1 PEDRO 1:3 - Juu³ tyʉ² ʼe gafaaʼ²¹ Dios tyaʼ tsá²

³ Cwocwoo²¹o' 'maai'¹³ Dios Jmii²¹, 'ii Jmii²¹ Ña'ñʉ'¹ʉ' Jesucristo. Joon tsʉ 'wii'¹³ feei'¹‑tsi tyi' 'áai¹ gacwoo¹o 'e galiseen²¹na' tún¹ 'e sɨjaan²¹an' 'e tyʉ́² mo gajmaa¹a jiin'¹ Jesucristo jee²¹² 'lɨɨ²¹².

1 PEDRO 1:3 Iomraidhean Croise

SAN JUAN 1:13

Joon 'in tsá² 'in liin¹ jóon¹ Dios do jon'on galɨseein²¹ la lɨseein²¹ yʉʉn²¹ tsá² taain²¹² juncwii²¹ jon'gɨ galɨseein²¹ to² tyʉ'² tsá² jon'gɨ lɨseein²¹ la galɨseein²¹ jóon¹ tsamɨ́² coon'¹³ tsañʉʉ'¹ tsʉ lɨ́ɨ¹i jóon¹ Dios 'ii.

ROMANOS 12:12

Jmaa²aa' jløø'³naa' coon'¹³ 'e sɨjaan²¹aan'. Taa'²¹ jmaa²aa' mo moo²oo' wúu¹. Joon jo cwo'íin²‑'oo' wa'a foo²¹oo' júu³ tyʉ́².

ROMANOS 15:13

Joon nano mɨ́³ɨɨ tyani Dios, 'in cwo'² jna' 'e sɨjaan²¹²an', mɨ́³ɨɨ wa'a cwo'² Dios 'naa' 'e jløø'³naa' 'áai¹ joon 'e iliseen²¹naa' tyʉ́² coon'¹³ 'ii 'wii'¹³ ja'²mo lɨ́ɨ²naa' 'ii. Joon mɨ́³ɨɨ 'e coon'¹³ 'ii'²¹ tya' Espíritu Tyʉ́² tya' Dios 'e lí² un'láa²naa' 'e i'øøi'²¹gɨ‑'oo' 'e sɨjáan²¹²an' ca gasái¹.

ROMANOS 4:25

Tsʉ Dios gacwóo¹i Jesús ijúun¹in ityí² tsaa² tyi' joon gajmaa¹a jiin'¹ 'ido tún¹ 'e lí² jmaa¹a 'e liseen²¹na' tyʉ́² tyaníi¹i.

ROMANOS 5:10

Tsʉ wana gajmaa¹a Dios 'e seen²¹na' tyʉ́² coon'¹³on la 'ɨɨ²¹² 'eei'²na' 'ii coon'¹³ no gajúun²in Jóon¹on; coon²¹ 'ii'¹³gɨ lɨ́ɨ²na' ijmáa¹a tiin'¹³na' coon'¹³ 'e seen²¹in tsʉ nano seen²¹na' tyʉ́² coon'¹³on.

ROMANOS 8:11

Joon wana 'in Espíritu Tyʉ́² tya' 'in nigajmaa¹a jiin'¹ Cristo Jesús jee²¹² 'lɨɨ²¹² 'yuu¹i jee²¹² 'naa', la joon jon 'in Dios do 'in gajmaa¹a jiin'¹ Jesús ijmáa¹a jiin'¹ jon cuerpos tyii' 'e 'ná¹ júun²in. Coon'¹³ 'ii'²¹ tya' Espíritu tya' Dios 'in 'yuu¹i jee²¹² 'naa' ijmáa¹a jiin'¹ 'naa'.

ROMANOS 8:24

tsʉ natiin'¹³na' coon'¹³ 'e sɨján³an'. Pe wana jǿø²ø tsá² 'e sɨjáan¹an joon jo sɨjáan¹gɨ. Tsʉ wana 'e jǿø²ø tsá² jo 'ná² sɨjáan¹an.

1 CORINTIOS 13:13

Jilaa'²¹ 'e jai'² lɨ́ɨ²i tsá² coon'¹³ jilaa'²¹ 'e sɨjéein¹³ tsá², coon'¹³ 'e 'iin²¹²in tsá² Dios coon'¹³ tsá²² xeei' taa'²¹a coon²¹ tøø²mo pe 'e tyiin²gɨ jee²¹² 'e 'nɨ¹ lo 'e 'iin²¹²gɨ tsá² Dios coon'¹³ tsá² xeei'.

1 CORINTIOS 15:20

Pe 'e la ja'²mo nigajiin'¹in Cristo jee²¹² 'lɨɨ²¹² joon lɨ́ɨ¹i lawa' 'e 'oofuu²¹ 'e cún¹ tsá² nifu 'e garoo²¹. 'Ii gajiin'¹o jéei¹gɨ lagɨ jileei'²¹ 'in jiin'¹in.

