SAN JUAN 10:25 - Juu³ tyʉ² ʼe gafaaʼ²¹ Dios tyaʼ tsá²

²⁵ Jesús gajin'²in: ―Nifuu²¹² jna 'naa' pe 'naa' jo jo'¹ lɨ́ɨ²naa' jna. Jilaa'²¹ 'e jmóo³oo to² tyʉ'² Ñʉ'³oo 'e ni'e'²e 'naa' 'e Cristo jna.

SAN JUAN 10:25 Iomraidhean Croise

SAN JUAN 10:32

Joon gajin'²in Jesús sɨɨ'²¹ɨ 'ido: ―'Láa²mo 'e tyʉ́² nigajmáa³aa tyani 'naa' coon'¹³ 'ii'²¹ tya' Ñʉ'³ʉʉ ¿noo 'e tyʉ́² lo 'e tyuu'¹³naa' jna cuun²¹²?

SAN JUAN 10:37

Joon wa jo jmá³aa jilaa'²¹ 'e jmoo¹o Ñʉ'³ʉʉ joon jo 'ná¹ jo'¹ lɨ́ɨ²naa' jna.

SAN JUAN 10:38

Pe wa'a jmá³aa, xʉfiin'¹³ jo jo'¹ líɨ²naa' jna, jo'¹ cwolíin²naa' jilaa'²¹ 'e jmóo³oo 'e coon'¹³ la joon 'e liní²ii' coonti 'e ngɨ¹ɨ Ñʉ'¹ʉ' coon'¹³ jna joongɨ jna ngɨɨ³oo coon'¹³ Ñʉ'¹ʉ'.

SAN JUAN 11:47

Joon 'in tsá² fariseos do joongɨ coon'¹³ 'in tyʉ'² to² untsá² do gauncaain²¹ yaai coon'¹³ jileei'²¹ tsacøøi'¹³ joon gajin'²in: ―¿'Ee ijmoo²¹o'? 'In tsanʉʉ'¹ no 'áa¹mo jmoo¹o li² milagro.

SAN JUAN 12:37

Jesús gajmaa¹a 'láa²mo li² milagro 'e nijǿø²ø 'in tsá² do pe jo jo'¹ lɨ́ɨ²mogɨ,

SAN JUAN 14:11

Jo'¹ cwolíin²naa' jna 'e fuu²¹²uu 'naa' 'e jna‑a ngɨɨ²ɨɨ coon'¹³ Ña'ñʉ'ʉ' Dios Jmii²¹ joongɨ 'ii ngɨɨ¹o jon coon'¹³ jna. Joon wa jo jo'¹ lɨ́ɨ²naa' jna 'wii²¹² júu³ tyiia jo'¹o cwolíin²naa' jna 'wii²¹² tya' jilaa'²¹ to² 'e jmóo³oo.

SAN JUAN 20:30

Lɨ́ɨ¹ 'láai²gɨ li² milagro gajmaa¹a Jesús tyani tsá² tya'a 'e jo taa'¹³ 'e jí² lo.

SAN JUAN 3:2

Joon 'in Nicodemo do ningóo¹o ngafee'¹³i Jesús lɨ' canʉʉ²¹. Joon nigasɨɨ'²¹ɨ: ―Tɨfo'² tyii'i, nee²oo'o 'e Dios gasii¹in 'nʉ i'e'²'e jna'a tsʉ ce jiin'¹³ jaain²¹ jo lí² jmá¹ milagro la lɨ 'e lii'¹ 'nʉ wa jo uncoon'¹³on Dios 'nʉ.

SAN JUAN 7:31

Pe fúu¹mo 'áai¹ 'in jo'¹o galɨ́ɨ² 'ii. Joon gafaa'²¹a 'ido jin'²in: ―'Láai² milagro jmaa¹a 'in tsañʉʉ'¹ no. ¿Tɨ 'ná¹ jmá¹a Cristo mi jó¹o 'láai²gɨ milagro lagɨ 'in tsañʉʉ'¹ no? Jo 'ná¹ líi²na'a. Lɨ́ɨ²na'a 'e Cristo 'ino.

