EFESIOS 1:8 - Juu³ tyʉ² ʼe gafaaʼ²¹ Dios tyaʼ tsá²

⁸ Joon Dios niga'e'²e jna' xiiala 'iin²¹²in jna' 'áai¹ mo gacwo'¹o jna' 'e jmɨɨ¹‑tsi' joongɨ 'e 'øøi'²¹‑tsi' 'áai¹.

EFESIOS 1:8 Iomraidhean Croise

SAN MATEO 11:19

Mi yuui'¹³ joon jna‑gɨ lɨ́ɨ¹na Ruu'²¹i Tsá² gagoo²¹²oo joon gagu'³uu joongɨ gagø'¹oo, joon 'naa' foo²oo' 'e lɨ́ɨ¹na tsá² jlo² tu'²'u. Joongɨ lɨ́ɨ¹na tsá² 'uun'²¹ vino 'áai¹, jaain²¹ tsá² 'in tyʉ́² seein²¹ coon'¹³ tsá² 'in rǿø²i tsaa² joongɨ coon'¹³ 'in tsá² cón² 'laa'¹³ lɨ 'nɨɨ¹ tsá². Tsʉ xiiala cwo'ɨ́ɨi¹ 'e jmoo¹o tsá² jmoo¹o júu³ xiiala 'ɨ¹‑tsi 'in tsá² do sɨ tyʉ́² sɨ 'e gó² 'ee.

ROMANOS 11:33

Lɨɨlɨ¹ feei'¹‑tsi Dios tya' tsá², joon lɨɨlɨ¹ jmɨɨ¹‑tsi joon 'áa¹mo 'øøi'²¹‑tsi. Jiin'¹³ jaain²¹ jo lí² 'øøi'²¹‑tsi jilaa'²¹ 'e 'ɨ¹‑tsi Dios jon'gɨ lí² 'øøi'²¹‑tsi tsá² 'e jmoo¹o Dios cwáain¹ tya' tsá².

ROMANOS 5:15

Pe 'e cwó² Dios tsá² 'yaai¹‑tsi jo lɨ la lɨ 'e tsaa² ga'noo¹o Adán. Tsʉ coon'¹³ coon²¹ tsaa² do, 'e ga'noo¹o jaain²¹ tsá², fúu¹mo tsá² gajúin¹. Pe 'e nigacwoo¹ Dios 'e tiin'¹³ tsá², jo 'ee 'laa'¹³ tyíin¹, 'wii'¹³ jaain²¹, Jesucristo, fee'¹gɨ lagɨ 'e tsaa² do, joon tyʉ́²‑ʉ tya' tsá² fúui¹.

1 CORINTIOS 2:7

La ti júu³ faa'²¹oo'o jmaai'² júu³ 'e 'ɨ¹‑tsi Dios. Júu³ 'e Dios ga'e'²e tsá² tya' nano. Ni'ɨɨ²¹²‑tsi Dios jée¹mo xiiala ijmáa¹³a tyú¹mo tsá² ca nʉ'gɨ ijmaa²¹o 'e juncwiin²¹ lo.

EFESIOS 1:11

Joon coon'¹³ 'e sɨcaan²¹na' coon'¹³ Cristo ga'ii'²¹ Dios jna' la mo jéei¹ 'e 'ii'¹³na' 'e tɨɨ²¹na' icwó²o 'ii. Joon jilaa'²¹ 'elo røø²¹ galɨ́² jiin'¹³ la 'ɨ¹‑tsi Dios joon jmoo¹o Dios jilaa'²¹ 'e 'yaai¹‑tsi 'e 'ɨ¹‑tsi.

EFESIOS 1:7

Joon tsʉ 'wii'¹³ gali'iin²¹² Dios jna' 'áai¹, gajmaa¹a Dios tiin'¹³ jna' 'wii'¹³ mo gajúin¹ Jóon¹on, galifee'¹mo‑tsi 'wii'¹³ tsaa² tyijna'.

EFESIOS 1:9

Joon niga'e'²e jna' 'ee 'e 'iin²¹²in jmáa¹a 'e la 'ɨ¹‑tsi 'ña'a 'e jo lí² 'øøi'²¹‑tsi tsá².

EFESIOS 3:10

Galɨ́¹ la joon, 'e coon'¹³ la joon lí² 'é²e Dios 'in tyʉ'² to² coon'¹³ 'in 'oo¹o to² fu ñʉ'fú², xiiala gajmaa¹a tya' 'in jai'² lɨ́ɨi² 'ii². Joon coon'¹³ la joon lí² liñi¹ 'ido xiiala jmɨɨ¹‑tsi Dios coon'¹³ jilaa'²¹ 'e sá².

COLOSENSES 2:3

Tsʉ Dios gacwo'¹o Cristo jilaa'²¹ 'e 'øøi'²¹‑tsi tsá² coon'¹³ jilaa'²¹ 'e jmɨɨ¹‑tsi.

APOCALIPSIS 5:12

Joon faa'²¹a coon'¹³ júu³ tá² lɨɨlɨ¹ jin'²in: Tɨ́ɨ²mo 'in joo'saa'²¹ xuui²¹² do 'in gajngaai'¹³ tsá² 'e 'ii'²¹i jilaa'²¹ to² coon'¹³ jilaa'²¹ 'e tyiin² lɨɨlɨ¹. Tɨ́ɨ²mo 'øøi'²¹‑tsi jilaa'²¹ 'e jmɨɨ¹‑tsi joongɨ wa' pí² tya'a. Tɨ́ɨ²mo jon 'e un'goo¹o tsá² 'ii, cwo'¹o tsá² 'ii jilaa'²¹ 'e 'ya'²gɨ coon'¹³ jilaa'²¹ 'e 'ø¹ tsá².