2 CORINTIOS 1:3

Cwoo'¹³ jna'a 'maai'¹³ 'in Dios tya' Ña'ñʉ'¹ʉ' Jesucristo, 'ii Jmii²¹o jon. Joon fee'¹mo‑tsi 'wii²¹² tyii'i 'in Jmii²¹ do. Cwo'¹o 'in Dios do jna'a jilaa'²¹ fo'feei'¹ tya'a.

GÁLATAS 6:16

Joon cwoliseein²¹ tyʉ́² tyani Dios jileei'²¹ 'in lɨ́ɨi¹ la joon, joon cwolifee'¹mo‑tsi Dios tya'a, tsʉ líin² 'ido tsá² tya' Dios 'e la jai'².

EFESIOS 1:17

Mɨ́³ɨɨ tyani Dios tya' Ña'ñʉ'¹ʉ' Jesucristo, 'in lɨ́ɨ¹i Jmii²¹ tya' jilaa'²¹ 'e 'ya'²gɨ. Mɨ́³ɨɨ tyaníi¹i wa'a cwo'¹ 'naa' ilijmɨɨ¹‑'oo'. 'E coon'¹³ la joon lí² 'øøi'²¹‑'oo' jilaa'²¹ i'e'²e 'naa' joon licwii¹moo' 'ii 'e tyʉ́²gɨ.

EFESIOS 1:3

Ungoo²¹o' Dios tya' Ña'ñʉ'¹ʉ' Jesucristo 'in lɨ́ɨi¹ Jmii²¹, tsʉ 'wii'¹³ sɨcaan²¹mo' coon'¹³ Cristo gauncwaai'³ Dios jna' coon'¹³ jilaa'²¹ 'e cwai'³ 'e sá² ñʉ'fú² 'e cwo²o Espíritu Tyʉ́².

EFESIOS 1:7

Joon tsʉ 'wii'¹³ gali'iin²¹² Dios jna' 'áai¹, gajmaa¹a Dios tiin'¹³ jna' 'wii'¹³ mo gajúin¹ Jóon¹on, galifee'¹mo‑tsi 'wii'¹³ tsaa² tyijna'.

EFESIOS 2:4

Pe jo tyéi¹ 'e fúu² lɨ́ɨ²i Dios jna' joon gali'iin²¹²mo jna' 'áai¹,

EFESIOS 3:20

Joon nano, cwolí² jilaa'²¹ 'e 'ya'²gɨ tya' Dios. Joon coon'¹³ 'e 'ii'²¹ tya'o 'e taa² jna' lí² jmáa¹a Dios 'wii'¹³ tyi' láai²gɨ 'áai¹ la la mɨ́²ɨ', lí²‑i jmáa¹a Dios tyi' láai²gɨ 'áai¹ ce jo lí² 'ɨ¹‑tsi' jilaa'²¹ 'e lí² jmáa¹a Dios tyi'.

COLOSENSES 1:23

Pe 'elo lano 'ná¹ ngɨ́²ɨɨ' canii²mo jiin'¹³ 'e jai'² lɨ́ɨ²naa'. Lawa coon²¹ jmóo³ 'mó² 'e 'yʉ 'o'² 'áai¹ 'e jo tsajan'² jiin'¹³xʉ la joon jon jo xee²‑'oo' jiin'¹³ 'e 'øøi'²¹‑'oo' tsʉ 'wii'¹³ 'e júu³ tyʉ́² 'e nanuu²uu' itiin'¹³naa'. Joon nigacwoo¹ tsá² 'e júu³ lo la 'uu²¹mo ni cwoo'¹³ juncwii²¹. Joon jna‑o, Poo², gauncoon'¹³oo cwóo³oo 'e júu³ tyʉ́² do.

COLOSENSES 1:27

Dios ga'ɨ¹‑tsi cwo'²o jileei'²¹ 'in jai'² lɨ́ɨi² 'ii 'e licwii¹i 'e júu³ la mo tá² 'ín³ 'mo². Joon 'ya'²gɨ 'áai¹ joongɨ 'áa¹mo tyiin² tyii' jileei'²¹ 'in jon' seein²¹ Israel. Joon 'e júu³ 'ooin²¹ do 'e jin'² 'e 'yúu¹i tsi Cristo 'in tsá² 'in jai'² lɨ́ɨi² 'ii. Joon 'wii'¹³ 'ii do 'øøi'²¹‑'oo' i'ii'¹³naa' lɨ 'ya'²gɨ icwo'²o 'naa'.

