APOCALIPSIS 6:10 - Juu³ tyʉ² ʼe gafaaʼ²¹ Dios tyaʼ tsá²

¹⁰ Joon jin'² 'in almas do coon'¹³ júu³ tá²: ―Ña'ñʉ'¹ʉ', ¿lɨɨgɨ ijmaa²'a 'ii'²¹ tyii'i? Tsʉ jiin'¹³ cafu jo mo cuu'¹³'u 'e jmoo²'o jiin'¹³ la júu³ 'ɨɨ²'ɨ. ¿Lɨɨgɨ ijmaa²'a 'ii'²¹ tyii'i icoon'¹³ tyii'i tya' 'in gajngaai'¹² jna'a 'in taain²¹² juncwii²¹?

APOCALIPSIS 6:10 Iomraidhean Croise

SAN LUCAS 2:29

Ña'ñʉ'¹ʉ', lí²‑i cwo'³'o júun²moo 'e tyʉ́²‑ʉ, tsʉ nigauntsiin¹mo 'ii'²¹ 'e gajmaa²'a coon'¹³ tsá² tyi'i.

SAN LUCAS 21:22

Tsʉ jmɨɨ²¹² joon jmɨɨ²¹² 'e ní² tsá² wúu¹. Jee²¹² jmɨɨ²¹² joon itséin¹ jiin'¹³ la jin'² ni jí² tya' Dios.

ROMANOS 12:19

Tsaru'¹u', 'in 'iin²¹²na, jo coon'¹³naa' tyii' yaanaa' pe cwoo²oo' 'a 'e'² Dios wúu¹ 'ña'o 'ido. Tsʉ ni jí² tya' Dios jin'²in: “Jna‑a tɨ́ɨ²na 'e'²e wúu¹, jna‑a icɨ́³ɨɨ tya' 'ino, jin'² Ña'ñʉ'¹ʉ'.”

HEBREOS 12:24

Jesús 'in faa'²¹a 'wii²¹² tyi' coon'¹³ 'e júu³ 'múui² ga'ɨ́ɨ² Dios tyi'. Ningatyéen¹naa' 'e jmɨ¹ tya' Jesús gaxée²i jna' 'e faa'²¹a jmo'²o jna' júu³ tya' 'e tyʉ́²gɨ lagɨ jmɨ¹ tya' Abel do.

2 PEDRO 2:1

La galiseein²¹ tɨfo'² tajuui²¹ jee²¹² 'in tsá² Israel calɨɨ la joon jon iliseein²¹ tɨfo'² tajuui²¹ jee²¹² 'naa'. Joon 'uun²¹mo 'in tɨfo'² do i'e² júu³ 'e tsaai'¹³. Ca gali'e'²mo Ña'ñʉ'¹ʉ' 'in gatyí² tsaa² tya'a. Joon coon'¹³ la joon 'e'²e wúu¹ yaai. La jmoono i'íin²mo coonti.

APOCALIPSIS 11:18

Tsá² taain²¹² juncwii²¹ nigajmaa¹a 'nii'²¹‑tsi tyi'i pe la no gatɨ́² 'ii'²¹ 'e jo ta'²gɨ'ɨ 'e la jmoo¹o tsá². Nigatɨ́² 'ii'²¹ ijmaa²'a 'ii'²¹ tya' 'e gó² 'e nigajmaa¹a 'in nigajúin¹. Joon icwo'²'o tsá² tyi'i 'in gafaa'²¹a cwáain¹ tyi'i 'e tɨ́ɨ²i. Joon jileei'²¹ 'in tsaa'¹‑tsi 'nʉ, jileei'²¹ 'in un'goo²¹o 'nʉ i'ii'²¹i 'e tɨ́ɨi² la tsá² feei'¹ tiin'¹³ la tsá² 'wéi¹. Joon i'íin¹u'u 'in 'láa¹ juncwii²¹.

APOCALIPSIS 18:20

Pe jmaa²aa' jløø'³naa' 'in táai² ñʉ'fú² coon'¹³ 'naa' 'in lɨ́ɨi¹ apóstoles coon'¹³ jileei'²¹ 'naa' 'in faa'²¹a cwáain¹ tya' Dios coon'¹³ jileei'²¹ 'in tsaa'¹‑tsi 'ii. Tsʉ mo gacóon¹o tya'a, 'ii'²¹ røø²¹ jmaa¹a Dios tyi'naa'.

APOCALIPSIS 18:24

Tsʉ tsaa² tya' 'e fuu²¹ do jilaa'²¹ jmɨ¹ 'e gatúun²un tya' 'in gafaa'²¹ 'wii²¹² tya' Dios coon'¹³ 'in tsaa'¹‑tsi 'ii coon'¹³ jileei'²¹ 'in najóin¹.

APOCALIPSIS 19:2

Nigajmaa¹ Dios 'ii'²¹ røø²¹ joon coon²¹ tsáa¹ mo gajmaa¹a 'ii'²¹ 'ii²¹ tya' 'in 'yiiatsangó¹ 'in gajmaa¹ un'leei'²¹ tsá² yaai coon'¹³ 'e gó² gajmaa¹a. Tsʉ Dios jmaa¹a tyí² 'in 'yiia²¹² do jilaa'²¹ 'e rǿø²i tya' 'e gó² gajmaa¹a tya' 'in tsaa'¹‑tsi Dios, 'in najngaa'¹³i.

APOCALIPSIS 3:10

Joon tsʉ 'wii'¹³ nigajmaa²aa' nʉʉ'¹³oo' to² tyʉ'³ʉʉ 'e seen²¹naa' tá² taain²¹²‑'oo', jna iun'øø'¹na 'naa' mi jó¹ wúu¹ juncwii²¹ 'e coon²¹ cwáain¹ xiiala lɨ́ɨ¹i jileei'²¹ tsá² taain²¹² juncwii²¹.

APOCALIPSIS 3:7

’Táan¹ ni jí² jon 'e júu³ lo 'e sɨɨ²¹u'u tya' 'in cwoo¹o júu³ tyʉ́² tya' Dios jee²¹² 'in jai'² lɨ́ɨi² Cristo néei¹ Filadelfia: “La joon jin'² 'in tyúi¹, 'in jmoo¹o jmai'² 'e la jai'². Joon jiin'¹³ 'ii‑o 'oo¹o 'e jonñí³ tya' 'lɨɨ²¹² rǿøi¹³ David joon mi ná² jiin'¹³ jaain²¹ jo lii'¹ 'e jní², joon la joon mi jní² jiin'¹³ jaain²¹ jo lii'¹gɨ ná².