1 JUAN 4:4 - Juu³ tyʉ² ʼe gafaaʼ²¹ Dios tyaʼ tsá²

⁴ Yʉʉn²¹ tyiia, lɨ́ɨ¹naa' jóon¹ Dios joon galɨɨ'²oo' 'in tajuui²¹ do tsʉ 'in feei'¹gɨ 'in cwo'¹ 'naa' pí³ lagɨ 'in cwo'¹ pí³ 'in catyaai²¹ do xʉfiin'¹³ tyʉ'² 'ido to² juncwii²¹.

1 JUAN 4:4 Iomraidhean Croise

SAN JUAN 12:31

Pe 'e la no‑o gatɨ́³ 'e jmá¹a Dios 'ii'²¹ tya' tsá² taain²¹² ni cwoo'¹³ juncwii²¹. Joon la no i'wó¹mo Dios 'in tyʉ'² to² ni cwoo'¹³ juncwii²¹.

SAN JUAN 14:30

’Jo fú³gɨɨ 'láai² 'áai¹ 'naa' tsʉ nijó¹‑o 'in tyʉ'² to² ni cwoo'¹³ juncwii²¹ lo. Joon xʉfiin'¹³ jo to² cwooi¹ tyʉ'² jna

SAN JUAN 16:11

Joon iliñi¹ 'in tsá² do ijmá¹a Dios 'ii'²¹ tya' tsá² tsʉ nigajmaa¹a 'ii'²¹ tya' 'in 'lɨɨi'³ 'in tyʉ'² to² fu juncwii²¹ lo.

SAN JUAN 17:23

Jna 'yú¹na alma tya'a la joon jon 'nʉ‑ʉ 'yú¹'u alma tyiia, la joon jon sɨ́ɨ¹i 'ido coon²¹ júu³ joon 'in tsá² 'in tɨ́²gɨ‑tsi 'e sá² juncwii²¹ icoon²¹on cwáain¹ 'e gasii¹un jna. Joongɨ icoon²¹on cwáain¹ 'e 'nee¹mo'o 'in tsá² tyiia jiin'¹³ la 'nee¹u' jna.

ROMANOS 8:31

¿'Ee jon 'e faa'¹³a' cwáain¹ tya' 'elo? Wana 'ɨ¹‑tsi Dios 'e tyʉ́² tyi', jo 'ee cwáain¹ tyi' wa 'ei'¹ tsá² jna'.

ROMANOS 8:37

Pe coon'¹³ jilaa'²¹ 'elo, jna' lɨ́ɨ¹na' tsá² 'in galɨ'²ɨ jo 'ee galɨ́² tya'a. Galɨ'¹ɨ' 'wii'¹³ cwáain¹ tya' 'in nigali'iin²¹²in jna'.

1 CORINTIOS 2:12

Joon jna'o' ga'ii'¹³mo' 'in Espíritu tya' Dios do, jo'on ga'ii'¹³na' espíritu tya' tsá² taan²¹²in juncwii²¹ lo. Joon 'wii'¹³ 'in Espíritu Tyʉ́² do‑o 'øø'²¹mo‑tsi' jilaa'²¹ 'e gacwo'¹ Dios jna' 'yaai¹‑tsi.

1 CORINTIOS 6:13

Ja'²mo júu³ 'e jin'² tsá²: “Jmaa¹i to² 'uunñi² tya' tu'² tsá², la joon jon, tu'² tsá² jmaa¹i to² tya' 'uunñi².” Pe jɨ tún² do iuntyee¹mo Dios. Jo gajmaa¹a Dios 'e cuerpo tya' tsá² wa'a 'láa¹a coon'¹³ tsamɨ́². Gajmaa¹a Dios 'e cuerpo tya' tsá² tya' Ña'ñʉ'¹ʉ', la joon joon Ña'ñʉ'¹ʉ' tya' cuerpo tya' tsá².

2 CORINTIOS 4:4

Joon 'in tsá² do jo jo'³ lɨ́ɨ²i tsʉ 'wii'¹³ 'in Satanás, 'in tyʉ'² to² juncwii²¹ lo, gajmee¹i 'in tsá² do lawa'a tsá² tʉʉ²mo coon'¹³ 'e 'øøi'²¹‑tsi. Joon jo jnée²i xiiala jná² joo'²¹ 'e júu³ tyʉ́² tya' Cristo tyíin¹in fu ñʉ'fú². Joon 'in Cristo do lɨ́ɨ¹i la lɨ́ɨ¹i Dios.

2 CORINTIOS 6:16

¿Xiiala lí² tsa'í² dioses 'in gajmee¹i tsá² lɨ tyʉ'² Dios to²? Pe 'naa' lɨ́ɨ¹naa' tsá² 'in tyʉ'² Dios, 'in jiin'¹, to². Jiin'¹³ la nigajin'² Dios: Intaan²¹²na joon ingɨɨ²¹²na jee²¹² 'ii; joon ilɨ́ɨ¹na Dios tya'a, joon 'in tsá² do ilíin² tsá² tyiia.

EFESIOS 2:2

'Yiia'¹³ joon gajmaa²aa' la jmoo¹o 'in tsá² taain²¹² juncwii²¹ catyaai², joon gajmaa²aa' jiin'¹³ la 'iin²¹²in 'in espíritu gó² 'in tyʉ'² to² lɨ' tya'cwii²¹ lacaain²¹ juncwii²¹. Joon 'in espíritu gó² do tyaa¹‑tsi jileei'²¹ 'in jo jmoo¹o nʉʉ'¹³ to² tyʉ'² Dios.

