EFESIOS 6:23 - Juu³ tyʉ² ʼe gafaaʼ²¹ Dios tyaʼ tsá²

²³ Mɨ́³ɨɨ tyani Dios 'wii'¹³ tya' jileei'²¹ tsaru'¹u' wa'a seein²¹ 'ido tyʉ́² tyani Dios joon wa'a cwo'² Dios Jmii²¹ coon'¹³ Na'ñʉ'¹ʉ' Jesucristo 'ii 'e 'iin²¹²mo ruu'²¹i coon'¹³ 'e jai'² lɨ́ɨi².

EFESIOS 6:23 Iomraidhean Croise

SAN JUAN 14:27

’Coon²¹ 'e tyʉ́² cwóo³oo 'naa' 'e tyʉ́² sɨ'ɨ́ɨ¹‑'oo' la tyʉ́² 'íi¹‑tsii. Joon jo lɨ la lɨ 'e tyʉ́² 'in 'ɨ́ɨ¹‑tsi tsá² taain²¹² ni cwoo'¹³ juncwii²¹. Jo cu'²‑'oo' jogɨ jmaa²aa' 'goo²¹oo'.

ROMANOS 1:7

Sɨ́ɨ³na 'e jí² lo tyi'naa' 'in néei¹ Roma 'in Dios 'iin²¹²in joon gatø'²ø 'e líin²in tsá² tya'a. Mɨ́³ɨɨ tyani Dios Ñʉ'¹ʉ' joongɨ Ña'ñʉ'¹ʉ' Jesucristo 'e cwauncwaa'³i 'naa' joon 'e seen²¹naa' 'e tyʉ́².

ROMANOS 15:33

Mɨ́³ɨɨ tyani Dios, 'in cwó² 'e seein²¹ tsá² tyʉ́² coon'¹³, 'e iuncoon'¹³ 'naa'. Amén.

1 CORINTIOS 1:3

Cwauncwaa'³mo Ñʉ'¹ʉ' Dios coon'¹³ Ña'ñʉ'¹ʉ' Jesucristo 'naa' joon canii²mo liseen²¹naa'.

2 CORINTIOS 13:11

Tsee²mo júu³ tyiia, tsaru'¹u', joon mɨ́³ɨɨ tyaní²ii' wa'a 'noo²oo' jiin¹³ 'e tyʉ́²‑ʉ, joon nuu²uu' júu³ tyiia, canii²mo 'ɨ¹‑'oo', joon cwoseen²¹moo' 'e tyʉ́². Joon 'in Dios 'in 'iin²¹²in jna' joon jmoo¹o 'e tyʉ́² sɨ'ɨ́ɨ¹³‑tsi' ingɨ¹ coon'¹³ 'naa'.

GÁLATAS 5:6

Tsʉ wana sɨcaan²¹na' coon'¹³ Cristo Jesús jo 'ee to² 'íi³ wa lɨ́ɨ¹na' 'e li² circuncisión do sɨ jo lɨ́ɨ¹na' 'ee. 'E 'íi³ to² tyi' 'e li'iin²¹²na' la jaain²¹ la jaan²¹na' tsʉ 'wii'¹³ ja'²mo galɨ́ɨ²na' Dios.

GÁLATAS 6:16

Joon cwoliseein²¹ tyʉ́² tyani Dios jileei'²¹ 'in lɨ́ɨi¹ la joon, joon cwolifee'¹mo‑tsi Dios tya'a, tsʉ líin² 'ido tsá² tya' Dios 'e la jai'².

EFESIOS 6:24

Cwauncwaai'³ Dios jileei'²¹ tsá² 'in 'iin²¹²in Ña'ñʉ'¹ʉ' Jesucristo, 'in jo tyéi¹ 'e 'iin²¹²in 'ido. Amén.

