SAN JUAN 16:11 - Juu³ tyʉ² ʼe gafaaʼ²¹ Dios tyaʼ tsá²

¹¹ Joon iliñi¹ 'in tsá² do ijmá¹a Dios 'ii'²¹ tya' tsá² tsʉ nigajmaa¹a 'ii'²¹ tya' 'in 'lɨɨi'³ 'in tyʉ'² to² fu juncwii²¹ lo.

SAN JUAN 16:11 Iomraidhean Croise

SAN MATEO 12:18

'Ino 'in tsá² jmoo¹o la to² tyʉ'³ʉʉ, 'in gatyi'³na. 'Áa¹mo 'iin²¹²na 'ii joon 'áa¹mo jløø'³na 'wii²¹² tya'a. Icwóo¹³moo Espíritu Tyʉ́² tyiia tya'a, joon 'ii 'in jma'²a tsá² taain²¹² juncwii²¹ júu³ xiiala jmóo³oo 'ii'²¹.

SAN MATEO 12:36

Joon fuu²¹²uu 'naa', mi tɨ́² jmɨɨ²¹² ijmá¹a Dios 'ii'²¹ tya' tsá² icoon¹on tya'a tya' jilaa'²¹ júu³ 'e nigasɨ́ɨi² tsá² 'e jo 'ee to² tí².

SAN LUCAS 10:18

Joon gajin'² Jesús: ―Jo'²o. Gamóo³oo xiiala mo gatøø'²¹i Satanás fu yʉ' fu juncwii²¹ lawa coon²¹ jɨ́² cwaain²¹ 'ñá².

SAN JUAN 12:31

Pe 'e la no‑o gatɨ́³ 'e jmá¹a Dios 'ii'²¹ tya' tsá² taain²¹² ni cwoo'¹³ juncwii²¹. Joon la no i'wó¹mo Dios 'in tyʉ'² to² ni cwoo'¹³ juncwii²¹.

SAN JUAN 14:30

’Jo fú³gɨɨ 'láai² 'áai¹ 'naa' tsʉ nijó¹‑o 'in tyʉ'² to² ni cwoo'¹³ juncwii²¹ lo. Joon xʉfiin'¹³ jo to² cwooi¹ tyʉ'² jna

SAN JUAN 16:12

’'Áai¹ 'láai² jilaa'²¹ 'e 'ɨ¹‑tsii fuu²¹²uu 'naa' pe nano 'naa' jo lii'¹ii' 'ii'¹³naa'.

HECHOS 10:42

Joon gasii¹in jna'a sii'¹³i'i tsá² 'e Dios gatyée¹i 'in Jesús lo 'e jmá¹ 'ii'²¹ tya' tsá² jiin'¹ lagɨ 'in nijúin¹.

HECHOS 24:25

La 'ɨɨ²¹² mo faa'²¹a Poo² xiiala ngɨ¹ tsá² fu¹ coon²¹ tsáa¹, joongɨ xiiala tyʉ'² tsá² to² yaai, joongɨ xiiala mi jmáa¹ Dios 'ii'²¹ tya' tsá² gafoo'¹mo Fée¹³ do. Joon gajin'²in: ―Cwoo'¹mo nano. Joon mi jǿøi²gɨɨ itø'³øø 'nʉ tún¹.

HECHOS 26:18

Cwooi'³du' jee²¹² 'in tsá² do tsʉ nano ngɨɨ¹ɨ lawa tsá² tiuu²mo. Joon ino'³'o unníi¹i. Sɨ́ɨi³duu 'nʉ 'e cwosɨ́ɨi²du'u jilaa'²¹ 'e gó² 'ɨ¹‑tsi ca 'e tyʉ́². Joon iláa²mo'o 'ido ja'cwoo²¹ 'in 'lɨɨi'³ joon tsataa²mo ja'cwoo²¹ Dios. Joongɨ ilija'²mo líin² jna. Joon coon'¹³ 'e la joon lí²‑i 'iin²moo tsaa² tya'a. Joon 'ii'²¹mo coon²¹ 'áan³ tya'a 'e 'oo¹o Dios tya' jileei'²¹ 'in nigauntyú¹i.”

ROMANOS 16:20

Joon 'in Dios 'in jmoo¹o 'e seein²¹ tsá² tyʉ́² tyaníi¹i jmoono idyee'¹³i 'in 'lɨɨi'³ Satanás 'wii²¹² tɨ́ɨ¹³ɨɨ' in'øø'¹³naa' 'ii. Cwauncwaai'³ Ña'ñʉ'¹ʉ' Jesucristo 'naa'.

ROMANOS 2:16

Joon jmɨɨ²¹² joon ijmá¹ Dios 'ii'²¹ jilaa'²¹ 'e gajmáa¹a tsá² 'uuin²¹ coon'¹³ 'e gajmaa¹a Jesucristo. Joon 'e 'ii'²¹ ijmáa¹a ilɨ́¹ la lɨ 'e júu³ gacwó² jna tya' xiiala itiin'¹³ tsá².

