Zefania 3:4 - Mukanda Wa Zambi 1970

⁴ Akwa munanyi kaali atu alelu kanda akwa mafwefwe. Mahako kaakuchisa yuma ya chijila, kaakubinjisa Shimbi ja Zambi ha kufumbula cho ene.

MUKANDA USANDU WA ZAMBI 1975

⁴ Aprofeta jenyi alelu, akwa mafwefwe; asasendote jenyi kakuchisa yuma yisandu ni kutangula shimbi.

Zefania 3:4 Iomraidhean Croise

Izaya 9:15

Makulwana ni atu alemu we mutwe, akwa munanyi waze akulongesa mahuza we muchila!

Jeremia 23:32

Banjikenu yize yami, Mwene Zambi, ngunambe! Nakulimika ni akwa munanyi waze akwaula yilota yo ya mahuza. Kaakwaula yilota yize ni kupiangula atu jami ni mahuza jo ni kulifuza cho. Alioze yami chaatumine ko, ni chaalwezele ko Chuma nichimwe. Keeshi kukwasa atu nichimwe. Yami, Mwene Zambi, nachamba.”

Jeremia 5:31

akwa munanyi kaakuhanjika lume mahuza; mahako kaakuyula ngwe chize akwalweza kuli akwa munanyi; ni atu jami kaakuchitayiza. Alioze kuchi maakalinga ku songo?”

Jeremia 8:10

Kashika munguhana minda yo kuli atu eka, ni mapwo jo kuli malunga eka. Atu eswe anene ni akepe, kaaneseka kufumbula mbongo ni uhenge. Chibwe akwa munanyi ni mahako kaakwonga atu.

Lungungu 2:14

Akwa munanyi je yuma ya mahuza lume anakakulweza; kaanakakwonga ni longeso lio mumu kaasolwele nichimwe milonga ye. Te kaasolo kukulweza yibi ye hanga ulikonyeke.

Ezekiel 22:26

Mahako kaakukolema Shimbi jami, keeshi kulemesa yuma yami ya chijila. Keeshi kuhandununa mukachi ka yuma ya chijila ni ya luchisa. Keeshi kulongesa kulituchika chize chili mukachi ka yuma yibema ni ya luchisa, kaakulelesa tangwa lia kuhwima. Kashika Aisraele keeshi kungulemesa.

Ezekiel 22:6

Akwa lutwe ja Israele eswe kaakujikijila ha tachi jo ene, kaakushiha atu.

Ezekiel 44:23

“Mahako akalongese atu jami kuhandununa yuma ya chijila ni yuma yikwo, yuma yibema ni yuma ya luchisa.

Hosea 9:7

Tangwa lia kumwesa lamba hiliakundama, tangwa lize atu maakatambula nikulita ni yitanga yo. Muze yuma yino muyikabwa, Aisraele maakachinyingika! Mba munukamba ngwenu: “Mukwa munanyi yono kali chihepuke! Keshi ni Mwiku wa Zambi! Kanazaluka!” Nwakunguvutwokela mumu milonga yenu yili yinji.

Mika 2:11

“Atu wano kaakuzanga mukwa munanyi weka wa mahuza, yoze wakwoonga ni kwalongesa ngwenyi: ‘Ngunahanjika munanyi ngwami, vinyu muyinupukumukina.’

Mika 3:11

Miata ja limbo kaakuyula mumu ha mbongo ja mbenga, mahako kaakulongesa Shimbi ja Zambi hanga aafwete, akwa munanyi kaakulumbununa Usolwelo wo mumu ha ubite. Hindu ayo eswe kaakwamba ngwo: “Mwene Zambi kali hamwe ni yetu. Chibi nichimwe kuchichi kutuwana.”

Malaki 1:6

Mwene Zambi Mukwa Ndundo Jeswe kanambila mahako ngwenyi: “Mwana kakulemesa tato, ni kavumbi kakulemesa mwata wenyi. Yami nguli tatenu, kuchi mba kunushi kungulemesa? Nguli mwata wenu, kuchi mba kunushi kungusa vumbi? Nwakungulelesa, hindu nwakuhula ngwenu: ‘Ngwe kuchi nwakungulelesa?’

Malaki 2:7

Milimo ya mahako yili kulongesa yinyingi yamwenemwene ya Zambi. Atu chaatamba kuya kuli ayo hanga aalongese upale wami, mumu mahako kaali tunganda twa yami Mwene Zambi Mukwa Ndundo Jeswe.

Malaki 2:8

“Alioze yenu mahako, hinwapiasuka mu jila yibema. Longeso lienu hiliapiangula anji. Hinwashiha Usendo uze nakolesele ni yenu.

Mateu 7:15

“Nukanyama mumu hali akwa munanyi a kupiangula. Kaakunusolokela ngwe mapanga, alioze muchima kaali tungunga asasu.

2 Korintu 11:13

Atu waze kaali tunganda twa mahuza, kaakwonga atu ni milimo yo. Nawa kaakwamba ngwo, kaali tunganda twa Kristu, alioze hi tunganda twa Kristu ko.

1 Yoano 4:1

Akwetu, kanda nufuliela eswe waze akwamba ngwo, Mwiku wa Zambi akwete, alioze esekenu ha kumona nyi Mwiku uze ali nawo kuuli wa kuli Zambi, nyi ka. Mumu akwa munanyi a mahuza anji haanamwangana hashi heswe.

Usolwelo 19:20

No yaakwata mwe ngongo ni mahuza yoze te wakulinga yilayi ku meso jenyi. (Ni yilayi yize yonga atu waze atambwile mifunda kuli ngongo yoze, ni waze te akuwayila kaponya kenyi.) Ngongo ni mukwa munanyi wa mahuza yaambila ni mwono mu wina uze wakulekwoka kahia ni fundanga.

Akwa Kuyula 9:4

Yaamwaha Abimeleke mbongo ja prata makumi shimbiali ja ku zuwo lia Bale wa Usendo. Ni mbongo jize yafweta najo yingulungulu, atu amokmoko waze amukawile.

1 Samuel 2:22

Eli yabwa kashinakaji. Te kakwivwa yeswe yize ana jenyi a malunga alingile Aisraele, ni chize te akulimona ni mapwo muze akulinga milimo ku chikolo cha zuwo lia Mwene Zambi.