1 CORINTIOS 13:3 - Juu³ tyʉ² ʼe gafaaʼ²¹ Dios tyaʼ tsá²

³ Joon xʉfiin'¹³ jmóo³‑oo jmai'²xʉ jee²¹² tsá² jilaa'²¹ 'e 'óo³oo, joon xʉfiin'¹³ cwo'³oo ca cuerpo tyiia 'e ijúun³na 'wii²¹² tya' tsá² pe jo 'iin²¹²na Dios jon'gɨ tsá² xeei' jo 'ee to² 'íi³ tyiia.

1 CORINTIOS 13:3 Iomraidhean Croise

SAN MATEO 23:5

'Yʉ to² jmoo¹o jilaa'²¹ 'e jǿø² tsá². Tɨ́²‑tsi 'in tsá² do ngɨɨ¹ɨ sɨ'ñʉ́ʉ¹³ tuloo²¹ pi'³ 'e taa'¹³ mo'jí² 'e toon²¹² júu³ tya' Dios tya'tyí¹. Sɨ'ñʉ́ʉ¹³ jon 'e tuloo²¹ pi'³ do cwáa¹a. Pe 'in tsá² do coo'¹³gɨ tuloo²¹ pi'³ tya'a lagɨ 'in catyaai² do. Joongɨ tɨ́²‑tsi jmoo¹o cwaa²¹ po'³ ñi¹ sɨ'ɨ́ɨ¹³ 'ée² sɨɨn'¹³ɨn.

SAN LUCAS 18:22

Moganúu² Jesús 'elo joon gajin'²in: ―Coon²¹gɨ 'e 'ná² jmaa²'a. 'Nɨ́³'ɨ jilaa'²¹ 'e 'oo²‑o'o joon cwo'²'o tsá² tañíi². Joon lɨ́ɨ¹gɨ ili'oo²‑o'o ñʉ'fú². Mi yuui'¹³ joon na¹ coon'¹³ jna.

SAN LUCAS 18:28

Joon gajin'² Tʉ́³: ―Ña'ñʉ'¹ʉ', jna'a nigatʉʉ²¹²oo'o jilaa'²¹ 'e 'oo²¹o'o joon nijalii²¹i'i coon'¹³ 'nʉ.

SAN LUCAS 19:8

Joon Zaqueo do gajmaa¹a siin'¹²in joon gasɨɨ'²¹ɨ Jesús: ―Jǿø²dʉ, Ña'ñʉ'¹ʉ', cwo'³oo tsá² tañíi² coon'¹³ tsa'² jíin¹³ 'e 'óo³oo. Joon wana nigajmáa³aa 'uun²¹ coon'¹³ júu³ tajuu²¹ nicɨ́ɨ³oo tyʉ́n² 'ii'¹³gɨ lɨ́ɨ¹.

SAN JUAN 12:43

'In tsá² do 'iin²¹²in 'e seein²¹ tyʉ́²gɨ coon'¹³ tsá² lagɨ wa 'e iseein²¹ 'ido tyʉ́² coon'¹³ Dios.

SAN JUAN 13:37

Joon gajin'² Tʉ́³: ―Ña'ñʉ'¹ʉ', ¿'Ee lɨ' jo lí² tsaa²¹a' caain²¹? La no nináa¹ tyʉ́² tyiia 'e júun²na 'wii²¹² tyi'i.

SAN JUAN 15:13

Joon 'ii¹i tsá² 'ña'a 'e 'nee¹i 'in seein²¹ tyʉ́² coon'¹³ mi júun²in 'wii²¹² tya'o. Jo sá² 'e fee'¹gɨ lijmáa¹a.

SAN JUAN 6:63

'E cuerpo tya' tsá² jo to² 'íi³in 'e joon, jiin'¹³ espíritu tya' tsá² 'e taa'²¹ juncwii²¹ tya' coon²¹ tøø²mo. Joon 'in Espíritu Tyʉ́² tya' Dios cwo'¹o juncwii²¹ tya' espíritu tya' tsá². Joon 'e júu³ fuu²¹²uu 'naa' lo cwáain¹ tya' 'e espíritu do. Joon coon'¹³ 'e júu³ fo'³oo lo lí²‑i cwo¹o juncwii²¹ tya' tsá² 'e taa'²¹ coon²¹ tøø²mo.

HECHOS 21:13

Pe Poo² dogɨ gañii¹i: ―¿'Ee lɨ' cɨ́²ɨɨ'? ¿'Ee lɨ' jmoo²oo' 'e jaa'²¹‑tsii? Tsʉ 'wii²¹² tya' Ña'ñʉ'¹ʉ' Jesús jna ninaa²¹²aa tyʉ́² tyiia jon' jiin'¹³ 'e 'ñuu²na pe cagɨ 'e júun²na mi tyee'¹²na Jerusalén ―jin'² Poo² sɨɨ'²¹ɨ tsá² do.

GÁLATAS 5:26

Joon coon'¹³ la joon jo lí² jmée¹na' jloo'³ yiia' tsʉ wana jmoo²¹o' jloo'³ untyíi²na' la jaain²¹ la jaain²¹ tsá² joongɨ 'oo²¹²o' tsii²¹² wúu¹.

FILIPENSES 2:3

Jo jmaa²aa' wa 'iin²¹²naa' 'e sáai² tyii' jon'gɨ 'e jmaa²aa' jloo'³. Jmée¹³naa' yaanaa' tsá² coon'²¹ tún². Tyíin²gɨ 'e 'ɨ‑'oo' cwáain¹ tya' 'in catyaai² do lagɨ yaanaa'.

1 TIMOTEO 4:8

'E tyiin²moxʉ wa'a 'e yeen²¹ fiin²¹ tsá² yaai pe tyiin²gɨ 'áai¹ 'e cón² tsá² cwáain¹ xiiala ngɨ¹ tyani Dios. Tsʉ 'e júu³ lo tyan¹ 'ii'²¹ 'e sáan³an' tyʉ́² nano joongɨ lɨ ngó¹gɨ.

HEBREOS 13:9

Jo cwó² 'naa' wa'a cón² tsá² 'naa' tóo² coon'¹³ 'láai² nii² júu³ 'e sɨsɨ́ɨ²i. Tsʉ tyʉ́²gɨ wa'a pí²‑tsi' tsʉ 'wii'¹³ 'iin²¹mo Dios jna' lagɨ tyʉ'² 'in tsá² do to² 'e tyee³e', tsʉ 'e to² tyʉ'² 'in tsá² do jo mo gauncoon'¹³ jiin'¹³ jaain²¹ tsá².