EFESIOS 3:17

Mɨ́³ɨɨ 'e 'wii'¹³ 'e jai'² lɨ́ɨ²naa' i'cwó² Cristo alma tyii'. Mɨ́³ɨɨ jon 'e tsʉ 'wii'¹³ tá² taan²¹²‑'oo' coon'¹³ 'e 'iin²¹²naa' Dios coon'¹³ tsá².

EFESIOS 6:10

Joon nano tsaru'¹u', tá² teen¹‑'oo' sɨcaan²¹naa' coon'¹³ Ña'ñʉ'¹ʉ' joon coon'¹³ jilaa'²¹ 'waa'²¹ pí³ tya'a.

1 JUAN 2:1

Sɨ́ɨ³na 'e jí² lo tyi'naa' yʉʉn²¹ tyiia 'e jo 'noo²oo' tsaa². Pe wana gatøøi'¹ tsá² tsaa² tya'a seein²¹ jaain²¹ sii²¹ Jesucristo 'in lí² faa'²¹a 'wii²¹² tya'a tyani Dios Jmii²¹.

1 JUAN 2:13

Sɨ́ɨ³na 'e jí² lo tyii' tsacøøi'¹³ tsʉ nigalicwii¹moo' 'in gaseein²¹ mo 'láa² 'wii²¹² juncwii²¹ coon'¹³ jilaa'²¹ 'e sá². Sɨ́ɨ³na 'e jí² lo tyii' sɨmii'²¹ tsʉ nigalɨ'²oo' 'in 'lɨɨi'³ do. Joon gasɨ́ɨ³na 'e jí² lo tyii', yʉʉn²¹ tyiia tsʉ nigalicwii¹moo' Dios Jmii²¹.

1 JUAN 3:20

Wana cwóo¹³o' tsaa² yiia' nee²¹o' 'e feei'¹gɨ Dios lagɨ jna' joon ñi¹ Dios jilaa'²¹.

1 JUAN 3:24

Jileei'²¹ 'in jmoo¹o la to² tyʉ'²ʉ téen¹in sɨcaain²¹ coon'¹³ Dios la joon jon téen¹in Dios sɨcaain²¹ coon'¹³ 'ii. Joon linee²¹e' 'e téen¹in Dios sɨcaain¹ coon'¹³ jna' 'wii'¹³ 'in Esíritu Tyʉ́² tya'a 'in gacwei'² jna'.

1 JUAN 4:13

Gacwo'¹o Dios Jmii²¹ jna' 'in Espíritu Tyʉ́² tya'a, 'wii'¹³ joon tsáa¹mo‑tsi' 'e ngɨɨ²¹ɨ' sɨcaan²¹na' coon'¹³ Dios 'e joon ngɨɨ¹ 'ido jon coon'¹³ jna'.

1 JUAN 4:16

Galinee²o' joon galija'²mo lɨ́ɨ²na' 'e 'iin²¹² Dios Jmii²¹ jna'. Jilaa'²¹ 'e jmoo¹o Dios 'e 'e'²e tsá² 'e 'iin²¹²mo Dios Jmii²¹ tsá² joon jileei'²¹ 'in ngɨ¹ 'née²i tsaruu'²¹i ngɨɨ¹ 'i coon'¹³ Dios joon Dios ngɨɨ¹o jon coon'¹³ 'i.

1 JUAN 4:6

Pe jileei'²¹ jna' líin²na' jóon¹ Dios. Joon jileei'²¹ 'in cwii¹in Dios núu²o 'e faa'¹³a' joon 'in jo núu²un 'e faa'¹³a' do jo lɨ́ɨ¹i tsá² tya' Dios. Joon coon'¹³ la joon lí² tsáa¹mo‑tsi' 'iin faa'²¹ la jai'² joongɨ 'iin faa'²¹ júu³ tajuu²¹.

1 JUAN 5:19

Nee²o' 'e líin²na' jóon¹ Dios joon tyʉ'²ʉ 'in 'lɨɨi'³ to¹ jilee'²¹ 'in catyaai², 'in jo cwii¹in Dios.

1 JUAN 5:4

tsʉ jilee'²¹ 'in lɨ́ɨ¹i jóon¹ Dios galɨ'¹o 'naai²¹² jilaa'²¹ 'e gó² jmoo¹o tsá² taain²¹² juncwii²¹. Joon lɨɨ'¹³o' 'naai²¹² jilaa'²¹ 'e gó² 'e jmoo¹o tsá² 'in 'eei'¹ jna' 'wii'¹³ galija'²mo lɨ́ɨ²na' Jesús.

APOCALIPSIS 12:11

Joon galɨ'²ɨ 'ido coon'¹³ jmɨ¹ gatún³un tya' Jesús 'in lɨ́ɨi¹ Cordero tya'a. Galɨ'²o joon 'wii'¹³ júu³ tya'a 'e nigajin'²in xiiala gajmaa¹a Jesús tiin'¹³ tsá². Joon jo 'goo'²¹o wa'a júuin² 'wii'¹³ júu³ tyʉ́² tya'a.