APOCALIPSIS 12:10 - Juu³ tyʉ² ʼe gafaaʼ²¹ Dios tyaʼ tsá²

¹⁰ Joon ganúu³uun coon júu³ tá² jó² fu ñʉ'fú² 'e jin'²in: ―Nigatɨ́² 'ii'²¹ ijmá² Dios tiin'¹³ tsá². Tɨ lɨ liñii¹ tsá² Dios 'in fee'¹mo 'ii. Ityʉ'²ʉ Dios tyi' to². Gatɨ́² 'ii'²¹ i'ii'²¹i Cristo to² tya'a. Tsʉ Dios gatyii¹i fu ñʉ'fú² 'in niga'nɨɨ¹i la 'woo¹ jmɨɨ¹ tyani Dios 'in jai'² lɨ́ɨi² Cristo.

APOCALIPSIS 12:10 Iomraidhean Croise

SAN MATEO 26:64

Joon Jesús gañii¹i gajin'²in: ―'Ii‑gɨ jna jiin'¹³ la foo'²¹ 'nʉ. Joongɨ fuu²¹²uu 'naa' imoo²oo' 'in Ruui'²¹ Tsá² tyíin¹in lɨ' cwoo²¹o Dios tsáa¹. Joon 'in Dios do lí² jmáa¹a jilaa'²¹ 'e 'iin²¹²in. Imoo²oo' 'in Ruui'²¹ Tsá² do ijó¹ jee²¹² jníi¹ tya'cwii²¹.

SAN MATEO 28:18

Joon gangatyéen¹in Jesús lɨ téein² tsá² tya'a joon gajin'²in sɨɨ'²¹ɨ 'ido: ―Nigacwo'¹o Dios jna jilaa'²¹ 'ii'²¹ 'e sá² ñʉ'fú² coon'¹³ 'ii'²¹ 'e sá² ni cwoo'¹³ juncwii²¹.

SAN MATEO 6:10

Cwolí² 'e tyʉ'²'ʉ to² jee²¹² tsá². Cwojmaa¹a tsá² taain²¹² juncwii²¹ jiin'¹³ la 'iin²¹²u'un la jmoo¹o 'in taai² ñʉ'fú².

SAN LUCAS 11:2

Joon gajin'² Jesús: ―Mi fó²oo' júu³ tyʉ́² tyii' fá²aa' la lo: Ña'ñʉ'¹ʉ' tyín¹u'un ñʉ'fú² tyi'i. Jiin'¹³ 'nʉ‑ʉ 'in tyúi¹ la jee²¹² jileei'²¹ 'in seein²¹. Tyʉʉ'²¹ to² jna'a. Fu ñʉ'fú² jilaa'²¹ ilɨ́² jiin'¹³ la 'iin²¹²u'un. Jmáa² jon ni cwoo'¹³ juncwii²¹.

SAN LUCAS 22:31

Gajin'²in jon Ña'ñʉ'¹ʉ': ―Simóoi¹³, Satanás nigamóoi¹ 'naa' 'e jøøi'¹² 'naa' la mo untyʉ́² tsá² trigo 'e coon'²¹ cwáain¹ 'naa'.

1 CORINTIOS 5:4

Uncaan²¹naa' ruu'²¹naa' coon'¹³ 'e sii²¹ Ña'ñʉ'¹ʉ' Jesucristo. Joon siin'¹³moo coon'¹³ 'naa' coon'¹³ jilaa'²¹ 'e 'ɨ¹‑tsii. La joon jon 'ii'²¹ tya' Ña'ñʉ'¹ʉ' Jesús uncoon'¹³on 'naa'.

2 CORINTIOS 12:9

Pe Ña'ñʉ'¹ʉ' gajin'²o sɨɨ'²¹ɨ jna: “Líin²mo tyi'i 'e 'iin²¹²na 'nʉ. Joon mo 'woo²i tsá², joon lí² li'²i tsá² 'e 'ii'²¹ tyiia uncoon'¹³ 'ido.” Tsʉ 'wii'¹³ joon unjløø'³na 'e jo pí³ 'oo²oo tsʉ coon'¹³ la joon lí² li'²i tsá² 'e coon'¹³ 'ii'²¹ tya' Cristo jmóo³oo jilaa'²¹.

TITO 2:3

La joon jon tsayuui'¹ 'e'³'e 'e ngɨ¹ tyani tsá² la tɨ́ɨi² ngɨ¹ 'in taain²¹² tyʉ́² tyani Dios. 'E'³'e 'e jo jmáa¹a júu³ 'atsaa² jon'gɨ 'e ngɨ¹ to² 'íin¹. Pe i'é³ jilaa'²¹ 'e tyʉ́²‑ʉ.

1 PEDRO 5:8

Cwongɨ́²ɨɨ' coon'²¹ tún², li'² jmaa²aa' tsʉ 'in 'lɨɨi'³ 'naa'²¹i tsá² 'e 'iin²¹²in untyée¹mo. 'Iin²¹²in jmáa¹a 'e 'íin²mo‑tsi tsá² Jesucristo. Joon lawa 'yiia'tíi³ 'in ngɨ¹ to² 'oo¹o, la joon jon 'in 'lɨɨi'³ ngɨ¹ 'naa'²¹i 'in tsá² do.

APOCALIPSIS 11:15

Joon gaxʉʉ¹ʉ 'in ángel lɨ tɨ́² dyái¹ lúu¹ tya'a. Joon gafaa'²¹a júu³ tá² jó² fu ñʉ'fú² 'e jin'²in: Jilaa'²¹ to² sá² juncwii²¹ galɨ́²‑ɨ ilí² tya' Ña'ñʉ'¹ʉ' Dios coon'¹³ 'in gasii¹in Dios 'in gajmaa¹a tiin'¹³ tsá² 'in sii²¹ Cristo; joon 'ii 'in tyʉ'²ʉ to² coon²¹ tøø²mo.

APOCALIPSIS 2:26

Joon 'in lii'¹ joongɨ 'in jmoo¹o jilaa'²¹ 'e 'iin²¹²na 'e jmáa¹a icwo'³oo 'ii 'ii'²¹ ityʉ'²ʉ to² tsá² taain²¹² juncwii²¹ la gacwo'¹ Ñʉ'³ʉʉ jna 'ii'²¹ ityʉ'³ʉʉ to².

APOCALIPSIS 7:10

Joon 'in tsá² do 'oo¹o tá² lɨ́ɨ¹ joon jin'²in: Ña'ñʉ'¹ʉ' Dios Jmii²¹, 'in tyíin¹ lɨ sɨlɨɨ²¹², coon'¹³ Jesús gacwoo¹o 'e gatiin'¹³na'a.