1 JUAN 3:10 - Juu³ tyʉ² ʼe gafaaʼ²¹ Dios tyaʼ tsá²

¹⁰ Lí²‑i licwii¹mo' 'iin jóon¹ Dios joongɨ 'iin jóon¹ 'in 'lɨɨi'³ tsʉ jilee'²¹ 'in jo jmoo¹o 'e tyʉ́² jon'gɨ 'iin²¹²in ruu'²¹i jo lɨ́ɨ¹i jóon¹ Dios.

1 JUAN 3:10 Iomraidhean Croise

SAN MATEO 13:38

joon 'wó² tya'a do lɨ ni cwoo'¹³ juncwii²¹. Joon 'e jún² trigo tyʉ́² lɨ la lɨ́ɨi¹ 'in tsá² jmoo¹o la to² tyʉ'² Dios. Joon 'e jún² tya' tóon¹ ñii²¹ lɨ la lɨ́ɨi¹ 'in tsá² jmoo¹o la to² tyʉ'² 'in 'lɨɨi'³.

SAN LUCAS 6:35

Pe 'naa' 'ná¹ un'nee²¹naa' ce jileei'²¹ 'in 'eei'²¹ 'naa'. 'Ná¹‑a jmaa²aa' jilaa'²¹ 'e tyʉ́¹ tya'a. 'Ná²‑a tyí²oo' tya'a. Cwoo²oo', jo 'e 'ɨ¹gɨ‑'oo' 'e có²gɨɨ' tún¹ jiin'¹³ xʉ. Tsʉ la joon jon lí² lifee'¹gɨ jilaa'²¹ 'e cwo'¹ Dios 'naa'. Joon la joon líin²naa' jóon¹ Dios 'in Ñíi¹gɨ. Tsʉ 'in feei'¹‑tsi 'ii coon'¹³ jileei'²¹ 'in jo cwoo'²¹ 'maa'¹³i 'ii coon'¹³ jileei'²¹ 'in gó².

SAN JUAN 1:12

Pe seen²¹mo 'in ga'ii'²¹ 'ii joon jo'¹o galɨ́ɨ²i. Joon tya' 'in tsá² 'in jmoo¹o la joon cwói¹ Dios 'ii iliin¹ jóon¹ Dios.

SAN JUAN 8:44

Joon ñʉ'²naa' 'in 'lɨɨ'³mo 'ii. Joon jóon¹on 'ii 'naa' 'e joon 'iin²¹²naa' jmaa²aa' 'e 'iin²¹²in 'ii tsʉ ca la mo nifu gajngaa'¹³i 'in 'lɨɨi'³ do tsá². Ce jiin'¹³ cafu jo mo gajmaa¹a 'e jai'² jogɨ faa'²¹a 'e jai'². Mo faa'²¹a júu³ tajuu²¹ faa'²¹a jiin'¹³ la 'e lɨ́² lɨ́ɨ¹i. Tajuu²¹mo 'ii, joon jilaa'²¹ júu³ tajuu²¹ 'e faa'²¹a tsá² 'in 'lɨɨ'³mo jmii²¹i 'e júu³ tajuu²¹ joon.

SAN JUAN 8:47

Jileei'²¹ 'in jóon¹on Dios nuu¹o júu³ tya' Dios, pe 'naa'gɨɨ' jon' jóon¹on Dios 'naa' tsʉ 'wii'¹³ joon jo 'iin²¹²naa' nuu²uu' júu³ tya' Dios ―jin'² Jesús sɨɨ'²¹ɨ 'in tyʉ'² to² tsá² Israel do.

HECHOS 13:10

Joon gajin'²in sɨɨ'²¹ɨ Elimas do: ―¡'In coon'²¹ tsá² tóo² 'nʉ‑ʉ! Joon 'in 'lɨɨ'³mo 'nʉ. 'In 'aa'¹ jilaa'²¹ 'e tyʉ́² 'nʉ, joon jmoo²'o jilaa'²¹ 'egó². ¿'Ee lɨ' fu'²'u tsá² 'e júu³ gó² 'e júu³ tyʉ́² tya' Ña'ñʉ'¹ʉ'?

