SAN JUAN 1:11 - Juu³ tyʉ² ʼe gafaaʼ²¹ Dios tyaʼ tsá²

¹¹ Gacwaa'¹³i fu ni cwoo'¹³ juncwii²¹ tya'a pe 'in tsagoo¹o jo ga'ii'²¹ 'ii.

SAN JUAN 1:11 Iomraidhean Croise

SAN MATEO 15:24

Joon gajin'² Jesús sɨɨ'²¹ɨ 'in tsamɨ́² do: ―Dios gasii²¹in jna jiin'¹³ 'e 'naa'³na 'in tsá² sɨtuui¹ tya' tsá² Israel.

SAN LUCAS 19:14

Pe tsagoo¹o do 'ee'¹mo 'ii. Joon gasii¹in júu³ ca lɨ ngóo¹on 'e jin'²: “Jo 'iin²¹²na'a wa'a líin² 'in tsañʉʉ'¹ lo rǿøi¹³ tyii'i.”

SAN JUAN 1:10

Gateen¹in 'in Júu³ tya' Dios do fu juncwii²¹ joon xʉfiin'¹³ 'ii‑o gajmaa¹a fu juncwii²¹ to² tyʉ'² Dios 'in tsá² taan²¹²in fu juncwii²¹ jo mo galicwii¹in.

SAN JUAN 1:12

Pe seen²¹mo 'in ga'ii'²¹ 'ii joon jo'¹o galɨ́ɨ²i. Joon tya' 'in tsá² 'in jmoo¹o la joon cwói¹ Dios 'ii iliin¹ jóon¹ Dios.

SAN JUAN 19:27

Joon gajin'²in sɨɨ'²¹ɨ tsá² tya'a do: ―Lo‑o siin'¹² in saa²'a. Joon jmɨɨ²¹² joon ga'i'²i 'in tsá² tya' Jesús do María, sáa³ Jesús, inʉʉ tya'a.

SAN JUAN 3:32

joon jmoo¹o júu³ jai'² jilaa'²¹ 'e niganii²¹²in coon'¹³ jilaa'²¹ 'e niganúu²un. Pe jiin'¹³ jaain²¹ jo 'in jo'¹ lɨ́ɨ²i júu³ tya'a.

HECHOS 13:26

Joon tyaa¹gɨ Poo² júu³: ―Tsaru'¹u', lɨ́ɨ¹naa' jún² tya' 'lɨɨ²¹² Abraham coon'¹³ jileei'²¹ 'in tsáai¹‑tsi Dios. Tyi'naa'oo' 'e júu³ lo tya' xiiala 'e tiin'¹³ tsá².

HECHOS 13:46

Joon Poo² coon'¹³ Bernabé do jo 'goo'²¹o coonti gafaa'²¹a jin'²in: ―'Naa'‑a tɨ́ɨ²naa' nuu²uu' júu³ tyʉ́² tya' Dios nifu tsʉ tsá² Israel 'naa'. Pe jogɨ 'iin²¹²naa' cwolíin²naa' coon'¹³ Dios coonti. Tsʉ la joon tsáa³oo'o tsacwoo²¹o'o júu³ 'in jo seein²¹ Israel do.

HECHOS 21:6

Mo ngayuui'¹³ joon ga'ii'¹³oo'o júu³ la jaain²¹ la jaain²¹. Jna'oo'o ngatoo²¹o'o tsi barco do pe 'ii‑gɨ ngaliin¹mo fu tya'o.

ROMANOS 15:8

Tsʉ fuu²¹²uu 'naa' 'e Dios gasiin¹in Cristo gauncoon'¹³on tsá² Israel 'e coon'¹³ la joon gauntsiin¹ júu³ ga'ɨɨ¹ɨ tya' 'lɨɨ²¹² tsacøøi'¹³ tyi'. Joon coon'¹³ la joon gajmaa¹a Dios júu³ 'e jo cuu'²¹i júu³ tya'a.

ROMANOS 9:1

Mi fo'³oo 'ee fo'³oo jmai'² 'e ja'²mo la tɨ́ɨi² 'in lɨ́ɨi¹ tsá² tya' Cristo. Jo jmóo³ jna júu³ tajuu²¹ tsʉ 'in Espíritu Tyʉ́² tya' Dios jmo'²o jna júu³ coon'¹³ 'e 'ɨ¹‑tsii 'e ja'²mo júu³ tyiia.

ROMANOS 9:5

'In tsá² lo lɨ́ɨi¹ jún² tya' 'in tsacøøi'¹³ tyi' nifu, joon cwáain¹ tya' 'e ngú¹ taain²¹² tsá² Cristo gangaa'¹³in jee²¹² 'in tsá² do. Joon Cristo lɨ́ɨ¹i Dios joon tyʉ'²ʉ to² jilaa'²¹. Cwocwaa'³mo coon²¹ tøø²mo. Amén.

GÁLATAS 4:4

Pe mo gatsín¹ jiin²¹ jiin'¹³ la ga'ɨ¹‑tsi Dios 'ña'a, gasiin¹in Dios Jóon¹on 'in gangatyéin¹ jaain²¹ tsamɨ́². Joon galɨ́ɨ¹i jaain²¹ tsá² Israel 'in 'ná² jmá¹ la to² tyʉ'² ley.