GÁLATAS 5:15 - Juu³ tyʉ² ʼe gafaaʼ²¹ Dios tyaʼ tsá²

¹⁵ Pe wana 'eei'¹ 'naa' joongɨ mɨɨ'¹³ 'naa' la jaain²¹ la jaan²¹naa', ¿xiiala iliseen²¹naa' tyʉ́² la 'oo'²¹ yaanaa' 'e la joon?

GÁLATAS 5:15 Iomraidhean Croise

SAN MARCOS 3:25

Wana la 'oo'²¹ tsá² inʉʉ tya' tsá² tɨ́ɨ¹i pe 'in tsá² inʉʉ do jo itaa'²¹a.

1 CORINTIOS 3:3

tsʉ 'ɨ¹gɨ‑'oo' la 'ɨ¹‑tsi tsá² taain²¹² juncwii²¹. La 'ɨɨ²¹² 'oo²oo' tsiiwúu¹, 'noo²oo' mɨɨ'¹³, joongɨ xeei² ruu'²¹naa' jmaai'² la 'ɨ¹‑tsi tsá² taain²¹² juncwii²¹ 'ɨ¹‑'oo' joongɨ jmoo²oo' jmaai'² 'a la jmoo¹o tsá² taain²¹² juncwii²¹ lo.

2 CORINTIOS 11:20

Joon 'naa' jmaa²aa' 'e 'wo²‑'oo' coon'¹³ jileei'²¹ 'in 'iin²¹²in líin²in fii²¹² 'naa', sɨ 'in 'iin²¹²in cón² jilaa'²¹ 'e 'oo²oo' 'ee, sɨ 'in 'iin²¹²in tyʉ'² to² 'naa' 'ee, sɨ jo tsáai¹‑tsi 'naa' 'ee, sɨ jnáa¹a ní²ii' 'ee. 'Áai¹ 'wo²‑'oo' coon'¹³ jileei'²¹ la 'ii.

2 CORINTIOS 12:20

Tsʉ 'goo'²¹oo 'e mi yajøø²¹²na 'naa' jo ngɨ¹ 'naa' jiin'¹³ la 'yaai¹‑tsii jon'gɨ jmóo³oo jiin'¹³ la 'yaai¹‑'oo' 'naa'. 'Goo'²¹oo 'e xee²¹naa' ruu'²¹naa', joongɨ 'óo²oo' tsiiwúu¹. Seen²¹mo jee²¹² 'naa' 'in 'nii'²¹‑tsi, joongɨ 'in 'ɨ¹‑tsi yaai, joongɨ 'in jmoo¹o 'atsáa¹‑a, 'in faa'²¹a 'e gó² tya' ruu'²¹i, 'in unjløø'³i yaai, joon 'in to'² mɨɨ'¹³.

GÁLATAS 5:20

Joon 'e ngú¹ taan²¹²naa' 'iin²¹²in un'goo¹o jileei'²¹ dioses tya'a 'in gajmee¹i yaai joon tɨ́²‑tsi jmáa¹a júu³ loo¹, 'eei'¹ ruu'²¹i, 'noo¹o mɨɨ'¹³ joon 'iin²¹²in 'e sá² tya' tsá² xeei'²¹. Joon jo wúui¹ tɨ́² 'nii'²¹‑tsi, joon jilaa'²¹ 'e jmoo¹o jiin'¹³ tya' 'e yaai. Joon 'iin²¹²in jmáa¹a poo²¹² la 'ii'¹³ tsá², sɨ jmáa¹a coon²¹ poo²¹² tya' 'ña'a 'ee.

GÁLATAS 5:26

Joon coon'¹³ la joon jo lí² jmée¹na' jloo'³ yiia' tsʉ wana jmoo²¹o' jloo'³ untyíi²na' la jaain²¹ la jaain²¹ tsá² joongɨ 'oo²¹²o' tsii²¹² wúu¹.

FILIPENSES 3:2

Un'øøi¹ 'naa' yaanaa' coon'¹³ 'in tsá² jmoo¹o 'e gó², 'in jmoo¹o li² sii²¹ circuncisión tya' tsá². Jna‑a unsii²¹ 'in tsá² do “tsii²¹”.

COLOSENSES 2:8

Tɨ́ɨ¹moo', jo cwóoi¹ yaanaa' 'e caain¹ 'naa' wíin² 'in tsá² tajuui²¹ 'in tɨ́ɨi² júu³ 'e jóoin²‑tsi tsá². Joongɨ jo cwo'²o 'ido júu³ ruu'²¹i coon'¹³ 'e júu³ 'e jo jai'². 'In tsá² do jo cwoo¹o júu³ tya' Cristo. Cwoo¹‑o jmai'² júu³ 'e la tɨɨsi'² tya' tsá², jiin'¹³ la 'e 'øøi'²¹‑tsi yaamo.

SANTIAGO 3:14

Pe jo foo²oo' 'e 'øøi'²¹‑'oo' 'áai¹ wana tsiiwúu¹naa' jon'gɨ wana 'iin²¹²naa' jmee²¹²naa' yaanaa' tsacøøi'¹³. Tsʉ 'in 'øøi'²¹‑tsi la jai'² jo jmoo¹o la joon.