1 TESALONICENSES 1:3

Tɨɨ'¹³ɨ'ɨ‑tsii'i tyani Dios Jmii²¹ xiiala gajmaa²naa' to² wii'¹³ ja'²mo galɨ́ɨ²naa'; joongɨ xiiala gauncóon¹³oon' tsá² 'wii'¹³i 'iin²¹²moo' Dios; joongɨ xiiala nisɨjaan²¹²oo' tá taain²¹²‑'oo' 'e untsiin²¹mo Ña'ñʉ'¹ʉ' Jesucristo júu³ tya'a.

1 TESALONICENSES 4:13

Tsaru'¹u', jo 'iin²¹²na wa'a jo liñii²ii' xiiala mi júuin² tsá². Jo 'ná¹ jmaa²aa' fa'í³ la jmoo¹o 'in tsá² 'in jo ñii¹i 'e jiin'¹in tsá².

2 TESALONICENSES 2:16

Joon mɨ́³ɨɨ tyani Ña'ñʉ'¹ʉ' Jesucristo joongɨ tyani Dios Jmii²¹ 'e cwo'¹o 'naa' pí² 'e jmaa²aa' jilaa'²¹ 'e tyʉ́². Tsʉ 'wo²‑tsi Dios nigali'iin²¹²mo jna'. Joon gacwo'¹o jna' 'e seen²¹na' tyʉ́²‑ʉ coon²¹ tøø²mo. Joon gajma'²a jna' júu³ 'e jmáa¹a 'e tiin'¹³naa' 'wii²¹² feei'¹‑tsio.

1 TIMOTEO 1:14

Pe cwa'³ tya' Ña'ñʉ'¹ʉ' 'áa¹mo galɨfee'¹ coon'¹³ jna joon galili'³oo xiiala 'iin²¹²in Cristo Jesús jna 'e jo'¹o lɨ́ɨ²na.

TITO 2:13

Sɨjaan²¹an' mi tyéi¹ júu³ 'ya'²gɨ ga'ɨ́ɨ² Dios. Ga'ɨ́ɨ² Dios, 'in feei'¹, ijnée¹i coon'¹³ jilaa'²¹ 'ii'²¹ tya'a, coon'¹³ Jesucristo 'in jmoo¹o tiin'¹³na'.

HEBREOS 3:6

Pe Cristo, Jóon¹ Dios Jmii²¹ 'ii, gajmaa¹a nʉʉ'¹³ʉn jee²¹² jna' 'in tsaa'¹‑tsi Dios. Joon lɨ́ɨ¹na' 'nʉ́¹ tya' Dios wana jmoo²¹o' taa'²¹a' joongɨ tsáa¹mo‑tsi' ca lityéi¹. Joon wa'a jmoo²¹o' la joon jløø'³na' coon'¹³ 'e 'øøi'²¹‑tsi'.

SANTIAGO 1:18

Joon 'ii gacwo'¹o jna' 'e líi²na' jóon¹on tsʉ la joon 'iin²¹²in. La joon gajmaa¹a mo jo'¹o galɨ́ɨ²na' júu³ jai'² tya'a. Joon jna' nifu la jee²¹² jileei'²¹ 'in jai'² lɨ́ɨi² la jéei¹. Joon jløø'³mo Dios 'wii²¹² jna'.

1 PEDRO 1:13

'Wii'¹³ joon tyaa¹aa' tyʉ́² tyii', 'í¹du'‑'oo'. Coon'²¹ tún² seen²¹naa'. Cwolii²¹oo'. Cwolijløø'³moo' jilaa'²¹ fo'feei'¹‑tsi i'ii'¹³naa' mi jnéi¹ Jesucristo.

1 PEDRO 1:21

Coon'¹³ jilaa'²¹ 'e gajmaa¹a Cristo jo cu'²gɨ‑'oo' coon'¹³ Dios tsʉ Dios do gajmaa¹a jiin'¹ 'ido jee²¹² 'lɨɨ²¹² joon gacwoo²¹ jilaa'²¹ 'e 'ya'²gɨ tya'a 'e jo cu'²‑'oo' coon'¹³on coon'¹³ jilaa'²¹ 'e jai'² lɨ́ɨ²naa' coon'¹³ jilaa'²¹ 'e sɨjaan²aan' 'e cwo'²o jna'.

1 PEDRO 1:23

Galiseen²¹naa' tún² 'ii'²¹ tya' júu³ tyʉ́² tya' Dios 'e lɨ la lɨ jún² 'e jo tyéi¹ nii'¹³. Galiseen²¹naa' tún² 'ii'²¹ tya' Dios jon' tya' sáa³ jmii²¹ tsá² 'in júin¹. Joon coon'¹³ júu³ tyʉ́² tya' Dios do cwoo¹o Dios juncwii²¹ tyii' joon 'e juncwii²¹ do jo tyéi¹.

