APOCALIPSIS 13:5 - Juu³ tyʉ² ʼe gafaaʼ²¹ Dios tyaʼ tsá²

⁵ Joon ga'yeei'²¹ 'oo²¹²o júu³ jloo'³ joongɨ júu³ gó² tya' Dios. Joon ga'ii'²¹i to² tya'a ca tsín¹ 'nɨ¹ jiin²¹ tsi ca'no'.

APOCALIPSIS 13:5 Iomraidhean Croise

2 TESALONICENSES 2:3

Jo cwoo²oo' 'in coon'²¹ 'naa' tóo² jiin'¹³ coon²¹ cwáain¹. Tsʉ jéei¹gɨ jmɨɨ²¹² joon itíui² tsá² Dios joongɨ ijnéi¹ tsá² røøi²¹ tsaa² 'in jo tiin'¹³gɨ.

2 TESALONICENSES 2:4

'Inlo‑o 'in unfee'¹mo 'ña'a lagɨ Dios joon 'in 'aa¹ tya'a jilaa'²¹ 'e un'goo²¹ tsá². Joongɨ 'in tsá² do itsacwaa¹ cagɨ tsi inʉʉ cwo'¹ tya' Dios. Tsacwaa¹ lawa Dios. Joongɨ ijmeei'²¹ 'ña'o lawa Dios.

2 TESALONICENSES 2:8

Mi yuui'¹³ la tyii¹i Dios 'in jnɨɨi'²¹ do lawa'a ijné¹mo 'in tsá² gó² do. Ijmáa¹a li² 'áai² joongɨ milagro 'láai² pe jmai'² júu³ tajuu²¹. Ni'noo'²¹on jilaa'²¹ 'e gó² icoon'²¹on tóo² jileei'²¹ 'in jo tiin'¹³gɨ. Tsʉ jo gali'iin²¹²in 'in tsá² do nuu¹un júu³ tyʉ́² wa'a 'e tiin'¹²in. 'Wii'¹³ joon jmaa¹a Dios 'e 'ii'²¹ 'in tsá² do júu³ gó² 'e lí² tsáai¹‑tsi jilaa'²¹ júu³ tajuu²¹. Joon tsaliin¹mo lɨ jo tiin'¹³gɨ tsʉ jo galitsáai¹‑tsi júu³ tyʉ́². Joon gatɨ́²gɨ‑tsi jilaa'²¹ 'e gó². Pe joon Ña'ñʉ'¹ʉ' Jesús ijngaa'¹²mo 'in gó² do coon'¹³ tyí² 'woo²¹ 'oo²o. Joongɨ iduui¹ coon'¹³ 'e jná² joo'²¹ tya'a mi jó¹.

APOCALIPSIS 11:7

Pe mo gatsín¹ cwoo¹o 'in gái¹ tsá² do júu³ tya' Dios 'in joo'²¹ 'lɨɨi'³ 'in gacwo'ɨ́ɨ¹ɨ lɨ sɨtyʉ́² do itéen¹in coon'¹³ 'in gái¹ do joon ilii'¹i 'ido ijngaa'¹³mo 'in 'lɨɨi'³ 'in tsá² gái¹ do.

APOCALIPSIS 12:14

Pe Dios gacwoo¹o ga'yá³ cwáa¹ mɨɨ²¹ feei'¹ tya' 'in tsamɨ́² do joon ili'ɨ́ɨ¹i fu lɨ jo 'iin tsá² seein²¹ lɨ sá² 'áan³ tya'a. Lí² cwó² Dios 'nɨ¹ jiin²¹ tsi ca'no' 'e dø'¹ø 'in tsamɨ́² do. Do‑o táain² wíin² lɨ jo ngɨ́¹ 'in mɨɨ'²¹ 'lɨɨi'³ do.

APOCALIPSIS 12:6

Joon 'in tsamɨ́² do gacwiin¹o fu coon²¹ lɨ jo 'in tsá² taain²¹². Do‑o nigatya¹ Dios tyʉ́² tya'a ilicwo'¹ 'ido 'e dø'¹ø ce tsín¹ 'nɨ¹ jiin²¹ tsi ca'no'.

APOCALIPSIS 13:7

Joon gacwóo¹i 'e jmá¹ 'nii²¹ tya' 'in jmoo¹o la to² tyʉ'² Dios ca galɨ'²o. Ga'ii'²¹i 'in joo'²¹ 'lɨɨi'³ do 'e lí² tyʉ'²ʉ to² jilaa'²¹ nii² tsá² taain²¹² juncwii²¹ coon'¹³ jilaa'²¹ fuu²¹ coon'¹³ jileei'²¹ 'in faa'²¹a jmíi¹ xiia' fu la 'úi³ juncwii²¹.