EFESIOS 1:7 - Juu³ tyʉ² ʼe gafaaʼ²¹ Dios tyaʼ tsá²

⁷ Joon tsʉ 'wii'¹³ gali'iin²¹² Dios jna' 'áai¹, gajmaa¹a Dios tiin'¹³ jna' 'wii'¹³ mo gajúin¹ Jóon¹on, galifee'¹mo‑tsi 'wii'¹³ tsaa² tyijna'.

EFESIOS 1:7 Iomraidhean Croise

SAN MATEO 20:28

Tsʉ jna‑a, 'in Ruu'²¹na Tsá², jo gagoo²¹²oo 'e unjíi²in tsá² jna pe gagoo²¹²oo wa'a unjíi³na tsá². Gagoo²¹²oo 'e cwó³oo juncwii²¹ tyiia la wa' 'e 'laa'¹³ ilí² tiin'¹³ tsá² fúui¹.

SAN MATEO 26:28

tsʉ 'e lɨ la lɨ jmɨ¹ 'ǿø³moo lo 'e tɨ li tʉ́n¹ʉn joon coon'¹³ 'elo itsín¹ 'e júu³ 'múui². Joon 'e jmɨ¹ 'ǿø³na itʉ́n¹ʉn lo i'iin² tsaa² tya' tsá² fúui¹.

SAN MATEO 6:12

Jmaa²'a fee'¹‑'o'o 'wii²¹² tyii'i jilaa'²¹ 'e gó² 'e nigajmoo²o'o. Tsʉ la joon jna'a nigajmoo²¹o'o fee'¹‑tsii'i 'e gó² 'e nigajmaa¹a tsá² tyii'i.

SAN MARCOS 14:24

Mo ngayuui'¹³ joon gasɨɨ'²¹ɨ tsá² tya'a: ―'Elo‑o jmɨ́³ɨɨ tya' coon²¹ júu³ 'e 'mɨ́ɨ² 'e nigacwóo³‑oo tuun²¹ 'wii'¹³ tya' 'in fúui¹ lɨɨlɨ¹.

SAN LUCAS 1:77

Joon la joon litsáai¹‑tsi tsá² tya'a xiiala itiin'¹³ Dios tsá² mi 'íin²in tsaa² tya'a.

SAN LUCAS 24:47

Joon coon'¹³ jiin'¹³ 'e sii²¹ 'ii 'ná¹ cwo¹ tsá² júu³ la tǿøi² juncwii²¹. 'E 'láa² tsá² 'wii²¹² tɨ' Jerusalén 'e cwoo¹ júu³ 'e 'ná¹ ja'²a‑tsi tsá² tyani Dios joon 'íin²mo tsaa² tya'a.

SAN JUAN 20:23

Wa'a 'naa' jmaa²aa' feei'¹‑'oo' tsaa² tya' tsá², sɨ'iin²mo tsaa² tya' 'ido. Pe joon wa'a jo jmaa²aa' feei'¹‑'oo' tsaa² tya' tsá² jo sɨ'iin²in tsaa² tya' 'ido.

HECHOS 10:43

Joongɨ ca la jée¹mo jileei'²¹ 'in gacwo¹ júu³ tyʉ́² tya' Dios gajin'²o xiiala lɨ́ɨi¹ Jesús 'e jileei'²¹ 'in jai'² lɨ́ɨi² 'ii 'iin²mo tsaa² tya'a coon'¹³ 'ii'²¹ tya' 'e sii²¹o.

HECHOS 2:38

Joon gañii¹ Tʉ́³: ―Cwojaa'²¹‑'oo' coon'¹³ Dios joongɨ cwosaa²¹naa' jmɨɨ²¹ la jaan²¹naa' coon'¹³ la sii²¹ Jesucristo. Joon la joon 'iin²mo Dios tsaa² tyii'. La joon jon icwo'¹o Dios 'naa' 'in Espíritu Tyʉ́² tya'a.

HECHOS 20:28

Nano un'øøi'¹gɨxʉʉ' yaanaa'. Joongɨ un'øø'¹naa' jilee'²¹ 'in jai'² lɨ́ɨi². Tsʉ 'in Espíritu Tyʉ́² tya' Dios nigatyée¹i 'naa' 'e un'øø'¹naa' jileei'²¹ 'in nigajai'² lɨ́ɨi² Ña'ñʉ'¹ʉ'. Coon'¹³ jmɨ¹ 'øø²i do niga'iin²mo tsaa² tyii'.

