1 JUAN 2:28 - Juu³ tyʉ² ʼe gafaaʼ²¹ Dios tyaʼ tsá²

²⁸ Joon nano, yʉʉn²¹ tyiia, cwoseen²mogɨɨ' sɨcaan²¹naa' coon'¹³ Cristo. Coon'¹³ la joon jo cu'²‑tsi' mi jnéi¹ 'ido tún¹. Joon mi jó¹ jo fa'ɨɨ'²¹ lɨ́ɨ²naa' tyaníi¹i.

1 JUAN 2:28 Iomraidhean Croise

SAN MATEO 16:27

Tsʉ 'in Ruu'²¹i Tsá² ijó¹ coon'¹³ jilaa'²¹ 'e 'ya'²gɨ tya' Jmii²¹ coon'¹³ ángeles tya'a joon ityí³ tya' jileei'²¹ tsá² tɨ jaain²¹ tɨ jaain²¹ jiin'¹³ la nigajmaa¹a.

SAN MATEO 16:28

'E la ja'²mo fuu²¹²uu 'naa', seein²¹ 'inlɨ́ɨi¹³ 'in teein² lo 'in jo ijúun²in ca mi jǿø²i 'in Ruu'²¹i Tsá² jó¹ ityʉ'²ʉ to².

SAN MARCOS 8:38

Wa jaain²¹ 'oo¹o fa'ɨɨ'²¹ 'wii'¹³ jna joongɨ 'wii'¹³ júu³ tyiia jee²¹² 'in tsá² jo 'naai'² Dios joongɨ jee²¹² 'in 'oo¹o tsaa² tyi¹ joon jna‑a jon, 'in Ruui'²¹ Tsá², in'óo³oo fa'ɨɨ'²¹ 'wii'¹³ tya' 'ii mi yíi³aa coon'¹³ ángeles tyúi¹ joon ungoo²¹ tsá² jna la ungoo²¹ tsá² Dios Jmii²¹ nano ―gajin'² Jesús sɨɨ'²¹ɨ tsá².

SAN LUCAS 17:30

La joon ilí² mi jnee²¹na 'in Ruu'²¹na Tsá².

ROMANOS 9:33

Joon jí² tya' Dios jin'² cwáain¹ tya' 'e cuun²¹² do: Sii'²i fu Sión coon²¹ cuun²¹² tyuuin'¹³ tsá² joon 'e cuun²¹² do jmáa¹a cɨɨ'² tsá². Joon jileei'²¹ 'in jai'² lɨ́ɨi² 'ii jo 'ee tsatyin'²‑tsi coon'¹³.

1 CORINTIOS 1:7

'Wii'¹³ joon la lo jo 'ee li'øøi²¹ tyii' jilaa'²¹a 'e cwo'² Dios tsá² la 'ɨɨ²¹² ijaan²aan' jmɨɨ²¹² mi ijneei²¹ Ña'ñʉ'¹ʉ' Jesucristo tún¹.

1 CORINTIOS 15:23

Joon ijiin'¹o la jaain²¹ jiin'¹³ la tɨ́ɨ²i, Cristo nifu, lɨ́ɨ¹i la lɨ́² 'e 'oofuu²¹ 'e cún tsá² nifu, joon mo ngayuui'¹³ joon, mi cwee¹i Cristo tún¹ ijiin'¹o jon jileei'²¹ 'in lɨ́ɨ¹i tsá² tya'a.

EFESIOS 3:12

Joon tsʉ 'wii'¹³ jai'² lɨ́ɨ²na' Jesucristo lí²‑i tsatyéen¹na' tyani Dios jo cu'²‑tsi' wa' jo 'ii'²¹in jna'.

COLOSENSES 3:4

Joon Cristo 'ña'a lɨ́ɨ¹i juncwii²¹ tyi'. Joon mi jnéi¹ Cristo tún¹ la joon jon jna' injnéi¹mo' coon'¹³on. Joon 'e 'ya'²gɨ tya'a ilisá² tyi'.

1 TESALONICENSES 2:19

'E taan²¹²naa' coon'¹³ jna'a ilí² 'e tyʉ́² tyii'i mi jó¹ Ña'ñʉ'¹ʉ' Jesucristo. Najløø'³na'a joongɨ 'yaai¹‑tsii'i tsʉ 'wii'¹³ 'naa' taan²¹²naa' do.

1 TESALONICENSES 3:13

Coon'¹³ la joon tá² taain²¹²‑'oo' jo tsaa² røøi²¹gɨɨ' tyani Dios, Ñʉ'²o', mi jó¹ Ña'ñʉ'¹ʉ' Jesucristo coon'¹³ jileei'²¹ tsá² tya'a.

1 TESALONICENSES 5:23

Mɨ́²ɨɨ tyani Dios, 'in jmoo¹o 'ii'²¹ røø²¹, 'e untyú¹mo 'naa' coonti. Joon mɨ́³ɨɨ jon tyaníi¹i 'e 'aa²mo 'naa' la tøøi², jilaa'²¹ espíritu tyii', coon'¹³ jilaa'²¹ juncwii²¹ tyii', joongɨ coon'¹³ jilaa'²¹ cuerpo tyii'. Mɨ́³ɨɨ 'e jaan²¹naa' coon'¹³ jiin'¹³ coon²¹ tsaa² ca mi jó¹ Ña'ñʉ'¹ʉ' Jesucristo.

