APOCALIPSIS 2:16 - Juu³ tyʉ² ʼe gafaaʼ²¹ Dios tyaʼ tsá²

¹⁶ Tsʉ 'wii'¹³ joon cwojaa'²¹‑'oo' la jmoono tsʉ igóo³oo jmáa³aa 'nii²¹ coon'¹³ 'in tsá² do coon'¹³ 'e ñí³ espada 'yeei'²¹ moo'óo³oo.

APOCALIPSIS 2:16 Iomraidhean Croise

EFESIOS 6:17

Joon toon²oon' tyí²ii' lawa coon²¹ lootyi² tya' 'láa² 'e nigajmaa¹a Dios tiin'¹³ 'naa'. Joon lawa coon²¹ ñí³ cwaa²¹ lɨ́¹ 'e júu³ tyʉ́² tya' Dios 'e cwo'¹ 'in Espíritu Tyʉ́² 'naa'; soon²oon' tá².

2 TESALONICENSES 2:8

Mi yuui'¹³ la tyii¹i Dios 'in jnɨɨi'²¹ do lawa'a ijné¹mo 'in tsá² gó² do. Ijmáa¹a li² 'áai² joongɨ milagro 'láai² pe jmai'² júu³ tajuu²¹. Ni'noo'²¹on jilaa'²¹ 'e gó² icoon'²¹on tóo² jileei'²¹ 'in jo tiin'¹³gɨ. Tsʉ jo gali'iin²¹²in 'in tsá² do nuu¹un júu³ tyʉ́² wa'a 'e tiin'¹²in. 'Wii'¹³ joon jmaa¹a Dios 'e 'ii'²¹ 'in tsá² do júu³ gó² 'e lí² tsáai¹‑tsi jilaa'²¹ júu³ tajuu²¹. Joon tsaliin¹mo lɨ jo tiin'¹³gɨ tsʉ jo galitsáai¹‑tsi júu³ tyʉ́². Joon gatɨ́²gɨ‑tsi jilaa'²¹ 'e gó². Pe joon Ña'ñʉ'¹ʉ' Jesús ijngaa'¹²mo 'in gó² do coon'¹³ tyí² 'woo²¹ 'oo²o. Joongɨ iduui¹ coon'¹³ 'e jná² joo'²¹ tya'a mi jó¹.

APOCALIPSIS 1:16

Joon seen'¹³in dyái¹ nʉ́ʉ¹ cwoo²¹o tsáa¹. Joon tsi nʉ' 'oo²¹²o 'yeei'²¹ coon²¹ espada 'e 'má¹ 'áai¹ la je tún² taain²¹². Joon níi¹i jɨɨ'¹ la jɨɨ'¹ ñi'¹ mo tyíi² 'yiia²¹.

APOCALIPSIS 16:9

Joon gacáa²mo tsá² coon'¹³ jɨ́² do. Pe 'in tsá² do jo gajoo'²¹‑tsi wa'a gatsaa'¹‑tsi Dios 'in tyʉ'² to² fa'í³ do. Xʉ lɨ' joon gafaa'²¹gɨ 'laa'²¹ tya' Dios.

APOCALIPSIS 19:15

Joon 'yeei'²¹ 'oo²o 'in tsá² do coon²¹ ñí³ espada 'e 'má¹ 'áai¹. Joon coon'¹³ 'e ñí³ do iuncwuu'²¹i tsá² taain²¹² juncwii²¹. Joon ityʉ'²ʉ to² tsá² coon'¹³ sɨɨ² lɨ́¹ ñí³. Joon la niui² tsá² mɨ'² wuunjøø'³ tʉʉn¹ʉn jmɨ'³ tya'a, jiin'¹³ coon²¹ wa'a jo ganiui², la joon jon jiin'¹³ jaain²¹ jo láai² 'e wúu¹ tya' Dios ijó¹ tsʉ 'nii'²¹‑tsi Dios, 'in jmoo¹o jilaa'²¹ 'e 'iin²¹²in. Joon 'in tyíin¹ cwa² taai²¹ do ijmáa¹a 'ii'²¹ cwáain¹ tya' Dios Jmii²¹.

APOCALIPSIS 19:21

Joon gajngaa'¹³mo 'in tsá² tyíin¹ cwa² taai²¹ do 'in catyaai² coon'¹³ ñí³ 'yeei'²¹ 'oo²o. Joon tyʉ́²‑ʉ gagøø'²¹ 'in joo'²¹ tsí³ cwáa¹ do ngú¹ tya' 'in najúin¹ do.

APOCALIPSIS 2:12

’Táan¹ ni jí² 'e júu³ lo 'e sɨɨ²¹u'u tya' 'in cwoo¹o júu³ tyʉ́² tya' Dios jee²¹² 'in jai'² lɨ́ɨi² Cristo néei¹ Pérgamo: “La joon jin'² 'in tsá² do 'in 'yeei'²¹ 'oo²¹²o coon²¹ ñí³ espada 'e 'má¹ la je tún² taain²¹²:

APOCALIPSIS 2:5

Tsʉ 'wii'¹³ joon untii'¹³‑'oo' xiiala lɨ́ɨ¹naa' la mo jéei¹. Cwojaa'²¹‑'oo' joon jmaa²aa' la gajmaa²aa' mo 'wiin²¹² do. Wa'a jo jmaa²aa' incwéei¹moo la jmoono joon ityíi³oo candelero tyii' 'áa³ tya'.

APOCALIPSIS 22:20

Joon 'in jmá¹ júu³ la joon jin'²in: ―'E la ja'²mo, la jmoono igóo³oo ―jin'² Jesús. ―Amén. ¡Na¹, Ña'ñʉ'¹ʉ' Jesucristo! ―jin'² 'in catyaai².

APOCALIPSIS 22:7

―¡Jmoono igó³oo! ―jin'² Jesús. ¡Jløø'³mo jileei'²¹ 'in jmoo¹o nʉʉ'¹³ʉn 'e júu³ tya' Dios Jmii²¹ taa'¹³ 'e jí² lo!

APOCALIPSIS 3:19

Tsʉ jileei'²¹ 'in 'iin²¹²na cwo'³oo cwáain¹, joon taa'²¹na fu¹ røø²¹ tsʉ 'wii'¹³ joon cwoo'¹³‑'oo' jmaa²aa' júu³ tyiia joongɨ cwojaa'²¹‑'oo'.