HECHOS 3:19

'Wii'¹³ joon 'ná¹‑a jaa'²¹‑'oo' joon cɨɨ'¹³‑'oo' coon'¹³ Dios joon la joon 'iin²mo tsaa² tyii'. Joon ijó¹‑o Ña'ñʉ'¹ʉ' 'e untyúu¹mo 'naa'.

ROMANOS 2:4

¿Tɨ jo tsáai¹‑'o'o 'e tyʉ́² jmoo¹o Dios tyi' 'e 'wo²‑tsi 'wii²¹² tyi'? ¿Tɨ jo ñi'²'i 'e 'wo²‑tsi Dios 'wii²¹² tyi'i 'e jmáa¹a 'e jaa'²¹‑'o'o coon'¹³ Dios?

ROMANOS 3:24

Pe Dios untyúi¹ tsá² coon'¹³ 'e fee'¹‑tsi, jo 'ee gajmaa¹a tsá², tsʉ jmoo¹o Dios tiin'¹³ tsá² jiin'¹³ coon'¹³ 'e gajmaa¹a Cristo Jesús 'wii²¹² tya'a.

ROMANOS 3:25

Joon Dios gacwoo¹i Cristo lawa coon²¹ fa'¹ tya' tsaa² tya' tsá² mo gajúun²in. Joon mo jai'² lɨ́ɨi² tsá² Cristo 'íi³mo to² 'e fa'¹ do. Joon coon'¹³ la joon ga'e'²e Dios tsá² 'e xʉfiin'¹³ 'wó¹‑tsi coon'¹³ 'e tsaa² ga'nóo²o tsá² la mo jéei¹ røø²¹ 'ii'²¹ tya'a.

ROMANOS 9:23

Tsʉ coon'¹³ la joon gajmaa¹a júu³ xiiati fee'¹ 'e 'ya'²gɨ tya'a tya' 'in tsá² do 'in galifee'¹‑tsi tya'a. Joon Dios nigatyii'¹³in 'in tsá² do la mo jée'¹ wa'a 'ii'²¹i 'e 'ya'²gɨ tya'a do.

1 CORINTIOS 1:30

Pe 'ña'a Dios nigauncaan²mo 'naa' coon'¹³ Cristo. Joongɨ 'wii'¹³ Cristo do‑o galijmɨɨ¹‑'oo', 'wii'¹³ 'ii gauntyúu¹mo Dios 'naa' la joon ilí² jmaa²aa' jilaa'²¹ to² tyʉ'²ʉ joongɨ tiin'¹³moo' tyaníi¹i.

2 CORINTIOS 8:9

Tsʉ ñii²¹ 'naa' xiiala gajmaa¹a Ña'ñʉ'¹ʉ' Jesucristo feei'¹‑tsi 'wii'¹³ 'naa'. Fu ñʉ'fú² ga'aa¹a jilaa'²¹, pe tsʉ 'wii'¹³ gali'iin²¹²in 'ido 'naa' gatʉʉ¹ʉ jilaa'²¹ 'e sá² tya'a joon galíin²in lawa tsá² tañíi²mo 'wii'¹³ 'naa'. Joon tsʉ 'wii'¹³ galɨ́ɨ¹i Cristo lawa'a tsá² tañíi²mo 'naa'gɨɨ' galɨ́ɨ¹naa' lawa'a tsá² 'in 'oo¹o jilaa'²¹.

EFESIOS 1:14

Joon 'in Espíritu Tyʉ́² do lɨ́ɨ¹i lawa coon²¹ júu³ tyiin² 'e cwó² Dios ca mi 'ii'¹³naa' 'e tɨɨ²¹naa'. Joon coon'¹³ la joon iun'goo²¹o tsá² 'ii 'wii'¹³ 'e 'ya'²gɨ tya'a.

EFESIOS 1:18

Mɨ́³ɨɨ tyani Dios wa'a uncoon'¹³on 'naa' i'øøi'²¹‑'oo' jilaa'²¹ 'e sɨjan² jileei'²¹ 'in tø'² Dios. Mɨ́³ɨɨ jon wa'a iliñí²ii' xiaala 'ya'²gɨ joon xiiala fee'¹ 'e sá² tya' Dios icwo'¹o 'e tɨ́ɨ²i jileei'²¹ tsá² tya'a.

EFESIOS 1:6

Joon coon'¹³ la joon lí² ñí²i jileei'²¹ xiiala 'ya'²gɨ 'e fo'feei'¹ tya'a. Joon coon'¹³ 'e fo'feei'¹ tya'a do gajmaa¹a Dios ilí² 'ii'²¹in jna' coon'¹³ 'e gajmaa¹a Cristo tyijna'.

