HECHOS 1:9 - Juu³ tyʉ² ʼe gafaaʼ²¹ Dios tyaʼ tsá²

⁹ Mo ngayuui'¹³ gajin'² 'elo, la 'ɨɨ²¹² jǿø²mogɨ 'ido 'ii, joon gasaa¹mo Jesús. Ngaa'¹²i fu yʉ'. Joon gajó² coon²¹ jníi¹ gacɨɨ'¹²i Jesús. Joon jo jnéei²gɨ.

HECHOS 1:9 Iomraidhean Croise

SAN MARCOS 16:19

Mo ngayuui'¹³ gafee'²¹i Jesús tsá² tya'a do joon ganga'²mo Ña'ñʉ'¹ʉ' Jesús fu ñʉ'fú². Joon do‑o gangacwaa²¹ lɨ' caai²¹ Dios Jmii²¹ tsáa¹.

SAN LUCAS 21:27

Mi yuui'¹³ joon imáa¹³naa' 'in Ruu'²¹i Tsá² jó² jee²¹² jníi¹ coon'¹³ jilaa'²¹ 'ii'²¹ tya'a coon'¹³ jilaa'²¹ 'ya'²gɨ tya'a.

SAN JUAN 6:62

¿'Ee i'ɨ¹‑'oo' wa'a ñii¹ii' 'in Ruu'²¹i Tsá² sóo²o fu ñʉ'fú² lɨ mo tyíin¹in la jéei¹?

HECHOS 1:11

Joon gajin'²in sɨɨ'²¹ɨ 'ido: ―Tsañʉʉ'¹ seein²¹ Galilea jo 'ee to² 'íi³in‑gɨ téen²naa' lo jǿø²øø' fu yʉ' juncwii²¹. 'In Jesús no, 'in cwo'ɨ́ɨ¹ jee²¹² 'naa' ngaa'¹²i fu yʉ' do coon²¹ røø²¹ 'ii la mo ngaa'¹²i do, la joon jon ijó¹ tún¹.

1 TESALONICENSES 4:17

Mi yuui'¹³ joongɨ jileei'²¹ jna' 'e saan²¹o' tsaa²¹a' caan²¹mo jee²¹² jníi¹. Joon lɨcaan²¹na' coon'¹³ Jesús tya'cwii²¹. Joon la joon tsaa²¹a' coon'¹³ coon²¹ tøø²mo.

1 TIMOTEO 3:16

Joon ja'²mo. Fee'¹ 'áa¹mo 'e júu³ 'uuin²¹ 'e Dios ga'e'²e tsá² xiiala seein²¹ tsá² tyʉ́² tyaníi¹i 'e jin'²: Gacwéi Dios lɨ́ɨ¹i tsá², joon 'in Espíritu Tyʉ́² ga'ɨ́ɨ² júu³ 'e tyú¹mo 'ii. Níi²mo ángeles 'ii. Joon gacwo'¹ tsá² jileei'²¹ 'in taain²¹² nicwoo'¹³ juncwii²¹ júu³ tyʉ́² tya'a. Joon jo'¹o galɨ́ɨi² tsá² taain²¹² juncwii²¹ 'ii. Joon ga'ii'²¹mo Dios 'ii fu ñʉ'fú² tún¹.

APOCALIPSIS 1:7

¡Jøø²øø', ijó¹ Cristo jee²¹² jníi¹! Joon jileei'²¹ tsá² taain²¹² fu juncwii²¹ ijǿø²i 'ii. Ca 'in gajmee'²¹i 'ii ijǿø²i 'ii. Joon jileei'²¹ tsá² ityi'²i xuui²¹²‑tsi mi nii¹in. Ja'²mo, la joon ilí².

APOCALIPSIS 11:12

Joon tsifu ganúu²un 'in tsá² gái¹ do coon²¹ júu³ tá² jó² fu ñʉ'fú² 'e jin'²in: ―Ñilíin²naa' fu yʉ' lo. Joon gasóo²o jee²¹² coon²¹ jníi¹ fu yʉ' ñʉ'fú² la nii²¹²i 'in 'eei'¹ 'ii.

APOCALIPSIS 14:4

'Ido 'in jo 'ee niga'láa¹ coon'¹³ tsamɨ́². Jmai'² 'in tyún¹mo 'ii, joon ngɨɨ¹o coon'¹³ Jesús doñixiia' fu tsalíin²mo. Gauntiin'¹³ Jesús 'ii jee²¹² tsá² 'e líin²in lawa coon²¹ fa'¹ tya' Dios Jmii²¹ nifu joongɨ tya' 'in Cordero do.