APOCALIPSIS 22:10 - Juu³ tyʉ² ʼe gafaaʼ²¹ Dios tyaʼ tsá²

¹⁰ Jin'²o jon sɨɨ'²¹ɨ jna: ―Jo 'ma'²'a 'uuin²¹ 'e júu³ tya' Dios Jmii²¹ 'e taa'¹³ 'e jí² do tsʉ tɨ lɨ tyé¹mo jiin'¹³ la jin'² ni jí² do.

APOCALIPSIS 22:10 Iomraidhean Croise

SAN MATEO 10:27

Jilaa'²¹ júu³ 'e fuu²¹²uu 'naa' coon'²¹ cwofáa¹³aa' jee²¹² lɨ nuu¹un tsá². Joon jilaa'²¹ 'e fuu²¹²uu 'naa' lɨ 'uuin²¹ ca yʉ' 'nʉ́¹ cwo'oo²oo'.

ROMANOS 13:11

Joon, tsʉ 'wii'¹³ ñí²oo' xiiala ngó¹ tiempo, 'ná¹ jnaa¹‑'oo' 'e cwuu²¹moo' tsʉ tyan'gɨ najó² 'e tiin'¹³na' lagɨ la mo 'wiin²¹² mo gajai'² galɨ́ɨ²na'.

ROMANOS 13:12

Ningó¹ xʉʉ²¹² niui²¹gɨ joon najatyéen¹mo 'e jná² jmɨɨ²¹² tsʉ 'wii'¹³ joon 'ná¹ tʉʉ²¹²ʉ' 'e jmoo²¹o' la jmoo¹o tsá² lɨ nʉʉ²¹; joon 'ná¹ tyíi¹³i' ñí³ la tyan¹an 'láa² 'in ngɨ¹ lɨ jná² joo'²¹.

2 TESALONICENSES 2:3

Jo cwoo²oo' 'in coon'²¹ 'naa' tóo² jiin'¹³ coon²¹ cwáain¹. Tsʉ jéei¹gɨ jmɨɨ²¹² joon itíui² tsá² Dios joongɨ ijnéi¹ tsá² røøi²¹ tsaa² 'in jo tiin'¹³gɨ.

1 PEDRO 4:7

Nijatyéen¹mo 'ii'²¹ tya' jilaa'²¹ 'e sá², 'wii'¹³ joon cwongɨɨ²ɨɨ' coon'²¹ tún² 'e cwo'²‑'oo' foo²oo' júu³ tyʉ́².

APOCALIPSIS 1:11

'e jin'² sɨɨ'²¹ɨ jna: ―Táan¹ ni jí² jilaa'²¹ 'e jøø²'ø joon sɨɨ²¹u'u tya' 'in tsá² dyía¹ poo²¹² 'in jai'² lɨɨi² Cristo 'in néei¹ lɨ sii²¹ Asia; ca fuu²¹ lɨ sii²¹ Efeso, coon'¹³ fuu²¹ Esmirna, coon'¹³ fuu²¹ Pérgamo, coon'¹³ fuu²¹ Tiatira, coon'¹³ fuu²¹ Sardis, coon'¹³ fuu²¹ Filadelfia, coon'¹³ fuu²¹ Laodicea.

APOCALIPSIS 1:3

Jløø'³mo jileei'²¹ 'in jǿø²ø 'e jí² lo joon jløø'³mo jon jileei'²¹ 'in núu²un mo untsaa² tsá² 'e jí² lo 'e gacwó² Dios wa mo jmoo¹ tsá² nʉʉ'¹³ʉn tsʉ tɨ lɨ tɨ́² ityéi¹ 'e júu³ lo.

APOCALIPSIS 10:4

Joon mo ngayuui'¹³ ga'oon¹on cwaain'ñá³ dyía¹ naa'¹³ do itóon³oon ni mo'jí² júu³ tya'a pe ganúu³uun coon²¹ júu³ jó² fu nʉ'fú² jin'²in sɨɨ'²¹ɨ jna: ―'Ma'² 'e júu³ 'uuin²¹ ganʉʉ²'ʉn mo ga'oon¹on cwaain'ñá³ dyía¹ naa'¹³ do. Jo toon'¹³'on ni mo'jí².

APOCALIPSIS 22:16

―Jna‑a, Jesús, gasɨ́ɨ²na ángeles tyiia ijmáa¹a júu³ jilaa'²¹ 'elo tya' 'in jai'² lɨ́ɨi² jna. Jna‑a lɨ́ɨ¹na jmóo³ tya' 'lɨɨ²¹² rǿøi¹³ David, lɨ́ɨ¹moo jon jún² tya'a. Lɨ́ɨ¹na jon 'in nʉ́ʉ¹ 'in 'ɨ́ɨ²ɨ mo 'aa²¹.

APOCALIPSIS 22:18

Joon la joon fuu²¹²uu 'naa' jilee'²¹naa' 'in ganúu²un júu³ taa'¹³ 'e jí² lo: Wana seein²¹ 'in un'láai² 'e jí² lo iun'láai² Dios Jmii²¹ tya'a jilaa'²¹ fa'í³ 'e taa'¹³ jí² lo.

APOCALIPSIS 22:20

Joon 'in jmá¹ júu³ la joon jin'²in: ―'E la ja'²mo, la jmoono igóo³oo ―jin'² Jesús. ―Amén. ¡Na¹, Ña'ñʉ'¹ʉ' Jesucristo! ―jin'² 'in catyaai².

APOCALIPSIS 22:7

―¡Jmoono igó³oo! ―jin'² Jesús. ¡Jløø'³mo jileei'²¹ 'in jmoo¹o nʉʉ'¹³ʉn 'e júu³ tya' Dios Jmii²¹ taa'¹³ 'e jí² lo!

APOCALIPSIS 22:9

Pe 'ii gajin'²in sɨɨ'²¹ɨ jna: ―Jo jmoo²'o la no. Tsʉ jmóo³oo jiin'¹³ la to² tyʉ'² Dios Jmii²¹ jiin'¹³ la jmóo² 'nʉ coon'¹³ 'in catyaai² tsaru'¹u' 'in faa'²¹a cwáain¹ tya' Dios coon'¹³ jileei'²¹ 'in jmoo¹o jiin'¹³ la jin'² ni jí² lo. Cwoun'goo²'o jiin'¹³ Dios.

APOCALIPSIS 5:1

Joon gamóo³oo 'e san'² 'in tyíin¹ lɨ sɨlɨɨ²¹² do lɨ cwoo²¹o tsáa¹ coon²¹ jí² 'e sɨpéi¹ sɨseen'¹³ dyía¹ sellos táa¹ coon'¹³ cera. Joon 'e jí² do taa'¹³ júu³ la jɨ tún² taain²¹².