SAN JUAN 3:24 - Juu³ tyʉ² ʼe gafaaʼ²¹ Dios tyaʼ tsá²

²⁴ Jilaa'²¹ 'elo galɨ́² la nʉ'gɨ gataain'¹³ tsá² Wó³ 'nʉñí³.

SAN JUAN 3:24 Iomraidhean Croise

SAN MATEO 14:3

Ga'ɨ¹‑tsi Herodes la joon tsʉ nigataan'¹³in 'nʉñí³ Wó³ do. Herodes iliseein²¹ tyʉ́² coon'¹³ Herodías gatyʉ'²ʉ to² i'ñʉ́¹ʉ cadenas cwoo²¹o Wó³ lɨ' 'yuu²i 'nʉñí³. Herodes do nigacán¹mo Herodías 'in lɨ́ɨi¹ tsamɨ́² tya' ruu'²¹i 'in sii²¹ Lii²¹².

SAN MATEO 4:12

Joon mo ganúu²un Jesús 'e Wó³ do 'yúu¹i 'nʉñí³ gangóo¹on fu lɨ sii²¹ Galilea.

SAN MARCOS 6:17

Herodes do nigacáan¹in 'in tsamɨ́² sii²¹ Herodías. 'In Herodías lo lɨ́ɨi¹ 'oo²¹²o Lii²¹² ruui'²¹ Herodes. Joon Wó³ do nigasɨɨ'²¹ɨ Herodes: ―Jo lí² caan²¹u'un 'oo²¹² ruu'²¹'u tsʉ́ seen²¹mogɨ. Joon 'wii'¹³ joon gali'ee'¹mo 'in tsamɨ́ do Wó³. Joon Herodes tyʉ'²ʉ to² 'e tsa'í² Wó³ 'nʉñí³ 'wii'¹³ Herodías. 'Iin²¹²in Herodías wa'a júun²in Wó³ pe jo cwo¹ rǿøi¹³ Herodes júu³ 'wii'¹³ gøø'²¹mo Wó³. Joon ñi¹ Herodes 'e Wó³ jaain²¹ tsañʉʉ'¹ 'in tyúi¹ joongɨ jaain²¹ tsá² 'in ñi¹ júu³ tya' Dios. Coon²¹o Herodes cwáain¹ coon'¹³ ce tún² jilaa'²¹ 'e faa'²¹ Wó³ fiin'¹³ jo tyʉ́² 'øøi'²¹‑tsi.

SAN JUAN 3:23

Taain¹ Wó³ fu lɨ sii²¹ Enón co' Salim. Saa¹i Wó³ jon tsá² jmɨɨ²¹ tsʉ 'áai¹ sá² jmɨɨ²¹ do. Joon do‑o gajalíin²mo tsá² wa'a saa¹i Wó³ 'ii jmɨɨ²¹.