APOCALIPSIS 11:15 - Juu³ tyʉ² ʼe gafaaʼ²¹ Dios tyaʼ tsá²

¹⁵ Joon gaxʉʉ¹ʉ 'in ángel lɨ tɨ́² dyái¹ lúu¹ tya'a. Joon gafaa'²¹a júu³ tá² jó² fu ñʉ'fú² 'e jin'²in: Jilaa'²¹ to² sá² juncwii²¹ galɨ́²‑ɨ ilí² tya' Ña'ñʉ'¹ʉ' Dios coon'¹³ 'in gasii¹in Dios 'in gajmaa¹a tiin'¹³ tsá² 'in sii²¹ Cristo; joon 'ii 'in tyʉ'²ʉ to² coon²¹ tøø²mo.

APOCALIPSIS 11:15 Iomraidhean Croise

SAN MATEO 24:31

Joon mi 'íin²in lúu¹ tá² lɨɨlɨ¹ ityʉ'³ʉʉ to² ángeles tyiia 'e tsauncaain²¹ jileei'²¹ 'in gatiin'¹³in, 'in néei¹ la caain²¹ ni cwoo'¹³ juncwii²¹.

SAN MATEO 6:13

Jo cwo'²'o wa'a 'e 'naa²¹a'a tsaa²; 'láa²i jna'a jee²¹² jilaa'²¹ 'e gó². Tsʉ tyi'nʉ‑ʉ jilaa'²¹ to² coon'¹³ jilaa'²¹ 'ii'²¹ coon'¹³ jilaa'²¹ 'e 'ya'²gɨ coon²¹ tøø²mo. Amén.

SAN LUCAS 1:33

Ilíin²in rǿøi¹³ tya' jileei'²¹ tsá² Israel coon²¹ tøø²mo. Jo tyee²¹ 'ii'²¹ tya'a coonti.

SAN LUCAS 15:10

La joon jon fuu²¹²uu 'naa', jløø'³mo ángeles tya' Dios mi jaa'²¹‑tsi xʉfiin'¹³ jaain²¹ tsá² 'in røøi²¹ tsaa².

SAN LUCAS 15:6

Joon mo gatyee'¹²i tya'a gauncaain²¹ tsá² seein²¹ tyʉ́² coon'¹³ coon'¹³ tsá² néei¹ co' lɨ tyíin¹in. Joon gasɨɨ'²¹ɨ: “Jløø'³naa' jmaa²aa' coon'¹³ jna tsʉ nigatsee'³moo 'in joo'saa'²¹ 'in ga'ín¹ tyiia do.”

HECHOS 4:26

Jileei'²¹ tsaa'to² garóon². Joongɨ tsacøøi'¹³ 'e fuu²¹ galicaain²¹. Joon gajmaa¹a 'ee'¹i Ña'ñʉ'¹ʉ' Dios joongɨ coon'¹³ 'in gasii¹in Dios sii²¹ Cristo.

HEBREOS 1:8

Pe cwáain¹ tya' Jóon¹on gajin'²in: 'Nʉ‑ʉ, Dios, ityʉ'²'ʉ to² coon²¹ tøø²mo. Joon coon²¹ tsáa² tyʉ'²'ʉ to².

APOCALIPSIS 10:7

tsʉ mi tɨ́² 'ii'²¹ ixʉʉ¹ʉ ángel do lɨ tɨ́² dyái¹ joon itsé¹mo júu³ 'úuin² tya' Dios 'e gacwo'²o Dios tsá² tya'a 'in gacwoo¹o júu³ tyʉ́² tya'a calɨɨ.

APOCALIPSIS 12:10

Joon ganúu³uun coon júu³ tá² jó² fu ñʉ'fú² 'e jin'²in: ―Nigatɨ́² 'ii'²¹ ijmá² Dios tiin'¹³ tsá². Tɨ lɨ liñii¹ tsá² Dios 'in fee'¹mo 'ii. Ityʉ'²ʉ Dios tyi' to². Gatɨ́² 'ii'²¹ i'ii'²¹i Cristo to² tya'a. Tsʉ Dios gatyii¹i fu ñʉ'fú² 'in niga'nɨɨ¹i la 'woo¹ jmɨɨ¹ tyani Dios 'in jai'² lɨ́ɨi² Cristo.

APOCALIPSIS 15:4

Jiin'¹³ jaain²¹ jo seein²¹ wa'a jo 'gɨɨ'²¹i 'nʉ, Ña'ñʉ'²ʉ', jilee'²¹mo iunfee'¹i 'nʉ. Jiin'¹³ 'nʉ‑ʉ 'in tyú¹mo. Joon jileei'²¹ tsá² taain²¹² juncwii²¹ jalíin² un'goo²¹o 'nʉ. Nigacón²o cwáain¹ 'e røø²¹ jilaa'²¹ 'e jmoo²'o.