1 TIMOTEO 6:14

Jo cuu'¹³u'un jmaa²'a jilaa'²¹ to² gacwo'¹o Dios 'nʉ 'e jo lí² faa'²¹a tsá² 'laa'²¹ jiin'¹³ coon²¹ ca mi tyʉ'² Dios Jmii²¹ to² 'e jneei¹ Ña'ñʉ'¹ʉ' Jesucristo.

2 TIMOTEO 4:8

Joon nano gasaa¹a Dios coon²¹ corona tyiia icwo'²o jna tsʉ gajmáa³oo to² tyʉ'²ʉ,. Joon Ña'ñʉ'¹ʉ', 'in jmoo¹o 'ii'²¹ røø²¹, icwo'¹o jna mi tɨ́² jmɨɨ²¹² joon. Jon'on jiin'¹³ jna icwo'²o pe icwoo²¹‑o corona tya' jileei'²¹ 'in ján¹ 'yaai¹‑tsi mi cwée¹i.

TITO 2:13

Sɨjaan²¹an' mi tyéi¹ júu³ 'ya'²gɨ ga'ɨ́ɨ² Dios. Ga'ɨ́ɨ² Dios, 'in feei'¹, ijnée¹i coon'¹³ jilaa'²¹ 'ii'²¹ tya'a, coon'¹³ Jesucristo 'in jmoo¹o tiin'¹³na'.

HEBREOS 9:28

La joon Cristo jon gacwói¹ 'ña'a coon²¹ naa'¹³ lawa coon²¹ fa'¹ 'e tyí²i tsaa² tya' tsá² fúui¹. Joon ijnéi¹ tún¹ jon' wa' tyí²i tsaa² tya' tsá² pe 'e jmáa¹a tiin'¹³ jileei'²¹ 'in sɨjéein¹ 'ii.

1 PEDRO 1:7

Joon 'e fa'í³ 'e seen²¹naa' nano lɨ la lɨ coon²¹ jɨ́² 'e untyʉ́² tsá² cwanáa¹ coon'¹³. Joon 'e jai'² 'e lɨ́ɨ²naa' tyiin²gɨ lagɨ cwanáa¹ 'e tyéi¹. Pe coon'¹³ 'e fa'í³ do iuntyʉ́² Dios jilaa'²¹ 'e jai'² lɨ́ɨ²naa'. Joon mi cwo'ɨ́ɨ¹naa' tyʉ́²‑ʉ jilaa'²¹ 'e fa'í³ do 'in Jesucristo, mi jó¹ tún¹, icwo'²o 'naa' 'e tyú¹‑unaa'. Joon 'ii'¹³naa' 'e 'ya'²gɨ tya'a joon iun'goo²¹o tsá² 'naa' la un'goo²¹o tsá² 'ii.

1 PEDRO 5:4

Joon mi jnéi¹ 'in tyʉ'² to² nifu i'ii'¹³naa' coon²¹ corona 'ya'²gɨ 'e jo lifin'³ la lɨ corona lɨ́¹ mo'³.

1 JUAN 2:1

Sɨ́ɨ³na 'e jí² lo tyi'naa' yʉʉn²¹ tyiia 'e jo 'noo²oo' tsaa². Pe wana gatøøi'¹ tsá² tsaa² tya'a seein²¹ jaain²¹ sii²¹ Jesucristo 'in lí² faa'²¹a 'wii²¹² tya'a tyani Dios Jmii²¹.

1 JUAN 3:2

Tsaru'¹u' 'in 'iin²¹²na, la no lɨ́ɨ¹na' jóon¹ Dios joon jo galinee²¹e' 'ee ilíin²na' pe nee²¹o' 'e mi jnéi¹ Jesucristo ilíin²mo' la lɨ́ɨ¹i tsʉ inee²¹mo' jiin'¹³ la lɨ́ɨ¹i.

1 JUAN 3:21

La joon, tsaru'¹u' 'in 'iin²¹²na, wa'a jo cwóo¹³o' tsaa² yiia' lí²‑i seen²na' jo cu'²‑tsi' tyani Dios.

1 JUAN 4:17

Coon'¹³ la joon untii'¹³ jna' 'e 'iin²¹²mo' Dios coon'¹³ tsá² 'e jo cu'²‑tsi' mi cwá¹ jmɨɨ²¹² lɨ tséi¹ mi jmáa¹a Dios Jmii²¹ 'ii'²¹ tsʉ la lɨ́ɨ¹i Jesucristo lɨ́ɨ¹na' toon²¹on' juncwii²¹ lo.

1 JUAN 5:14

Jo cu'²‑tsi' coon'¹³ Dios tsʉ nee²o' wa mo mɨɨ²¹ɨ' 'e 'yaai¹‑tsi Dios itɨ́² júu³ tyi'.

APOCALIPSIS 1:7

¡Jøø²øø', ijó¹ Cristo jee²¹² jníi¹! Joon jileei'²¹ tsá² taain²¹² fu juncwii²¹ ijǿø²i 'ii. Ca 'in gajmee'²¹i 'ii ijǿø²i 'ii. Joon jileei'²¹ tsá² ityi'²i xuui²¹²‑tsi mi nii¹in. Ja'²mo, la joon ilí².