, 'e la ja'²mo jiin'¹³ coon'¹³ jmɨɨ²¹ saa²na 'naa' jmɨɨ²¹. Pe jó¹‑o jaain²¹ 'in cwói¹ Espíritu Tyʉ́² tya' Dios 'in ngɨ́¹ coon'¹³ 'naa'. Joon iuntyú¹mo 'naa' coon'¹³ coon²¹ lawa coon²¹ jɨ́². Joon 'oo¹gɨ 'ii'²¹ lagɨ jna ce jiin'¹³ jo tɨ́ɨ²na 'e sii'¹³ii loo²¹ tsi mɨɨ²¹²ɨ.

SAN LUCAS 7:16

Mo ganii²¹ 'in tsá² taain²¹² do jilaa'²¹ 'elo jmai'² 'in gafoo'²¹mo. Joon ga'láa² 'wii²¹² cwo'²o 'maai'¹³ Dios. Jin'²in: ―Jaain²¹ tsá² feei'¹ 'in cwo¹ júu² tyʉ́² nigajnéi¹ jee²¹² jna'. Jin'²o jon: ―Dios nigajó² 'e uncoon'¹³on fuu²¹ goo²¹o'.

SAN JUAN 1:21

Joon gaunngɨɨ¹gɨ 'in tsá² do: ―¿'Iin 'nʉ jon? ¿Tɨ 'nʉ‑ʉ Elías, 'in tsá² 'in gacwo¹ júu³ tyʉ́² tya' Dios calɨɨ lɨ¹? Joon Wó³ do gañii¹i: ―Jon'on jna 'i. Joon tsifu gaunngɨɨ¹gɨ: ―'Áai¹ tɨ lɨ jó¹ jaain²¹ tsá² 'e ijacwoo²¹ júu³ tya' Dios; ¿tɨ 'nʉ‑ʉ 'i? Joon gañii¹i Wó³: ―Jon'on jna 'i.

SAN JUAN 1:25

Joon 'in tsá² jaliin¹ do gaunngɨɨ¹ɨ jin'²in gasɨɨ'²¹ɨ Wó³: ―¿'Ee lɨ' saa¹u'u tsá² jmɨɨ²¹ wa'a jon'on Cristo 'nʉ, jon'on Elías 'nʉ, jon'on 'in cwoo¹o júu³ tya' Dios 'nʉ?

SAN JUAN 1:33

Jo mo lɨcwii¹na pe 'in nigasii¹in jna 'e sáa¹³na tsá² jmɨɨ²¹ sɨɨ'²¹ɨ jna: “Imáa¹mo'o 'in Espíritu Tyʉ́² tya' Ña'ñʉ'¹ʉ' xáa¹i joon iján² tya' jaain²¹ tsá². Joon 'in tsá² do‑o isáa¹i tsá² jmɨɨ²¹ coon'¹³ Espíritu Tyʉ́² tya' Dios.”

SAN JUAN 12:16

La mo 'láa² 'wii²¹² jo 'øøi'²¹‑tsi 'in tsá² ngɨ¹ɨ coon'¹³ Jesús jilaa'²¹ 'e nigalɨ́². Pe mo ngayuui'¹³ gangai'² Jesús fu ñʉ'fú² joongɨ gatɨ'²ɨ‑tsi 'e jilaa'²¹ 'elo 'e toon²¹² ni jí² 'e faa'²¹a cwáain¹ tya' Jesús joon la joon nigajmaa¹a tya' 'ido.

SAN JUAN 12:23

Joon gajin'²in Jesús: ―'E gatyíi¹a gatɨ́²‑ɨ 'ii'²¹ 'e untyú²i Dios jna, 'in Ruui'²¹ Tsá², mi júun²na.

SAN JUAN 14:13

Joon jilaa'²¹ 'e mɨ́² 'naa' coon'¹³ 'e la sii²¹ jna, jna ijmáa³oo tyii' tsʉ coon'¹³ la joon 'í¹i Jóon¹on Dios 'ña'a jilaa'²¹ 'e 'ya'²gɨ tya' Jmii²¹.