APOCALIPSIS 16:17

Joon 'in ángel lɨ tɨ́² dyái¹ ga'íi¹in 'ú¹ pi'³ tya'a tya'cwii²¹. Joon gacwo'ɨ́ɨ¹ inʉʉ cwo'¹ si'² ñʉ'fú² coon²¹ júu³ tá², jó² fu lɨ si'² lɨ sɨlɨɨ²¹² do, 'e jin'²in: ―Nasɨ'yee²¹mo jilaa'²¹‑a.

APOCALIPSIS 17:14

Joon itéen¹in coon'¹³ Jesús, 'in lɨ́ɨi¹ Cordero, pe Jesús do ilii'²¹i tsʉ feei'¹gɨ 'ii la jee²¹² jileei'²¹. 'Ii lɨ́ɨi¹ rǿøi¹³ 'in feei'¹gɨ la jee²¹² jileei'²¹ rǿøi¹³. Joon jileei'²¹ 'in ngɨ¹ coon'¹³on nigatø'¹o joon gatyii'¹²in Dios 'ii. Joon jo tiuu²i 'ido 'ii.

APOCALIPSIS 19:1

Mo ngayuui'¹³ joon ganúu³uun júu³ tya' tsá² fúui¹ 'in táai¹ ñʉ'fú² 'e jin'²in: ¡Aleluya! Nigajmaa¹a Dios tiin'¹³ tsá². Cwolí² jilaa'²¹ 'e 'ya'²gɨ tya' Dios Jmii²¹ la joon jon jilaa'²¹ 'ii'²¹ tya' Dios tyi'.

APOCALIPSIS 19:6

Joon ganúu³uun coon²¹ lawa 'e faa'²¹ tsá² fúui¹ lɨɨlɨ¹, joongɨ lawa lɨ na'yʉ́³ jmɨɨ²¹ 'láai² lɨ¹. Joongɨ lawa lɨ ni'oon¹on cwaain'ñá³. Gajin'²o 'e júu³ do: ¡Aleluya! Tsʉ niga'ii'²¹i Ña'ñʉ'¹ʉ' Dios tyi', 'in lí² jmá² jilaa'²¹ 'e 'iin²¹²in, to² tya'a.

APOCALIPSIS 20:4

Joon gamóo³oo lɨ sɨlɨɨ²¹² lɨ née¹i 'in niga'ii'²¹i to² 'e jmoo¹o 'ii'²¹ tya' tsá². Gamáa³moo jon 'in almas tya' tsá² 'in najúin¹, 'in gatʉ¹ luu²¹²u tsʉ 'wii'¹³ jin'²in 'e ja'²mo lɨ́ɨi² Jesús joongɨ 'wii'¹³ júu³ tyʉ́² tya' Dios Jmii²¹. 'In tsá² do jo mo gaun'goo²¹o 'in joo'²¹ 'lɨɨi'³ do, jon'gɨ gaun'goo²¹o 'in tsá² do 'in gajmee¹i tsá² 'in lɨ́ɨi¹ la lɨ́ɨ¹i 'in joo'²¹ 'lɨɨi'³ do. Jo mo ga'ii'²¹i 'in tsá² do 'e li² tya'a tya'tyíi¹i sɨ cwoo²¹o 'ee. Joon gamáa³na 'in tsá² do jiin'¹in joon tyʉ'²ʉ to² caan²¹mo coon'¹³ Jesús ce tséin¹ coon²¹ mil jiin²¹.

APOCALIPSIS 8:12

Joon 'in ángel lɨ tɨ́² tyúuin² gaxʉʉ¹ʉ lúu¹ tya'a joon galɨniuu¹i catyuui'¹³ lɨ́ɨ¹gɨ ñi'¹ la joon jon catyuui'¹³ lɨ́ɨ¹gɨ sɨɨ'²¹ coon'¹³ nʉ́ʉ¹ galɨniuu¹i. Joon catyuui'¹³ lɨ́ɨ¹gɨ jmɨɨ²¹² jo gatɨ́² 'yiia²¹ la joon jon lɨ 'woo jo jná² joo'²¹gɨ sɨɨ'²¹.

APOCALIPSIS 9:1

Joon 'in ángel lɨ tɨ́² 'ñéei² gaxʉʉ¹ʉ lúu¹ tya'a. Joon gamáa¹na jaain²¹ 'in lɨ́ɨi¹ nʉ́ʉ¹ 'in gatøøi'²¹ ni cwoo'¹³ juncwii²¹ joon ga'ii'²¹i jonñí³ tya' too²¹ tyí² lɨ sɨtyʉ́².

APOCALIPSIS 9:13

Joon 'in ángel lɨ tɨ́² jnúui² gaxʉʉ¹ʉ lúu¹ tya'a. Joon ganúu³uun coon²¹ júu³ jó² fu ni altar lɨ́¹ cwanáa¹ 'e tsí³ tyʉ́n² moofí³, coon²¹ la coon²¹ tyʉʉ'¹³ altar do. 'E altar do si'²i tyani Dios Jmii²¹.