SAN JUAN 8:12

Jesús sɨɨ'²¹ɨ tsá² tún¹, joon gajin'²in: ―Jna‑a lɨ́ɨ¹na 'yiia²¹ tɨ ni cwoo'¹³ fu juncwii²¹. La jnaa'²¹ tsá² coon'¹³ 'yiia²¹ tya' ñi'¹ la joon jon tsʉ 'wii'¹³ jna iliñi¹i tsá² xiiala 'e ngɨ́²i tyani Dios. Joon 'in ngɨ¹ coon'¹³ jna sá²‑a 'yiia²¹ tya'a 'e cwo¹o juncwii²¹ tya'a. Joon jo jmɨɨ²¹² ngɨ¹ lɨ nʉʉ²¹.

SAN JUAN 8:24

Tsʉ 'wii'¹³ joon fuu²¹²uu 'naa' mi júun²naa' røø²¹moo' tsaa². Mi júun²naa' røø²¹moo' tsaa² tsʉ jo mo galijai'² galɨ́ɨ²naa' jna jiin'¹³ la lɨ' 'e lɨ́ɨ¹na.

SAN JUAN 8:56

'Lɨɨ²¹² tsafeei'¹ tyii' Abraham galijløøi'³ 'áa¹mo mo galɨñii¹i iní² jmɨɨ²¹² tyiia. Ganii²¹, joon galijløøi'³ 'áai¹.

SAN JUAN 8:58

Joon gajin'² Jesús: ―'E la ja'²mo fuu²¹²uu 'naa', la nʉ'gɨ 'e la seein²¹ Abraham, niseen²¹mo jna ―jin'² Jesús.

HECHOS 10:38

Joon ñii²¹oo' xiiala gacwo'¹ Dios 'in Jesús tsá² Nazaret do 'in Espíritu Tyʉ́² tya'a. Joon gacwo'¹o 'ii'²¹ tya'a. La joon gangɨɨ¹ɨ lacaain²¹ jmoo¹o 'e tyʉ́². Joon un'láai² jileei'²¹ 'in ní² wúu¹ 'ii'²¹ tya' 'in 'lɨɨi'³. Jilaa'²¹ 'elo gajmaa¹a tsʉ ngɨ¹ Dios coon'¹³ 'ii.

HECHOS 2:22

―'Wii'¹³ joon nʉ́ʉ²duu', tsañʉʉ'¹ seein²¹ Israel, jilaa'²¹ 'e ifuu²¹²uu 'naa' lo ―jin' Tʉ́³―. Tyʉ́²‑ʉ ñí³oo' jilaa'²¹ milagro 'ya'²gɨ 'e gajmaa¹a Jesús tsá² Nazaret coon'¹³ 'ii'²¹ tya' Dios Jmii²¹ jee²¹² 'naa'. Joon coon'¹³ jilaa'²¹ 'e gajmaa¹a Jesús do gajmaa¹a Dios júu³ 'e Jesús jaain²¹ tsá² 'in 'iin²¹²in.

HEBREOS 2:3

¿Xiiala ililaa²¹²na' yiia' wana jo jmoo²¹o' nʉ́ʉ¹³ʉn' 'e júu³ 'gøøi'¹³ 'áai¹ lo tya' 'e tiin'¹³ tsá²? Tsʉ ga'láa² Ña'ñʉ'¹ʉ' Jesucristo 'wii²¹² 'ɨ́ɨ² 'e júu³ lo tya' 'e tiin'¹³ tsá² nifu joon 'in ganúu² júu³ tya'a galitsáa¹mo‑tsi 'e la ja'²mo 'e júu³ do joon 'ii gacwo'¹o jna' 'e júu³ do.