SAN JUAN 6:69 - Juu³ tyʉ² ʼe gafaaʼ²¹ Dios tyaʼ tsá²

⁶⁹ Joon jna'a jo'¹o nilɨ́³na'a 'nʉ joon ne²oo'o 'e 'nʉ‑ʉ Cristo, Jóon¹on Dios Jmii²¹ 'in seein²¹ coon²¹ tøø²mo.

SAN JUAN 6:69 Iomraidhean Croise

SAN MATEO 16:16

Joon Simón Pedro do gajin'²in: ―'Nʉ‑ʉ Cristo 'in gasii¹in Dios. Jóon¹ Dios 'in jiin'¹ 'nʉ.

SAN MARCOS 1:1

La lo ga'láa² 'wii²¹² júu³ tyʉ́² tya' Jesucristo, Jóon¹ Dios 'ii.

SAN MARCOS 1:24

―¿'Ee lɨ 'u'²'u jee²¹² jna'a Jesús tsá² Nazaret? ¿Tɨ gañi'¹'i 'e untyee¹u'u jna'a? Cwii¹moo 'nʉ. Jóon¹ Dios 'nʉ. 'In tyú¹mo 'nʉ ―gajin'² 'in tsá² do cwáain¹ tya' 'in 'lɨɨi'³ 'yui alma tya'a.

SAN MARCOS 8:29

Joon gaunngɨɨ¹ɨ Jesús tsá² tya'a: ―'Naa'gɨɨ', ¿'iin jna fáa¹³aa'? Joon gajin'² Tʉ́³: ―'Nʉ Cristo, 'in gasii¹in Dios 'nʉ.

SAN LUCAS 9:20

Joon gaunngɨɨ¹ɨ tún¹ Jesús: ―¿'Naa'gɨɨ', 'ee fó²oo' 'in jna? Joon gañii¹ Tʉ́³ do jin'²in: ―'Nʉ‑ʉ Cristo Jóon¹ Dios.

SAN JUAN 1:29

Mo gajná² jmɨɨ²¹² joon Wó³ gangaa¹i Jesús jatyéen¹in co' lɨ siin'¹³ Wó³. Joon Wó³ do gasɨɨ'²¹ɨ 'in tsá² téen²in do: ―Tyaan²aan' cwáain¹. Ino‑o 'in 'iin² tsaa² tya' tsá² taain²¹² fu juncwii²¹ 'in gasii¹in Dios. Lɨ́ɨ¹i lawa joo'saa'²¹ 'in jngaai'¹³ tsá² Israel coon'¹³ la joon 'iin²in tsaa² tya' tsá².

SAN JUAN 1:41

Joon Dɨ́ɨ³ do tsifu nga'nee'¹³i Simóoi¹³ joon gasɨɨ'²¹ɨ: ―Nitsee'²¹moo'o Mesías (Mesías 'øøi'²¹‑tsi tsá² Cristo coon'¹³ jmíi¹ tya'a Dɨ́ɨ³ do. Joon coon'¹³ jmíi¹ 'øøi'²¹‑tsi tsá² Cristo 'in gatyii'¹³in Dios Jmii²¹.)

SAN JUAN 10:36

Joon wa gatyii¹in Dios jna joongɨ sii¹in jna ni cwoo'¹³ fu juncwii²¹, ¿xiiala lii'¹naa' 'e foo²oo' 'e nifo'³oo júu³ 'laa'²¹ mo gafo'³oo Jóon¹on Dios jna?

SAN JUAN 11:27

Joon gajin'² 'in tsamɨ́² do: ―Ña'ñʉ'¹ʉ', jo'¹o lɨ́ɨ²na 'e 'nʉ‑ʉ Cristo, Jóon¹on Dios Jmii²¹ 'in 'ná¹ jó¹o ni cwoo'¹³ juncwii²¹.

SAN JUAN 20:28

Joon gañii¹i Tomás jin'²in: ―¡Ñʉ'fii³ii, joongɨ Dios tyiia 'nʉ!

SAN JUAN 20:31

Pe 'e jí² lo taa'¹³ jilaa'²¹ 'e júu³ lo 'yʉto² 'e lí² jai'² lɨ́ɨ²naa' 'e lɨ́ɨ¹i Jesús Cristo, Jóon¹on Dios. Joon tsʉ 'wii'¹³ jo'¹o lɨ́ɨ²naa' Jesús 'e seen²¹moo' coon²¹ tøø²mo coon'¹³ 'ii'²¹ tya' 'e sii²¹ 'ii.

HECHOS 8:36

Joon mo gangɨ́ɨ¹i coon²¹ lɨ sá² jmɨɨ²¹ 'in tsá² tyiin² do gajin'²in: ―Lo‑o sá² jmɨɨ²¹. ¿Tɨ jo lí² saa²¹na jmɨɨ²¹?

ROMANOS 1:3

Joon 'e júu³ do faa'²¹a cwáain¹ tya' Jóon¹ Dios Jesucristo 'in lɨ́ɨ¹i Ña'ñʉ'¹ʉ'. Joon cwáain¹ tya' 'e gacwéi¹ 'in Jesucristo lo juncwii²¹ galɨ́ɨ¹i jún² tya' 'lɨɨ²¹² rǿøi¹³ David.

EFESIOS 4:13

Joon ijmáa¹a la joon ca liin¹na' jaain²¹na' coon'¹³ 'e jai'² lɨ́ɨ²na' joongɨ coon'¹³ 'e cwii¹na' 'in Jóon¹ Dios; ca liin¹na' tsá² 'in nicøøi'¹³ coon'¹³ 'e jai'² lɨ́ɨ²na', joon ca liin¹na' ce tí¹ la lɨ́ɨi¹ Cristo.

1 JUAN 4:16

Galinee²o' joon galija'²mo lɨ́ɨ²na' 'e 'iin²¹² Dios Jmii²¹ jna'. Jilaa'²¹ 'e jmoo¹o Dios 'e 'e'²e tsá² 'e 'iin²¹²mo Dios Jmii²¹ tsá² joon jileei'²¹ 'in ngɨ¹ 'née²i tsaruu'²¹i ngɨɨ¹ 'i coon'¹³ Dios joon Dios ngɨɨ¹o jon coon'¹³ 'i.

1 JUAN 5:1

Jileei'²¹ 'in jai'² lɨ́ɨi² 'e Jesús lɨ́ɨ¹i Cristo, ('øøi'²¹‑tsi tsá² jaain²¹ 'in Dios gasii¹in jajmaa¹a tiin'¹³ tsá²) jaain²¹ jóon¹ Dios 'ii. Joon wa'a 'iin²¹²in tsá² jmii²¹ xuui²¹² i'iin²¹²mo jon 'in xuui²¹² do.

1 JUAN 5:20

Nee²o' jon 'e najó³ Jóon¹ Dios. Joon 'ii‑o nagacwo'¹ jna' 'e licwii¹mo' Dios 'in jai'². Joon toon²¹on' sɨcaan²¹na' coon'¹³ 'in jai'² do. 'Iin 'in Jóon¹ Dios Jesucristo. Joon Jesucristo Dios 'in jai'² joon 'oo¹‑o coon²¹ juncwii²¹ 'e cwo'¹ Dios tsá² 'e jo tyéi¹.