SAN JUAN 14:26

Pe Ña'ñʉ'¹ʉ' Dios isíi¹in 'in Espíritu Tyʉ́² tya'a coon'¹³ 'e la sii²¹ jna 'e cwo'³oo 'naa' fo'feei'¹. Joon 'in Espíritu do i'e'² 'naa' jilaa'²¹ joongɨ 'e untii'¹³‑'oo' jilaa'²¹ 'e nifuu²¹²uu 'naa'.

SAN JUAN 16:14

Iuntyúu¹i jna tsʉ i'e'²e 'naa' júu³ tyiia.

SAN JUAN 16:7

Pe fuu²¹²uu 'naa' la jai': 'e tyʉ́²gɨ tyii' 'e nii'¹³na, tsʉ wa'a jo nii'¹³na jo ijó¹ ingɨ́¹ coon'¹³ 'naa' 'in icwo'¹o 'naa' fo'feei'¹. Pe wa nii'¹³na isɨɨ²na 'ido.

SAN JUAN 17:1

Joon mo ngayuui'¹³ gafaa'²¹a Jesús 'e júu³ no joon gasaa'¹³a níi¹i gajǿø²ø ñʉ'fú² joon gafaa'²¹a júu³ tyʉ́², gajin'²in: ―Ñʉ'³, 'e gatɨ́² 'ii'²¹ tyiia. Untyúu¹³'u yʉʉn²¹ tyi'i, joon coon'¹³ la joon jon iuntyúu¹i 'nʉ.

SAN JUAN 17:5

Joon nano, Ñʉ'³, cwo'²'o 'e siin'¹³na tyani'i coon'¹³ jilaa'²¹ 'e 'ya'²gɨ tyiia 'e ga'oo²oo mo tyíin¹na coon'¹³ 'nʉ la nʉ'gɨ garón¹ ni cwoo'¹³ juncwii²¹.

SAN JUAN 20:22

Joon gaxʉʉ¹ʉ ni² 'ido joon gajin'²in: ―Cwo'ii'¹³naa' 'in Espíritu Tyʉ́² tya' Dios Jmii²¹.

SAN JUAN 6:14

Joon mo ganí² 'in tsá² do 'e milagro do 'e gajmaa¹a Jesús, joon gajin'²in: ―'In tsañʉʉ'¹ no 'e la ja'²mo 'in 'ná¹ ijó¹o ni cwoo'¹³ juncwii²¹ cwo¹o júu³ tyʉ́² tya' Dios.

SAN JUAN 7:12

Joon jee²¹² 'in tsá² taan²¹²in lɨ tɨ jmɨɨ²¹² do 'áa¹mo sɨ́ɨ¹i cwáain¹ tya' Jesús do. 'Inlɨ́ɨi¹³ jin'²in: “Jaain²¹ tsañʉʉ'¹ 'in tyú¹mo 'ino.” Pe 'inlɨ́ɨi¹³gɨ jin'²: “Jon'¹ 'in tyúi¹ no, tsʉ 'in coon'²¹on tsá² tóo² 'ino.”

SAN JUAN 8:54

Jesús gajin'²in: ―Jo lí² untyuu²¹²na 'ñii'a, tsʉ wana untyuun²¹²na 'ñii'a jo to² 'íi³in. Pe 'in untyuu²¹²u jna Ñʉ'³oo 'i, tsʉ 'ii jon foo'²¹ 'naa' Dios tyii'.

HECHOS 19:2

Joon gaunngɨɨ¹ɨ: ―¿Tɨ niga'ii'¹³naa' 'in Espíritu Tyʉ́² tya' Dios mo galitsáai¹‑'oo'? 'Ido‑gɨ gañii¹i: ―Coonti jo mo ganʉʉ²¹ʉ'ʉ 'e seein²¹ Espíritu Tyʉ́² tya' Dios.

HECHOS 2:17

La lo‑o gajin'² Dios: La nʉ'gɨ mi 'iin² juncwii²¹ icwo'³oo Espíritu Tyʉ́² tyiia la jileei'²¹ 'in taain²¹² fu juncwii²¹. Yʉʉn²¹ tyii'i tsañʉʉ'¹ coon'¹³ yʉʉn²¹ tyii'i tsamɨ́² ifaa'²¹a cwáain¹ tyiia. Joongɨ sɨmii'²¹ sá² coon²¹ iní²i. Joongɨ yʉʉ'¹³ icwuu²¹mo ilisá² tyisáa² tya'a.