1 TESALONICENSES 5:8

Pe jna' 'in 'e saan²¹²an' tsáai¹‑tsi' cwoli'²‑tsi' coon²¹ tøø²mo. La toon'²¹ 'láa² ñí³ nitsí¹ 'e un'øø'¹mo 'ña'a la joon jon jna' un'øø'¹mo' yiia' mi li'ii²¹²i' tsá² joon jo'¹o lɨ́ɨ¹na'. Lawa po'³ ñí³ taa'¹³ tyi² 'láa² 'ná¹ tsáa¹mo‑tsi' itiin'¹³ Dios tsá².

2 TESALONICENSES 1:3

Tsaru'¹u', 'ná¹ cwoo'¹³o'o 'maai'¹³ Dios coon²¹ tøø²mo 'wii²¹² tyii' jiin'¹³ joon tɨɨ²¹moo'o tsʉ lɨ́ɨ¹ ngalɨfee'¹ 'e jai'² lɨ́ɨ²naa'. Joongɨ lɨ́ɨ¹gɨ un'iin²¹²naa' tsaruu'²¹naa' la jaain²¹ la jaan²¹naa'.

2 TESALONICENSES 3:16

Joon 'in Ña'ñʉ'¹ʉ' 'ña'a, 'in jmoo¹o 'e seein²¹ tsá² 'e tyʉ́², cwocwo'¹o 'naa' 'e sɨ'ɨ́ɨ¹³‑'oo' 'e tyʉ́²‑ʉ coon²¹ tøø²mo la joon jon coon'¹³ jilaa'²¹ itsangɨ́ɨ²naa'. Joon cwotaan¹in Ña'ñʉ'¹ʉ' jee²¹² 'naa'.

1 TIMOTEO 1:14

Pe cwa'³ tya' Ña'ñʉ'¹ʉ' 'áa¹mo galɨfee'¹ coon'¹³ jna joon galili'³oo xiiala 'iin²¹²in Cristo Jesús jna 'e jo'¹o lɨ́ɨ²na.

1 TIMOTEO 1:3

La jéei¹gɨ gangóo³oo lɨ sii²¹ Macedonia gamɨ́³ɨɨ tyani'i 'e jon¹'on fu Efeso, 'e tyʉʉ'¹³'ʉ to² 'inlɨ́ɨi¹³ tsá² do 'e jo 'e'²e tsá² xeei'²¹ júu³ 'e jo jo'¹.

1 TIMOTEO 5:8

Wa jo unjíi²in tsá² tsaruu'²¹i, joon tyiin²mo 'in taai² inʉʉ tya'a, lɨ́ɨ¹i lawa jaain²¹ 'in jo untiin'¹³in jilaa'²¹ 'e jin'²in 'e jo'¹ lɨ́ɨi². Joon gó²gɨ 'ii lagɨ 'in jo tsaa'¹‑tsi Dios.

1 PEDRO 5:14

Fee'¹³naa' ruu'²¹naa' la jaain²¹ la jaan²¹naa' coon'¹³ coon²¹ 'e tyʉ́²‑ʉ. Cwoseen²¹naa' tyʉ́² jileei'²¹ 'naa' 'in jai'² lɨ́ɨi² Cristo. Amén.

3 JUAN 1:14

'ɨ¹‑tsii yaa'¹³na la jmoono joon mi cwaa'¹na sɨ́ɨ¹³ɨ' coon²¹ caan²¹mo.

APOCALIPSIS 1:4

Jna‑a, Wó³, jmóo³oo 'e jí² lo tya' 'in dyía¹ poo²¹² tsá² jai'² lɨ́ɨi² Cristo néei¹ lɨ sii²¹ Asia. Cwouncwaai'³ Dios Jmii²¹ 'naa' 'e seen²¹naa' tyʉ́² coon'¹³on. Tsʉ seen²¹mo Dios nano, seein²¹ calɨɨ jon, joon ijó¹. 'Ii'¹³naa' cwa'³ jon tya' dyái¹ espíritu 'in téein² tyani lɨ sɨlɨɨ²¹² lɨ tyíin¹ Dios Jmii²¹.