EFESIOS 1:8

Joon Dios niga'e'²e jna' xiiala 'iin²¹²in jna' 'áai¹ mo gacwo'¹o jna' 'e jmɨɨ¹‑tsi' joongɨ 'e 'øøi'²¹‑tsi' 'áai¹.

EFESIOS 2:4

Pe jo tyéi¹ 'e fúu² lɨ́ɨ²i Dios jna' joon gali'iin²¹²mo jna' 'áai¹,

EFESIOS 2:7

Joon gajmaa¹a Dios la joon 'e lí 'é²e jéei¹gɨ xiiala gali'iin²¹²in jna' 'áai¹ joongɨ xiiala 'wo²‑tsi 'áai¹ tyijna' coon'¹³ 'e gajmaa¹a Cristo Jesús tyi'.

EFESIOS 3:16

Mɨ́³ɨɨ tyani Jmii²¹ 'e cwoo'¹³i 'naa' 'in Espíritu Tyʉ́² tya'a 'e cwo'² 'naa' wa'a pí³ tsi alma tyii'.

EFESIOS 3:8

Joon jna‑a lɨ́ɨ¹na 'in xaai¹gɨ la jee²¹² jileei'²¹ tsá² tya' Dios; pe 'ii‑o gacwo'¹ jna 'e to² lo 'e 'ya'²gɨ wa'a jmaa'¹³aa júu³ 'in tsá² jo seein²¹ Israel 'e júu³ tyʉ́² tya' Cristo, joon jiin'¹³ jaain²¹ jo lí² 'øøi'²¹‑tsi la tí¹ xiiala fee'¹ 'e gajmaa¹a Cristo 'wii²¹² tyi'.

FILIPENSES 4:19

La joon jon Dios tyiia‑oo icwo'²o 'naa' jilaa'²¹ 'e 'náa²aa'. Icwo'²‑o 'naa' 'e 'náa²aa' 'wii'¹³ Jesucristo tsʉ 'áa¹mo sá² tya'a fu ñʉ'fú² lɨ 'ya'²gɨ 'áai¹.

COLOSENSES 1:14

'In Jóon¹on do gajmaa¹a tiin'¹³ jna', gajúun¹in 'wii²¹² tyi' joon ga'íin² tsaa² 'wii²¹² tyi'.

COLOSENSES 1:27

Dios ga'ɨ¹‑tsi cwo'²o jileei'²¹ 'in jai'² lɨ́ɨi² 'ii 'e licwii¹i 'e júu³ la mo tá² 'ín³ 'mo². Joon 'ya'²gɨ 'áai¹ joongɨ 'áa¹mo tyiin² tyii' jileei'²¹ 'in jon' seein²¹ Israel. Joon 'e júu³ 'ooin²¹ do 'e jin'² 'e 'yúu¹i tsi Cristo 'in tsá² 'in jai'² lɨ́ɨi² 'ii. Joon 'wii'¹³ 'ii do 'øøi'²¹‑'oo' i'ii'¹³naa' lɨ 'ya'²gɨ icwo'²o 'naa'.

COLOSENSES 2:13

'Naa' la mo jéei¹ lawa'a 'e 'lɨɨ²¹²moo' coon'¹³ tsaa² tyíi² 'e røø²¹naa', jo li² lɨ́ɨ¹naa'. Pe la nano nicwo'¹o Dios 'naa' juncwii²¹ tyii' caan²¹mo coon'¹³ Cristo. Ga'íin²mo 'ido jilaa'²¹ tsaa² tyii'.

COLOSENSES 2:2

La joon 'iin²¹²na 'e táain¹ tá²‑tsi alma tya'a joon gauncaain²¹ tsʉ 'wii'¹³ 'iin²¹²in la jaain²¹ la jaain²¹. 'Iin²¹²na jon 'e 'øøi'²¹gɨɨ'‑'oo' 'e coon'¹³ la joon jo cu'²‑'oo' coonti. 'Iin²¹²na jon 'e cwii²¹moo' Cristo. Joon jo lí² cwii¹in tsá² 'ii wa'a jo cwoo¹ Dios.

1 TIMOTEO 2:6

Tsʉ 'ii‑o gacwóoi¹ 'ña'a 'e tyí² jilaa'²¹ tsaa² tya' tsá². Joon mo tɨ́² 'ii'²¹ gajmaa¹a Dios Jmii²¹ júu³.

TITO 2:14

'Ii‑o gacwói¹ 'ña'a 'wii'¹³ jna' 'e 'wóo¹i jna' jee²¹² jilaa'²¹ 'e gó². Joon iuntyúu¹i jna' ilíin²na' tsá² tya'a 'in 'iin²¹²in jmá¹ jilaa'²¹ 'e tyʉ́² ce caain²¹‑tsi.

