APOCALIPSIS 14:7 - Juu³ tyʉ² ʼe gafaaʼ²¹ Dios tyaʼ tsá²

⁷ Joon jin'² 'in ángel do coon'¹³ coon²¹ júu³ tá²: ―Cwo'gøø'²¹moo' Dios. Jǿø²oo' 'in feei'¹ 'áa¹mo 'i‑i joon nigatɨ́² 'ii'²¹ ijmáa¹a 'ii'²¹ tya' tsá². Cwoun'goo²oo' 'in nigajmaa¹a ñʉfú² coon'¹³ ni cwoo'¹³ juncwii²¹ coon'¹³ jmɨ'ñi'³ coon'¹³ lɨ 'yá² jmɨɨ²¹.

APOCALIPSIS 14:7 Iomraidhean Croise

SAN MATEO 25:13

Joon gajin'² Jesús sɨɨ'²¹ɨ 'in tsá² do: ―Cwoseen²¹naa' ñí²‑'oo' tsʉ jo ñí²ii' 'ee jmɨɨ²¹² sɨ 'ee 'ii'²¹ 'ee mi jó¹ 'in Ruui'²¹ Tsá².

SAN LUCAS 17:18

¿Tɨ jiin'¹³ ino‑o tsá² coon²¹ fuu²¹ nigacɨɨ'¹³o cwoo¹o 'maai'¹³ Dios?

HECHOS 14:15

―¡Tsañʉʉ'¹! ¿'Ee lɨ' jmoo²oo' la no? ¡Tsá² la 'naa'‑a jna'a! Canii² to² nijalii²¹i'i 'e sii'¹³i'i 'naa' 'e júu³ tyʉ́² 'e tʉ́³oo' jilaa'²¹ 'elo 'e jo 'ee to² tí¹. Joon ngɨ́³oo' coon'¹³ Dios, 'in seen²¹mo, tsʉ 'ii gajmaa¹a juncwii²¹. Joongɨ 'ii gajmaa¹a ni cwoo'¹³ coon'¹³ jmɨ'ñi'³ joongɨ jilaa'²¹ 'e sá² jee²¹² 'ii.

1 PEDRO 4:7

Nijatyéen¹mo 'ii'²¹ tya' jilaa'²¹ 'e sá², 'wii'¹³ joon cwongɨɨ²ɨɨ' coon'²¹ tún² 'e cwo'²‑'oo' foo²oo' júu³ tyʉ́².

APOCALIPSIS 11:13

Tsifu joon gajøø'²¹gon 'wó² lɨ́¹ joon catyuui'¹³ jee²¹² dyá² tsa'² 'e fuu²¹ do ga'ín² joon dyía¹ mil tsá² gajúin¹ mo gajøø'²¹ 'wó² do. Joon 'in tsá² catyáai² do 'in gasáai¹ 'e fuu²¹ do gafoo'¹³mo joongɨ gaun'goo²¹o Dios Jmii²¹ 'in tyíin¹ ñʉ'fú².

APOCALIPSIS 11:18

Tsá² taain²¹² juncwii²¹ nigajmaa¹a 'nii'²¹‑tsi tyi'i pe la no gatɨ́² 'ii'²¹ 'e jo ta'²gɨ'ɨ 'e la jmoo¹o tsá². Nigatɨ́² 'ii'²¹ ijmaa²'a 'ii'²¹ tya' 'e gó² 'e nigajmaa¹a 'in nigajúin¹. Joon icwo'²'o tsá² tyi'i 'in gafaa'²¹a cwáain¹ tyi'i 'e tɨ́ɨ²i. Joon jileei'²¹ 'in tsaa'¹‑tsi 'nʉ, jileei'²¹ 'in un'goo²¹o 'nʉ i'ii'²¹i 'e tɨ́ɨi² la tsá² feei'¹ tiin'¹³ la tsá² 'wéi¹. Joon i'íin¹u'u 'in 'láa¹ juncwii²¹.

