1 JUAN 1:6 - Juu³ tyʉ² ʼe gafaaʼ²¹ Dios tyaʼ tsá²

⁶ Wa jin'² tsá² 'e sɨcaain²¹ coon'¹³ Dios joon ngɨɨ¹ to² gó², tajuu²¹mo 'ii coon'¹³ jilaa'²¹ 'e faa'²¹a joongɨ jilaa'²¹ 'e jmoo¹o.

1 JUAN 1:6 Iomraidhean Croise

SAN MATEO 7:22

Joon mi tyé¹ jmɨɨ²¹² joon fúu¹mo 'in jin'²in sɨɨ'²¹ɨ jna: “Ña'ñʉ'¹ʉ', nigafaa'²¹ jna'a coon'¹³ 'e sii²¹ 'nʉ, joon coon'¹³ 'e sii²¹ 'nʉ niga'wóo³na'a 'in 'lɨɨi'³ taai² 'alma tya' tsá², la joon jon nigajmoo²¹o'o milagros fee'¹ 'láai² tya' tsá².”

SAN JUAN 11:10

Pe wa ngɨ¹ tsá² mo canʉʉ²¹, tyui'² tsá² tsʉ jo 'yiia²¹ jnée²in.

SAN JUAN 12:35

Joon gajin'² Jesús sɨɨ'²¹ɨ 'in tsá² do: ―Joon jee²¹² 'naa' coo²¹gɨ jɨ́² pe coon'²¹ catá²‑a. Ngɨɨ²ɨɨ' la 'ɨɨ²¹² 'e jnée²mogɨɨ' coon'¹³ 'e jɨ́² lo tsʉ joon jó¹ lɨnʉʉ²¹ lɨ ngɨɨ²ɨɨ', tsʉ 'in ngɨ¹ɨ lɨ nʉʉ²¹ jo ñii¹i xiiafu tsáa¹a.

SAN JUAN 12:46

Gagoo²¹²oo ni cwoo'¹³ juncwii²¹ lawa coon²¹ jɨ́² coo²¹ joon jileei'²¹ 'in jai'² lɨ́ɨ²i jna jo ján¹ lɨ 'íi¹i nʉʉ²¹.

SAN JUAN 8:12

Jesús sɨɨ'²¹ɨ tsá² tún¹, joon gajin'²in: ―Jna‑a lɨ́ɨ¹na 'yiia²¹ tɨ ni cwoo'¹³ fu juncwii²¹. La jnaa'²¹ tsá² coon'¹³ 'yiia²¹ tya' ñi'¹ la joon jon tsʉ 'wii'¹³ jna iliñi¹i tsá² xiiala 'e ngɨ́²i tyani Dios. Joon 'in ngɨ¹ coon'¹³ jna sá²‑a 'yiia²¹ tya'a 'e cwo¹o juncwii²¹ tya'a. Joon jo jmɨɨ²¹² ngɨ¹ lɨ nʉʉ²¹.

SAN JUAN 8:55

Pe 'naa' jo cwii¹naa' 'ii. Pe jna cwii¹moo. Joon wa jna fo'³oo 'e jo cwii¹na 'ido joon jna tajuu²¹moo la lɨ́ɨi¹ 'naa'oo'. Pe la jai'² cwii¹moo joongɨ unjíi²oo 'e jin'²in.

1 TIMOTEO 4:2

Inúu¹u tsá² 'in faa'²¹a júu³ tajuu²¹ lawa júu³ ja'²mo, tajuu²¹mo 'in jo li'³gɨ 'e gó². La jo li'³gɨ tyíi² mo sʉʉ²¹ tsá² ñí³ tyíi² la joon jon 'in tsá² do jo li'³gɨ 'e gó².

SANTIAGO 2:14

Tsaru'¹u', jo 'ee to² 'íi³in wa'a jin'² tsá² 'e tsáa¹‑tsi Dios joongɨ jiin'¹³ coon²¹ 'e tyʉ́² jo jmoo¹o. ¿Tɨ lɨ́ɨ²naa' itiin'¹³in 'in tsá² do?

SANTIAGO 2:18

La cun' jo ngáa¹mo isɨɨ'²¹ tsá²: “Líin²mo jiin'¹³ 'e jai'² lɨ́ɨ²na Dios, jo 'ná¹ jmáa³aa 'e tyʉ́² 'e tiin'¹³na. Pe 'nʉ‑ʉ fo'²'o 'e 'ná¹ jmá¹ tsá² 'e tyʉ́²‑ʉ” jon. Joon ifo'²oo 'in jaain²¹: 'E'³du' jna 'e jai'² lɨ́ɨ²u xʉfiin'¹³ jo jmoo²'o 'e tyʉ́² joon jna‑a i'e'²oo 'nʉ 'e jai'² lɨ́ɨ²na coon'¹³ jilaa'²¹ 'e tyʉ́² jmóo³oo.

1 JUAN 1:10

Wana faa'¹³a' 'e jo mo ga'naa²¹a' tsaa² cwóo¹³o' Dios tsaa² 'e tajuu²¹mo 'i. Joon jo mo ga'ii'¹³na' júu³ tya' Dios 'e jai'² to².

1 JUAN 1:3

Jmoo²¹o'o 'naa' júu³ jilaa'²¹ 'e ganee²¹e'e joongɨ ganʉʉ²¹ʉ'ʉ 'e ilisɨcaan²¹naa' coon'¹³ jna'a. Joon jna'oo'o 'e la ja'²mo sɨcaan²¹moo'o coon'¹³ Dios Jmii²¹ joongɨ coon'¹³ jóon¹on Jesucristo.

1 JUAN 1:8

Wa faa¹³a' 'e jo 'e tsaa² 'óo³o' tyiin²an' tóo² yiia', lɨ́ɨ²na' tajuu²¹.

1 JUAN 2:4

Pe wana jin'² tsá²: “Cwíi³moo 'ii”, joon jo jmoo¹o nʉʉ'¹³ʉ, tajuu²¹mo 'ii.

1 JUAN 4:20

Wana jin'² tsá²: “'Iin²¹²moo Dios”, pe joon 'ee'¹mo ruu'²¹i, tajuu²¹mo 'ii. Tsʉ jo ñí³ii xiiala cwoí¹ 'e jin'²in 'e 'iin²¹²in Dios 'in jo mo nii¹i pe 'ee'¹mo ruu'²¹i 'in niganí².