ROMANOS 13:8

Jo cworøø²¹naa' tya' jiin'¹³ jaain²¹. Cworøø²¹naa' jiin'¹³ 'e 'ná¹ li'iin²¹²naa' la jaain²¹ la jaan²¹naa'. Tsʉ 'in 'iin²¹²in 'in catyaai² nigajmaa¹o jilaa'²¹ jiin'¹³ la to² tyʉ'² ley do.

EFESIOS 5:1

Tsʉ 'wii'¹³ joon cwoliin¹naa' tsá² 'in lɨ́ɨi¹ la lɨ́ɨi¹ Dios. Cwoliin¹naa' lawa xuui²¹² tya'a 'in 'iin²¹²in.

COLOSENSES 3:14

Pe 'e tyiin²gɨ 'e 'iin²¹²naa' tsaru'¹u', tsʉ jiin'¹³ coon'¹³ la joon incaan²¹naa' joon sɨ́ɨ¹³ɨɨ' røø²¹.

1 TIMOTEO 1:5

'E 'yʉ to² tya' júu³ tyʉ́² tya' Dios 'e 'iin²¹²mo tsaruu'²¹i coon'¹³ 'e tyʉ́²‑ʉ, jo tóin¹ júu³ tya'a, joon joo'¹o lɨ́ɨi².

1 JUAN 2:29

Tyʉ́²‑ʉ ñí³oo' 'e jmai'² 'e røø²¹ jmoo¹o Jesucristo. Cwoliñí³oo' jon 'e jilee'²¹ 'in jmoo¹o røø²¹ jóon¹ Dios 'ii.

1 JUAN 3:1

Cwo'ii²du'‑'oo' xiiala 'iin²¹²in Dios Jmii²¹ jna' 'e gaunsii²¹ jna' 'e jóon¹ Dios jna'. Joon la joon lɨ́ɨ¹na'. 'Wii'¹³ joon 'in jo cwii¹in Dios taain²¹² juncwii²¹ jo cwii¹in jna' jon tsʉ jo mo galicwii¹in Dios.

1 JUAN 3:2

Tsaru'¹u' 'in 'iin²¹²na, la no lɨ́ɨ¹na' jóon¹ Dios joon jo galinee²¹e' 'ee ilíin²na' pe nee²¹o' 'e mi jnéi¹ Jesucristo ilíin²mo' la lɨ́ɨ¹i tsʉ inee²¹mo' jiin'¹³ la lɨ́ɨ¹i.

1 JUAN 4:21

Dios nigatyʉ'²ʉ jna' to²: Jilee'²¹ 'in 'iin²¹² Dios 'ná¹‑a jon 'iin²¹²in ruu'²¹i.

1 JUAN 4:6

Pe jileei'²¹ jna' líin²na' jóon¹ Dios. Joon jileei'²¹ 'in cwii¹in Dios núu²o 'e faa'¹³a' joon 'in jo núu²un 'e faa'¹³a' do jo lɨ́ɨ¹i tsá² tya' Dios. Joon coon'¹³ la joon lí² tsáa¹mo‑tsi' 'iin faa'²¹ la jai'² joongɨ 'iin faa'²¹ júu³ tajuu²¹.

1 JUAN 4:8

'In jo 'iin²¹²in Dios la joon jon jo 'iin²¹² tsá² jon'gɨ Dios mo licwii¹in tsá² tsʉ jilaa'²¹ 'e jmoo¹o Dios Jmii²¹ 'e 'e'²e tsá² 'e 'iin²¹²mo Dios Jmii²¹ tsá².

1 JUAN 5:19

Nee²o' 'e líin²na' jóon¹ Dios joon tyʉ'²ʉ 'in 'lɨɨi'³ to¹ jilee'²¹ 'in catyaai², 'in jo cwii¹in Dios.

1 JUAN 5:2

Wana 'iin²¹²na' Dios joon jmoo²¹o' jilaa'²¹ to² tyʉ'²ʉ coon'¹³ la joon tsáa¹mo‑tsi' 'e 'iin²¹²mo' jon jileei'²¹ 'in tsaru'¹u' 'in lɨ́ɨ¹i jóon¹ Dios.

3 JUAN 1:11

Ru'¹u' 'in 'iin²¹²na, jo jmaa²'a 'e gó², jmaa²'a jmai'² 'e tyʉ́² tsʉ 'in jmoo¹o 'e tyʉ́² líin² jóon¹ Dios joon 'in ngɨ¹ to² jmoo¹o 'e gó² jo mo galicwii¹in Dios.