HECHOS 2:33

Joon gatǿ¹ Dios Jmii²¹ 'ii lɨ' cwoo²¹o tsáa¹. Joon gacwo'¹o Dios Jmii²¹ 'ii 'in Espíritu Tyʉ́² tya'a la lɨ 'e nigajin'²in. Joon jilaa'²¹ 'e nigalɨ́² nano, joongɨ nijǿø²øø' joongɨ ninʉ́ʉ²ʉʉn' 'e gajmaa¹a 'ii‑o joon.

HECHOS 2:38

Joon gañii¹ Tʉ́³: ―Cwojaa'²¹‑'oo' coon'¹³ Dios joongɨ cwosaa²¹naa' jmɨɨ²¹ la jaan²¹naa' coon'¹³ la sii²¹ Jesucristo. Joon la joon 'iin²mo Dios tsaa² tyii'. La joon jon icwo'¹o Dios 'naa' 'in Espíritu Tyʉ́² tya'a.

HECHOS 2:4

Joon ga'í² 'in Espíritu Tyʉ́² tya' Dios almas tya' ce jilee'²¹mo 'in néei¹ do. Joon ga'láa² 'wii²¹² faa'²¹ jmai'² jmíi¹ xiia'²¹ 'e cwoo¹o 'in Espíritu Tyʉ́² do faa'²¹a.

HECHOS 3:13

Jo lɨ́² la joon, Dios, 'in gaun'goo²¹o 'lɨɨ²¹² tsacøøi'¹³ tyi' Abraham coon'¹³ Isaac coon'¹³ Jacob, nigacwóo¹i jóon¹on Jesús, 'in feei'¹gɨ la jee²¹² jileei'²¹ pe 'naa' nigajaan'¹³moo' 'i tyani 'in tyʉ'² to². Joon mo gali'iin²¹²mo Pilato 'e iláa²i pe 'naa'gɨɨ' jo gali'iin²¹²naa'.

HECHOS 4:31

Mo ngayuui'¹³ gafaa'²¹a júu³ tyʉ́² tya'a 'e lɨ́² lɨcaain²¹ do joon gajøø'²¹ 'wó² tá² lɨɨlɨ¹. Tsifu joon galiseein²¹ waa'²¹ pí² coon'¹³ 'ii'²¹ tya' 'in Espíritu Tyʉ́² tya' Dios. Joon jo 'goo'²¹gɨ faa'²¹a júu³ tyʉ́² tya' Dios.

ROMANOS 8:9

Pe 'naa' jo ngɨ́²ɨɨ' to² jmoo²oo' jiin'¹³ 'e 'yaai¹‑tsi ngú¹ taan²¹²naa', pe 'e 'yaai¹‑tsi 'in Espíritu Tyʉ́² do. Tsʉ 'in Espíritu Tyʉ́² do 'e 'yuu¹mo ngú² taan²¹²naa'. Joon wana jo 'yuu¹i 'in Espíritu Tyʉ́² do ngú¹ taan²¹²in tsá² jo lɨ́ɨ¹i 'in tsá² do tsá² tya' Cristo.

2 CORINTIOS 3:8

'e fee'¹gɨ 'áai¹ 'e 'ya'²gɨ tya' 'e júu³ 'múui² 'e cwo'¹ 'in Espíritu Tyʉ́² jna'.

EFESIOS 4:30

Joon jo cwoo²oo' fa'í³ 'in Espíritu Tyʉ́² tya' Dios coon'¹³ 'e jmoo²oo' tsʉ Dios gacwoo'¹³i 'naa' 'in Espíritu Tyʉ́² tya'a 'e liin¹ lawa coon²¹ sello tyi'naa' 'e liin¹naa' tsá² tya'a ca jmɨɨ²¹² mi untiin'¹³in jmáa¹a 'e tiin'¹³ 'naa'.