SAN JUAN 6:68 - Juu³ tyʉ² ʼe gafaaʼ²¹ Dios tyaʼ tsá²

⁶⁸ Pe joon gajin'² Simón Pedro: ―Ña'ñʉ'¹ʉ', ¿'iin coon'¹³ tsaa²¹a'a? Jiin'¹³ júu³ tyi'i no 'e cwo¹ juncwii²¹ tya' tsá² 'e taa'²¹ coon²¹ tøø²mo.

SAN JUAN 6:68 Iomraidhean Croise

SAN MATEO 16:16

Joon Simón Pedro do gajin'²in: ―'Nʉ‑ʉ Cristo 'in gasii¹in Dios. Jóon¹ Dios 'in jiin'¹ 'nʉ.

SAN MARCOS 8:29

Joon gaunngɨɨ¹ɨ Jesús tsá² tya'a: ―'Naa'gɨɨ', ¿'iin jna fáa¹³aa'? Joon gajin'² Tʉ́³: ―'Nʉ Cristo, 'in gasii¹in Dios 'nʉ.

SAN LUCAS 9:20

Joon gaunngɨɨ¹ɨ tún¹ Jesús: ―¿'Naa'gɨɨ', 'ee fó²oo' 'in jna? Joon gañii¹ Tʉ́³ do jin'²in: ―'Nʉ‑ʉ Cristo Jóon¹ Dios.

SAN JUAN 12:49

Tsʉ jo fo'³oo 'e 'øøi'²¹‑tsii 'ñii'a, Ñʉ'¹ʉ', 'in gasii¹in jna‑a, 'ii gacwo'¹o jna jilaa'²¹ 'e 'ná¹ fuu²¹²uu tsá² joongɨ 'e 'ná¹ 'e'³ee tsá².

SAN JUAN 12:50

Joon ñi³oo jilaa'²¹ to² tyʉ'² Ñʉ'³ʉʉ cwo'¹o tsá² juncwii²¹ tya'a 'e taa'²¹ coon²¹ tøøi². La joon 'e fo'³oo lo fo'²oo jiin'¹³ la to² tyʉ'² Ñʉ'¹ʉ' jna.

SAN JUAN 17:8

Joon gacwo'³oo 'in tsá² do 'e júu³ tyi'i 'e nigacwoo'¹³'o jna, joon ga'ii'¹mo. Gacón²o cwáain¹ 'e gagoo²¹²oo fu lɨ tyíin¹u'un joon ja'²mo lɨ́ɨ²i 'e gasii¹un jna.

SAN JUAN 5:24

’Tsʉ júu³ ja'²mo 'e fuu²¹²uu 'naa': Jileei'²¹ 'in cón² cwáain¹ 'e fo'³oo lo joongɨ ja'²mo lɨ́ɨ²i 'in gasii¹in jna taa'²¹ juncwii²¹ tya'a coon²¹ tøø²mo. Joon jo jmá¹a Dios 'ii'²¹ tya'a 'e tsáa¹a lɨ 'lɨɨ'³ tsʉ jo júuin²gɨ, jiin'¹o coon²¹ tøø²mo.

SAN JUAN 6:40

Jiin'¹³ 'e 'iin²¹²in 'in gasii¹in jna 'e jileei'²¹ 'in jǿø²i jna, Jóon¹on Dios jna, joongɨ jo'¹o lɨ́ɨ²i jna, itaa'²¹a juncwii²¹ tya'a coon²¹ tøø²mo. Joongɨ jna‑a jmáa³aa ijiin'¹o mi tɨ jmɨɨ²¹² lɨ gatséi¹.

SAN JUAN 6:63

'E cuerpo tya' tsá² jo to² 'íi³in 'e joon, jiin'¹³ espíritu tya' tsá² 'e taa'²¹ juncwii²¹ tya' coon²¹ tøø²mo. Joon 'in Espíritu Tyʉ́² tya' Dios cwo'¹o juncwii²¹ tya' espíritu tya' tsá². Joon 'e júu³ fuu²¹²uu 'naa' lo cwáain¹ tya' 'e espíritu do. Joon coon'¹³ 'e júu³ fo'³oo lo lí²‑i cwo¹o juncwii²¹ tya' tsá² 'e taa'²¹ coon²¹ tøø²mo.

HECHOS 13:26

Joon tyaa¹gɨ Poo² júu³: ―Tsaru'¹u', lɨ́ɨ¹naa' jún² tya' 'lɨɨ²¹² Abraham coon'¹³ jileei'²¹ 'in tsáai¹‑tsi Dios. Tyi'naa'oo' 'e júu³ lo tya' xiiala 'e tiin'¹³ tsá².

HECHOS 4:12

Ce jiin'¹³ jaain²¹ 'in taain²¹² juncwii²¹ jo lí² jmáa¹a tiin'¹³naa' tsʉ² Dios nigacwoo¹o 'e jiin'¹³ Jesús tɨ́ɨ²i jmáa¹a tiin'¹³naa' ―jin'² Tʉ́³ do.

HECHOS 5:20

―Cwolíin²naa' fu inʉʉ cwo'¹ do. Cwojmaa²aa' júu³ xiiala ngɨ¹ tsá² coon²¹ fu¹ coon²¹ tsáa¹ tya' Dios.

HECHOS 7:38

Gateen¹in 'in Moisés lo coon'¹³ tsá² Israel 'e lɨ jo 'in tsá² seein²¹ do. Mo gafee'¹i 'in ángel do Moisés lɨ' moo'²¹ sii²¹ Sinaí, Moisés‑gɨ gasɨɨ'²¹ɨ 'lɨɨ²¹² tsacøøi'¹³ tyi' 'e júu³ do ga'ɨ́ɨ²ɨ tya' xiiala 'e téein² tsá² tyʉ́². Coon'¹³ la joon ga'ii'¹³naa' 'e júu³ do.

HECHOS 8:37

Lii²¹²gɨ gasɨɨ'²¹ɨ 'ii: ―Wa jai'² lɨ́ɨ²u ce caain²¹‑'o'o, lí²‑i. Joon gañii¹i 'in tsañʉʉ'¹ do: ―Lɨ́ɨ²moo 'e Jóon¹ Dios Jesucristo.