SAN JUAN 21:17 - Juu³ tyʉ² ʼe gafaaʼ²¹ Dios tyaʼ tsá²

¹⁷ Joon gatɨ́² 'nɨ́¹ naa'¹³ 'e gaunngɨɨ¹ɨ Jesús 'ii, jin'²in: ―Simón, jóon¹on Jonás, ¿tɨ 'iin²¹²mo'o jna? Joon Tʉ́³ do gajmaa¹o fa'í³ tsʉ wii'¹³ Jesús nigaunngɨɨ¹ɨ 'nɨ́¹ naa'¹³ wa'a 'iin²¹²in Tʉ́³ 'ii. Joon Tʉ́³ gajin'²in sɨɨ'²¹ɨ Jesús: ―Ña'ñʉ'¹ʉ', ñi²o'o jilaa'²¹. Ñi²o'o 'e 'iin²¹²moo 'nʉ. Joon gajin'² Jesús: ―Joon, cwo'²'o 'e dø'² joo'saa'²¹ tyiia.

SAN JUAN 21:17 Iomraidhean Croise

SAN MATEO 25:40

Joon iñí¹i 'in Rǿøi¹³ do: “'E la ja'²mo fuu²¹²uu 'naa', doñi'ee 'e tyʉ́² 'e nigajmaa²aa' tya' ruu'²¹na, xʉfiin'¹³, 'in 'wéei¹gɨ, lawa'a gajmaa²aa' tyiia”, gajin'² Rǿøi¹³ do.

SAN MARCOS 14:72

Joon tsifu gatɨ́² tún² naa'¹³ ga'oo¹o tuuitsáa². Joon gatɨ'²‑tsi Tʉ́³ do 'ee nigasɨɨ'²¹ɨ Jesús 'ii: “La jo‑gɨ mo 'oo¹o tún² naa'¹³ tuuitsáa² jo røø²¹u 'e cwii¹u jna 'nɨ¹ naa'¹³.” Joon mo gatɨ'²‑tsi Tʉ́³ 'elo joon gatyi'²o.

SAN JUAN 12:8

Coon²¹ tøø²mo seein²¹ tsá² taníi²in jee²¹² 'naa' 'e lí² uncóon¹³oon' pe jna jo coon²¹ tøøi² iseen²¹na jee²¹² 'naa'.

SAN JUAN 13:38

Joon gajin'² Jesús: ―¿Tɨ jo'¹ nináa¹ tyʉ́² tyi'i 'e júun²mo'o 'wii²¹² tyiia? 'E la ja'²mo fuu²¹²uu 'nʉ, pe joon 'e ifo'²'o 'nɨ¹ naa'¹³ 'e jo cwii¹u jna la nʉ'gɨ i'ó¹o tuitsáa².

SAN JUAN 14:15

’Sɨno 'naa' 'nee¹moo' jna ijmaa²aa' to² tyʉ'³ʉʉ.

SAN JUAN 15:10

Wa'a jmaa²aa' jilaa'²¹ to² tyʉ'³ʉʉ ngɨ́ɨ¹³ɨɨ', jmoo²oo' 'e li'nee¹moo 'naa'. Tsʉ jmóo³oo jilaa'²¹ to² tyʉ'² Ñʉ'³ʉʉ joon ngɨ́ɨ³ɨɨ, jmóo³oo 'e li'neemo jna.

SAN JUAN 16:30

Ni lee²¹e'e cwáain¹ 'e ñi'²i jilaa'²¹ 'e 'ɨ¹‑tsi tsá², joon jo 'ná¹ wa'a unngɨɨ¹ɨ tsá² 'nʉ. Tsʉ 'wii'¹³ joon jo'¹o lɨ́ɨ²na'a 'e gañi'²i lɨ tyíin¹ Dios Jmii²¹.

SAN JUAN 18:27

Joon jo garǿi¹ Tʉ́³ tún¹, joon tsifu joon ga'oo¹o jaain²¹ tuuitsáa².

SAN JUAN 18:4

Joon tsʉ 'wii'¹³ ñii¹o Jesús jilaa'²¹ 'e 'ná¹ ilí² gacwo'ɨ́ɨ¹o joon gaunngɨɨ¹ɨ: ―¿'Iin 'naa'²¹naa'?

SAN JUAN 21:18

'E la ja'²mo fuu²¹²uu 'nʉ: mo lɨ́ɨ¹u'u sɨmii'²¹ gatyii'¹'i sɨɨn'²¹'ɨn 'wo'o joon gatyii²'a doñixiia' fu 'iin²¹²u'un. Pe mi lɨ yʉʉ'¹³ 'nʉ inii'¹³'i cwaa¹'a joon tsá² xee'²¹mo ityii'¹³i 'nʉ sɨɨn'²¹'ɨn joon ijee²¹²mo tsá² 'nʉ xiia'lɨ jo 'iin²¹²u'un cwoo'¹³'o.