TITO 3:6

joon 'wii'¹³ cwáain¹ tya' 'in jmaa¹ tiin'¹³na', 'in sii²¹ Jesucristo, Dios gacwoo'¹²i jna' lɨ́ɨ¹gɨ 'in Espíritu Tyʉ́² tya'a.

HEBREOS 9:22

Coon'¹³ 'e ley do jilaa'²¹ 'e 'ná¹ lityʉ́² jiin'¹³ coon'¹³ jmɨ¹. Joon wa jo tʉʉn²¹ jmɨ¹ jo lí¹ 'íin² tsaa² tya' tsá².

1 PEDRO 2:24

Cristo mo gateein¹ tsá² 'ii tsaa' crúu¹³ 'ña'o gatyí¹ tsaa² tyi' coon'¹³ wúu¹ 'e ganii²¹ do. Joon gajmaa¹a la joon 'e jo tyʉ'²gɨ tsaa² jna' to² pe 'e ilisáan³an' 'e tyʉ́². Tsʉ naláa²moo' coon'¹³ jilaa'²¹ wúu¹ 'e ganii²¹.

1 PEDRO 3:18

La joon galɨ́² tya' Cristo mo gajúin¹ gatyii¹ tya' tsaa² tya' tsá² coonti. In tsá² tyúi¹ do gajúun²in 'wii²¹² tya' tsá² gó² 'e lí² 'ii'²¹ Dios jna'. Gajnga'²mo tsá² ngú¹ taan¹in pe gajiin'¹o tún¹ 'ii'²¹ tya' Espíritu Tyʉ́² tya' Dios Jmii²¹.

1 JUAN 2:12

Sɨ́ɨ³na 'e jí² lo tyii', yʉʉn²¹ tyiia, tsʉ niga'íin²mo Dios tsaa² tyii' 'wii'¹³ tya' Jesucristo nityí² tya'a.

1 JUAN 2:2

Joon 'in Jesucristo jo ga'noo¹o jiin'¹³ coon²¹ tsaa². Joon coon'¹³ la joon 'in Jesús do gatyii¹ jilaa'²¹ tsaa² tyi' mo najúun²in. Joon coon'¹³ la joon gauntyʉ́²‑tsi Dios 'wii²¹² tyi'. Joon jon' jiin'¹³ tsaa² tyi' gatyí², gatyí² jon tsaa² tya' jilee'²¹ tsá² 'in taain²¹² juncwii²¹.

1 JUAN 4:10

Gali'iin²¹²mo Dios Jmii²¹ jilaa'²¹ 'e gajmaa¹a. Joon gasii¹in Jóon¹on fu juncwii²¹ lawa coon²¹ fa'¹ 'e jatyíi¹i jilaa'²¹ tsaa² tyi' 'e jo jmaa¹gɨ Dios Jmii²¹ 'nii'²¹‑tsi tyi'. Gajmaa¹ Dios Jmii²¹ la joon 'wii'¹³ 'iin²¹²mo jna' jon' wa'a jna' 'ná¹ 'e li'iin²¹²na' 'ii.

APOCALIPSIS 14:4

'Ido 'in jo 'ee niga'láa¹ coon'¹³ tsamɨ́². Jmai'² 'in tyún¹mo 'ii, joon ngɨɨ¹o coon'¹³ Jesús doñixiia' fu tsalíin²mo. Gauntiin'¹³ Jesús 'ii jee²¹² tsá² 'e líin²in lawa coon²¹ fa'¹ tya' Dios Jmii²¹ nifu joongɨ tya' 'in Cordero do.

APOCALIPSIS 5:9

Joon ga'øø¹ø 'in tsacøøi'¹³ do coon²¹ canto 'mɨ́ɨ² 'e jin'²: Tɨ́ɨ²mo'o cón²'on 'e jí² sɨpéi¹ do joon 'e fiin¹u'u sellos tya'a, tsʉ gajngaa'¹²mo tsá² 'nʉ joon coon'¹³ jmɨ¹ 'øø¹u'u galee¹u'u jna'a cwáain¹ tya' Dios Jmii²¹. Joon jna'oo'o lɨ́ɨ¹na'a jún² tya' jileei'²¹ nii² tsá² taain²¹² ni cwoo'¹³ juncwii²¹. Foo'¹³oo'o jilaa'²¹ jmíi¹ 'e sá² ni cwoo'¹³ juncwii²¹. Tsá² 'in jalíin² jilaa'²¹ fuu²¹ pi'² joongɨ jilaa'²¹ naciones lɨ́ɨi¹ jna'a.