1 PEDRO 2:2

La lɨ́ɨ¹i yʉʉn²¹ 'in 'iin²¹²in cuu'²¹ tʉʉ'²¹ 'e lí² cwaain²¹ coon'¹³ la joon joon 'naa' cwoli'iin²¹²moo' 'e júu³ tya' Dios 'e jo lɨ́² caai'²¹ 'e coon'¹³ la joon 'e li ñí³gɨɨ' xiiala itiin'¹³naa' Dios.

1 PEDRO 3:15

Caai¹ jeen'¹³naa' jilaa'²¹ 'e gó² tsʉ Jesucristo jo 'ee to² sá² jmeei¹ 'e gó² joon nanaa²¹ tyʉ́² tyii' jmáa¹³aa' tsá² júu³ jileei'²¹ tsá² 'in 'iin²¹²in linii²¹ 'e lɨ' 'e ijeen²naa' Jesucristo. Jo foo²oo' coon'¹³ júu³ jloo'³ pe sɨ́ɨ¹³naa' coon'¹³ 'e un'goo²¹oo' Dios Jmii²¹.

1 PEDRO 3:21

La joon jon jna' mo sáa¹na' jmɨɨ²¹ nano lawa'a 'e tiin'¹³mo' coon'¹³ jmɨɨ²¹ do. Mo saai²¹ tsá² jmɨɨ²¹ 'e jmɨɨ²¹ do jon'on wa' jan'² 'la² toon²¹ caluu pe lawa coon²¹ li² 'e nigamɨ'² 'in tsá² do Dios 'e unsɨ́ɨi² Dios 'e gó² 'e 'ɨ¹‑tsi 'wii²¹² nigajiin'¹ Jesucristo.

1 PEDRO 3:5

Tsʉ la joon lɨ́ɨ¹i 'in tsamɨ́² 'in seein²¹ calɨɨ², 'in lɨ́ɨ¹i tsamɨ́² tya' tsacøøi'¹³ tyi', gatsaa'¹‑tsi Dios joon gajmaa¹a nʉʉ'¹²ʉn to² tyʉ'² ñʉʉ'¹ tya'a 'e jméi¹ 'ña'a 'yei'²gɨ.

1 JUAN 2:29

Tyʉ́²‑ʉ ñí³oo' 'e jmai'² 'e røø²¹ jmoo¹o Jesucristo. Cwoliñí³oo' jon 'e jilee'²¹ 'in jmoo¹o røø²¹ jóon¹ Dios 'ii.

1 JUAN 3:3

Joon jilee'²¹ 'in jéein¹ 'ii untyúi¹ yaai tsʉ tyú¹mo Jesucristo.

1 JUAN 3:9

Jiin'¹³ jaain²¹ jóon¹ Dios jo ngɨ¹ to² 'noo¹o tsaa² tsʉ Dios nigacwo'¹o 'in tsá² do coon²¹ juncwii²¹ 'múui². Jo lí² 'noo¹gɨ tsaa² tsʉ jóon¹ Dios 'ii.

1 JUAN 4:7

Tsaru'¹u' 'in 'iin²¹²na, cwoli'iin²¹²mo' la jaain²¹ la jaan²¹na'. Dios jmaa¹a 'ii'²¹ 'e li'iin²¹²na' la jaain²¹ la jaan²¹na'. Joon jileei'²¹ 'in 'iin²¹²in Dios joon 'iin²¹²mo jon tsá² lɨ́ɨ¹mo jóon¹ Dios joon cwii¹mo Dios.

1 JUAN 5:1

Jileei'²¹ 'in jai'² lɨ́ɨi² 'e Jesús lɨ́ɨ¹i Cristo, ('øøi'²¹‑tsi tsá² jaain²¹ 'in Dios gasii¹in jajmaa¹a tiin'¹³ tsá²) jaain²¹ jóon¹ Dios 'ii. Joon wa'a 'iin²¹²in tsá² jmii²¹ xuui²¹² i'iin²¹²mo jon 'in xuui²¹² do.

1 JUAN 5:18

'Nee²o' 'e jileei'²¹ tsá² 'in lɨɨ¹i jóon¹ Dios jo ngɨ¹ to² 'noo¹o tsaa² tsʉ un'øø'¹mo Jóon¹ Dios 'ii. Joon jo lii'²¹i 'in 'lɨɨi'³ 'ii.

1 JUAN 5:4

tsʉ jilee'²¹ 'in lɨ́ɨ¹i jóon¹ Dios galɨ'¹o 'naai²¹² jilaa'²¹ 'e gó² jmoo¹o tsá² taain²¹² juncwii²¹. Joon lɨɨ'¹³o' 'naai²¹² jilaa'²¹ 'e gó² 'e jmoo¹o tsá² 'in 'eei'¹ jna' 'wii'¹³ galija'²mo lɨ́ɨ²na' Jesús.