1 CORINTIOS 4:5

Tsʉ 'wii'¹³ la joon, jo cón²oon' cwáain¹ xiiala seein²¹ 'in xeei'²¹ la nʉ'gɨ itɨ² jmɨɨ²¹² icwée²i Ña'ñʉ'¹ʉ' Jesucristo. Ján²duu' cón²oon' cwáain¹ ca mi cwée²i Ña'ñʉ'¹ʉ' Jesucristo, 'ña'‑o i'wo'²o lɨ jnee²i la jilaa'²¹ 'e sɨ'mo² lɨ nʉʉ²¹ no. Mi tɨ́² 'e jmɨɨ²¹² joon, joongɨ ijmá¹a Ña'ñʉ'¹ʉ' Jesucristo iliñí² jileei'²¹ la jilaa'²¹a 'e ni'ɨ¹‑tsi tsá² la jaain²¹ la jaain²¹. Joon Dios‑gɨ ifaa'²¹‑o 'ee 'e tyʉ́² gajmaa¹a tsá² la jaain²¹ la jaain²¹.

2 CORINTIOS 4:4

Joon 'in tsá² do jo jo'³ lɨ́ɨ²i tsʉ 'wii'¹³ 'in Satanás, 'in tyʉ'² to² juncwii²¹ lo, gajmee¹i 'in tsá² do lawa'a tsá² tʉʉ²mo coon'¹³ 'e 'øøi'²¹‑tsi. Joon jo jnée²i xiiala jná² joo'²¹ 'e júu³ tyʉ́² tya' Cristo tyíin¹in fu ñʉ'fú². Joon 'in Cristo do lɨ́ɨ¹i la lɨ́ɨ¹i Dios.

EFESIOS 2:2

'Yiia'¹³ joon gajmaa²aa' la jmoo¹o 'in tsá² taain²¹² juncwii²¹ catyaai², joon gajmaa²aa' jiin'¹³ la 'iin²¹²in 'in espíritu gó² 'in tyʉ'² to² lɨ' tya'cwii²¹ lacaain²¹ juncwii²¹. Joon 'in espíritu gó² do tyaa¹‑tsi jileei'²¹ 'in jo jmoo¹o nʉʉ'¹³ to² tyʉ'² Dios.

COLOSENSES 2:15

Mo gajúuin² Jesucristo tsaa'¹ crúu¹³ do galɨ'¹o 'in 'lɨɨi'³ coon'¹³ jileei'²¹ 'in 'oo¹o to² tya' 'in 'lɨɨi'³. Joon coon'¹³ la joon Dios ga'e'²o jileei'²¹ 'e feei'¹gɨ Cristo lagɨ 'in 'lɨɨi'³ do.

HEBREOS 2:14

'In jóon¹ tsá² coon²¹ inʉʉ tya'a coon²¹gɨ ngú¹ taain¹ joon coon²¹gɨ jmɨ¹ 'ǿø¹i coon'¹³ 'ido. La joon jon Jesús galɨ́² ngú¹ taain¹ la lɨ́¹ ngú¹ taain¹ tsá² la joon jon jmɨ¹ 'ǿø¹i 'e joon la joon ilijúun²in la júin¹ tsá². Joon mo gajúun²in gatsé¹mo 'ii'²¹ tya' 'in jngaai'¹³ tsá², 'øøi'²¹‑tsi tsá² 'in 'lɨɨ'³mo.

HEBREOS 6:2

Jon'gɨ faa'³ tya' 'e saai²¹ tsá² jmɨɨ²¹ sɨ 'e toon¹ tsá² cwoo²¹ tya' tsá² 'ee. Jon'gɨ faa'³a' tya' mi jiin'¹in tsá² jee²¹² 'lɨɨ²¹² sɨ mi lisá² 'ii'²¹ lɨ tyéi¹ 'ee.

HEBREOS 9:27

La joon jilee'²¹mo tsá² 'ná¹ júuin² coon²¹ naa'¹³ joon mi yuui'¹³ joon ilisá² 'ii'²¹ tya'a.

2 PEDRO 3:7

Mi tɨ́² jmɨɨ²¹² i'íin² juncwii²¹ 'e jɨ́² do icaa¹i 'in tsá² jo tsaa'¹‑tsi Dios.

1 JUAN 3:8

La joon jon jileei'²¹ 'in ngɨ¹ to² 'noo¹o tsaa² 'in 'lɨɨ'³mo 'i. Tsʉ la mo 'wiin²¹² ga'noo¹o 'in 'lɨɨi'³ do tsaa². Joon najó¹ 'in Jóon¹ Dios jaxée¹i 'e nigajmaa¹a 'in 'lɨɨi'³ do.

APOCALIPSIS 1:7

¡Jøø²øø', ijó¹ Cristo jee²¹² jníi¹! Joon jileei'²¹ tsá² taain²¹² fu juncwii²¹ ijǿø²i 'ii. Ca 'in gajmee'²¹i 'ii ijǿø²i 'ii. Joon jileei'²¹ tsá² ityi'²i xuui²¹²‑tsi mi nii¹in. Ja'²mo, la joon ilí².