APOCALIPSIS 15:4

Jiin'¹³ jaain²¹ jo seein²¹ wa'a jo 'gɨɨ'²¹i 'nʉ, Ña'ñʉ'²ʉ', jilee'²¹mo iunfee'¹i 'nʉ. Jiin'¹³ 'nʉ‑ʉ 'in tyú¹mo. Joon jileei'²¹ tsá² taain²¹² juncwii²¹ jalíin² un'goo²¹o 'nʉ. Nigacón²o cwáain¹ 'e røø²¹ jilaa'²¹ 'e jmoo²'o.

APOCALIPSIS 16:9

Joon gacáa²mo tsá² coon'¹³ jɨ́² do. Pe 'in tsá² do jo gajoo'²¹‑tsi wa'a gatsaa'¹‑tsi Dios 'in tyʉ'² to² fa'í³ do. Xʉ lɨ' joon gafaa'²¹gɨ 'laa'²¹ tya' Dios.

APOCALIPSIS 18:10

Wíin² téein² tsʉ 'wii'¹³ 'goo'²¹‑o ní² 'in tsamɨ́² do wúu¹ joon jin'²in: ―¡'Áai¹ tyafo'² fúu² 'nʉ, Babilonia, coon²¹ fuu²¹ fee'¹ joon coon²¹ fuu²¹ tyiin²! Pe jmɨɨ²¹² nano gacwá¹ imoo'¹³'o wúu¹.

APOCALIPSIS 18:17

Joon jee²¹² catá² ga'ín¹ jilaa'²¹ 'e sá² tya'a. Joon wíin² taain²¹² jileei'²¹ tsá² tyʉ'² to² barcos coon'¹³ 'in táai² barcos coon'¹³ 'in jmoo¹o to² tsi barcos do. Jileei'²¹ 'in jmoo¹o to² ni jmɨ'ñi'³ táan¹in wíin².

APOCALIPSIS 18:19

Joon ga'ee¹e cwoo'¹³ jee²¹² tyíi¹i gatyi'² xuui²¹²‑tsi 'áai¹ joon 'oo¹o jin'²in: ―'Áai¹ fúu² 'e fuu²¹ 'ya'²gɨ do. 'Áai¹ galisá² cuu² tya' 'in jmoo¹o to² ni jmɨ'ñi'³ coon'¹³ cuu² ga'íin²in 'e fuu²¹ do. Pe jee²¹² coon²¹ catá²‑a ga'ín¹ 'e fuu²¹ do.

APOCALIPSIS 19:5

Joon coon²¹ júu³ gajó¹ lɨ sɨlɨɨ²¹² do 'e jin'²in: Cwoun'goo²oo' Dios tyi' jileei'²¹ 'naa' 'in jmoo¹o la to² tyʉ'²ʉ, jileei'²¹ 'naa' 'in 'gøøi'²¹ 'ii la 'in 'wói² tiin'¹³ la 'in tyiin².

APOCALIPSIS 4:11

Ña'ñʉ'¹ʉ' Dios tyii'i, jiin'¹³ 'nʉ‑ʉ tɨ́ɨ²u wa'a 'i²u'u 'e 'ya'²gɨ, joongɨ 'e un'goo¹ tsá² 'nʉ coon'¹³ to² 'oo²¹o'o. Tsʉ 'nʉ‑ʉ gajmaa²'a jilaa'²¹ 'e sá² joon tsʉ 'wii'¹³ gali'iin²¹²mo'o la joon galisá² 'e sá², joon sá²gɨ ca nano.

APOCALIPSIS 4:9

Joon la cafu mo un'goo¹o 'in joo'²¹ jiin'¹ do Dios 'in seein²¹ coon²¹ tøø²mo 'in tyíin¹ lɨ sɨlɨɨ²¹² do, gaunfee'¹i joon gacwoo¹o 'maai'¹³ 'ii.

APOCALIPSIS 8:10

Joon 'in ángel lɨ tɨ́² gaai²¹ gaxʉʉ¹ʉ lúu¹ tya'a joon jaain²¹ nʉ́ʉ¹ feei'¹ lɨ́ɨ¹i lawa coon jɨ́² taa²¹ gatøø'²¹i fu yʉ' juncwii²¹. Gatøø'²¹i jee²¹² catyuui'¹³ lɨ́ɨ¹gɨ ni jmɨɨ²¹ coon'¹³ lɨ 'yá² jmɨɨ²¹.