SAN JUAN 4:16

Joon gajin'²in Jesús: ―Cwooi'², cwotee²'e ñʉʉ'¹ tyi'i. Joon ñiliin¹naa' fu lo.

HECHOS 1:24

La 'ɨɨ²¹² fee'²¹i Dios jin'²in: ―Ña'ñʉ'¹ʉ', 'nʉ‑ʉ jøø²'ø jilaa'²¹ alma tya' tsá². 'Ee'¹³du' jna'a 'naai²¹² 'in jee²¹² gái¹ lo nityi¹u'u 'in jmá¹ to² tsá² tya' Jesús cwáain¹ tya' Judas. Gajaan¹an Judas do 'e to² jmoo¹o 'wii'¹³ tsaa² tya'o. Joon ngoo²¹‑o lɨ 'iin²¹²mo.

HECHOS 11:10

La joon galɨ́² 'nɨ¹ naa'¹³. Joon mo ngayuui'¹³ joon gasoo² fu ñʉ'fú².

HECHOS 15:8

Joon Dios, 'in ñi¹ jilaa'²¹ 'e 'ɨ¹‑tsi tsá² nigacwóo¹o li² 'e niga'ii'²¹mo 'in jo seein²¹ Israel. Nigacwo'¹o 'in Espíritu Tyʉ́² tya'a la lɨ 'e nigacwo'¹o jna'.

2 CORINTIOS 1:12

Jløø'³moo'o 'wii'¹³ 'e 'ɨ¹‑tsii'i 'e nigangɨɨ²¹²ɨ'ɨ tyani²ii' 'e tyʉ́²‑ʉ joon jo mo tyii¹a'a 'naa' tóo² jiin'¹³xʉ. Gauncoon'¹³ Dios jna'a 'e gajmoo²¹o'o tyani tsá² la joon 'e tyʉ́²‑ʉ jon' wa'a 'e jmɨɨ¹‑tsii'i.

EFESIOS 4:30

Joon jo cwoo²oo' fa'í³ 'in Espíritu Tyʉ́² tya' Dios coon'¹³ 'e jmoo²oo' tsʉ Dios gacwoo'¹³i 'naa' 'in Espíritu Tyʉ́² tya'a 'e liin¹ lawa coon²¹ sello tyi'naa' 'e liin¹naa' tsá² tya'a ca jmɨɨ²¹² mi untiin'¹³in jmáa¹a 'e tiin'¹³ 'naa'.

1 PEDRO 1:6

'Wii'¹³ joon jmaa²aa' jløø'³naa' xʉfiin'¹³ moo²oo' wúu¹ coon²¹ sii'¹³ coon'¹³ 'láai² nii² fa'í³.

2 PEDRO 3:1

Tsaru'¹u' 'in 'iin²¹²na, tɨ́² tún² 'e jí² lo 'e sɨ́ɨ³na tyi'naa'. Coon'¹³ jɨ tún² jí² do gali'iin²¹²na tyáa³‑'oo' 'e 'ɨ¹du'‑'oo' coon'²¹ tún² jilaa'²¹ júu³ gacwoo¹o 'in gafaa'²¹a júu³ tya' Dios la mo jéei¹ coon'¹³ jilaa'²¹ júu³ tyii'i. Joon 'in Ña'ñʉ'¹ʉ' 'in jmáa¹a tiin'¹³ tsá² gasii¹in jna'a tsacwoo²¹oo'o júu³ tyʉ́² tya'a.

APOCALIPSIS 2:23

Joon ijngaa'³moo jóon¹on 'in tsamɨ́² do. 'E coon'¹³ la joon ilicón² cwáain¹ jileei'²¹ 'in jai'² lɨ́ɨi² Cristo 'e ñíi²oo ce jilaa'²¹ 'e 'ɨ¹‑tsi tsá² coonti coon'¹³ jilaa'²¹ 'e 'øøi'²¹‑tsi. Joon icwo'³oo 'naa' la jaain²¹ la jaan²¹naa' jiin'¹³ la 'e nigajmaa¹a.

APOCALIPSIS 3:19

Tsʉ jileei'²¹ 'in 'iin²¹²na cwo'³oo cwáain¹, joon taa'²¹na fu¹ røø²¹ tsʉ 'wii'¹³ joon cwoo'¹³‑'oo' jmaa²aa' júu³ tyiia joongɨ cwojaa'²¹‑'oo'.