SAN JUAN 5:18 - Juu³ tyʉ² ʼe gafaaʼ²¹ Dios tyaʼ tsá²

¹⁸ 'Wii'¹³ joon 'in tsá² seein²¹ Israel do 'áai¹gɨ gali'iin²¹²in jngaa'¹³i 'ido. 'Iin²¹²in jngaa'¹³i 'ido tsʉ jo gauntiin'¹³in 'e ley tya' jmɨɨ²¹² 'ii'²¹ 'woo'²¹ tsá², joon mo gajin'²in 'e Dios jmii²¹i joon gajmee¹i 'ña'a coon²¹ røø²¹mo coon'¹³ Dios Jmii²¹.

SAN JUAN 5:18 Iomraidhean Croise

SAN MATEO 12:5

Ñí² 'naa' jon 'e ni ley tya' Moisés tyʉ'²ʉ to² untsá² 'e jmoo¹o to² inʉʉ cwo'¹ do jmɨɨ²¹² 'ii'²¹ 'woo'²¹ tsá², joon jo 'nóo¹o tsaa².

SAN JUAN 1:19

Jee²¹² jmɨɨ²¹² joon 'in tsá² Israel née¹i Jerusalén gasii¹in 'inlɨ́ɨi¹³ untsá² coon'¹³ 'inlɨ́ɨ¹³ tsá² coon²¹ poo²¹² sii²¹ levitas 'e tsafeei'¹³ Wó³. Joon mo gatyalíin² lɨ taan¹in Wó³ do gaunngɨɨ¹ɨ: ―¿'Iin 'nʉ?

SAN JUAN 10:30

Jna‑a coon'¹³ Ñʉ'¹ʉ', jaan²¹mo jna'a lɨ́ɨ¹na'a.

SAN JUAN 10:33

Joon gajin'²in 'in tsá² tyʉ'² to² Israel do: ―Jo tyuu'¹³na'a 'nʉ cuun²¹² cwáain¹ tya' 'e tyʉ́² nigajmaa'¹³'a pe cwáain¹ 'e nigafaa'¹³'a 'laa'²¹ tya' Dios coon'¹³ júu³ tyi'i. Tsʉ 'nʉ‑ʉ jaain²¹ tsañʉʉ'¹ 'in jmaa¹i 'ña'a Dios.

SAN JUAN 14:23

Joon gajin'² Jesús: ―'In 'nee¹i jna unjíi²o 'e fo'²oo joon ili'nee¹mo Ñʉ'³ʉʉ 'ii. Joongɨ Ñʉ'³ʉʉ ijá²oo'o coon'¹³on 'e toon²¹²o'on alma tya'a.

SAN JUAN 14:9

Joon Jesús‑gɨ gañii¹i: ―Ningóo¹ 'áai¹ 'e taan²na jee²¹² 'naa' Felipe, ¿tɨ joon jo mo cwii¹mogɨ'ɨ jna? Tsʉ 'in ní² jna níi²mo jon Ña'ñʉ'¹ʉ' Dios Jmii²¹, ¿'ee lɨ'ɨ 'e mɨ²'ɨ 'e 'ee'¹³na 'naa' Ña'ñʉ'¹ʉ' Dios Jmii²¹?

SAN JUAN 19:7

Pe 'in tsá² Israel do gañii¹i: ―Sá² coon²¹ ley tyii'i, joon 'e ley do jin'²in 'e 'ná¹ júun²in 'ido tsʉ gajmee¹mo 'ña'a Jóon¹on Dios.

SAN JUAN 5:15

Joon ganga'²mo 'in tsañʉʉ'¹ do ganijmaa'¹³a 'in tsá² seein²¹ Israel júu³ 'e Jesús do‑o 'in nigaun'láa²i 'ii.

SAN JUAN 5:16

Joon tsʉ 'wii'¹³ gaun'láa²i Jesús 'in tsá² do jmɨɨ²¹² 'e 'ii'²¹ 'woo'²¹ tsá² 'e joon 'áai¹ gauntyíi²in 'in tsá² seein²¹ Israel do Jesús, 'iin²¹²in jnga'²mo 'ido.

SAN JUAN 5:17

Pe Jesús‑gɨ gasɨɨ'²¹ɨ 'ido: ―Ñʉ'³ʉʉ gajmaa¹a to² ca jmɨɨ²¹² no la joon jna jon jmóo³oo to².

SAN JUAN 5:23

'E coon'¹³ la joon ilitsáai¹‑tsi tsá² la tsáai¹‑tsi tsá² Dios Jmii²¹. Wana jo tsáai¹‑tsi tsá² Jóon¹on Dios Jmii²¹ joon la joon jon jo tsáai¹‑tsi tsá² Dios Jmii²¹ tsʉ Dios Jmii²¹ gasii¹in Jóon¹on do.

SAN JUAN 7:1

Mo ngayuui'¹³ gajin'² Jesús 'e júu³ lo joon gangɨɨ¹ɨ la caain²¹ Galilea. Jo 'iin²¹²in ján² coon²¹ lɨ sii²¹ Judea tsʉ 'in tyʉ'² to² tsá² Israel 'iin²¹²in jnga'²mo 'ido.

SAN JUAN 7:19

’Moisés gacwo'¹ 'naa' 'e ley do, ¿ja jo'? Pe jiin'¹³ jaain²¹ 'naa' jo gauntiin'¹³naa' 'e ley do. ¿'Ee lɨ' 'iin²¹²naa' jngaa'¹³naa' jna?

SAN JUAN 8:54

Jesús gajin'²in: ―Jo lí² untyuu²¹²na 'ñii'a, tsʉ wana untyuun²¹²na 'ñii'a jo to² 'íi³in. Pe 'in untyuu²¹²u jna Ñʉ'³oo 'i, tsʉ 'ii jon foo'²¹ 'naa' Dios tyii'.

SAN JUAN 8:58

Joon gajin'² Jesús: ―'E la ja'²mo fuu²¹²uu 'naa', la nʉ'gɨ 'e la seein²¹ Abraham, niseen²¹mo jna ―jin'² Jesús.

FILIPENSES 2:6

Tsʉ xʉfiin'¹³ Dios 'ii jo fúu² galɨ́ɨ²i 'ña'a. Jo gajmaa¹a jiin'¹³ 'e tɨ́ɨi² jmáa¹a tsʉ 'wii'¹³ Dios 'ii.

APOCALIPSIS 22:1

Joon 'in ángel do ga'e'²e jna coon²¹ jmɨɨ²¹ fee'¹ pii¹, jmɨɨ²¹ ilicwó² juncwii²¹ tya' tsá² 'e 'yeei'²¹ lɨ sɨlɨɨ²¹² tya' Dios coon'¹³ 'in Cordero do. Pii¹ 'e jmɨɨ¹ do 'e lɨ la lɨ cuun²¹² jɨɨ'¹ cristal.

APOCALIPSIS 22:3

Joon fu 'e fuu²¹ do jo 'e sá²gɨ wa'a jo tɨ́²‑tsi Dios, tsʉ do‑o si'² lɨ sɨlɨɨ²¹² tya' Dios Jmii²¹ coon'¹³ 'in Cordero joon 'in jmoo¹o la to² tyʉ'²ʉ iun'goo²¹o 'ii.