Zefania 3:2 - Mukanda Wa Zambi 1970

² Kaabanjikile ko kuli Mwene Zambi, kaatayijile ko kufumba chenyi. Kaashachilile ko hali Mwene Zambi, kaamuhulile ko ha kwakwasa.

MUKANDA USANDU WA ZAMBI 1975

² Kapanjikile ku liji nilimwe, katayile kumufumba, kafulielele Yehova, kakundamine kuli Zambi yenyi.

Zefania 3:2 Iomraidhean Croise

Nehemia 9:26

“Alioze atu je yaabwa ni pami, yaakukolema, yaalituna Shimbi je. Yaashihashiha akwa munanyi waze aakanyamishine, waze aalongesele hanga atewuluke kuli yena. Yaakushililika tangwa ha tangwa,

Miaso (Masamu) 10:4

Chingulungulu keshi kufupa Zambi; mu kulengumuka chenyi kakulelesa Zambi.

Miaso (Masamu) 50:17

Ngwami, nwakulituna kufumba chami, nwakwehuka Shimbi jami.

Miaso (Masamu) 73:28

Alioze yami ngunawahilila kuhiana muze nguli hehi ni Zambi, muze Mwene Zambi akungufunga, ni muze nakwambujola yeswe yize hanalingi.

Miaso (Masamu) 78:22

mumu kaamusele ko mbunge, chibwe kaafulielele ko ngwo, mahasa kwalamwina.

Yishima 1:7

Nyi unambe kubwa mukwa mana, Chuma chitangu chatamba kulemesa Mwene Zambi. Alioze yihepuke kaakulelesa mana ni kufumba.

Yishima 5:12

Mba muukamba ngwe: “Mumu yika nevwile kubiha ha kufumba cha atu? Mumu yika nalitunyine yoze wangukanjishile?

Izaya 1:5

Mumu yika nwakungukatukila? Nunazange anumwese lamba liahiana, nyi? Israele mutwe we weswe unayiji, mbunge yeswe yinalekumuka.

Izaya 29:13

Mwene Zambi hanambe ngwenyi: “Atu wano kaakwamba ngwo kaakunguwayila, alioze maliji jo kaali amokomoko, mumu mbunge jo jili kusuku ni yami. Uwayilo wo kuushi nichimwe shina Shimbi ni ndako ya atu, yize haanalilongesa.

Izaya 31:1

Lamba kuli atu waze akuya ku chifuchi cha Egiptu hanga akwase! Kaakushachila ha tachi ja Egiptu, tachi ja tuvwalu two, ni matemba jo, ni tujita two. Alioze keeshi kushachila hali Mwene Zambi, Zambi Munangi wa Aisraele, hanji kumuhula aakwase.

Izaya 43:22

Mwene Zambi kanambe ngwenyi: “Aisraele nwahongele ni yami, kunwanguwayilile.

Izaya 9:12

Asiria a ku chivumbuko ni Afilistia a ku chitokelo haabakula makanwa jo hanga aminye Aisraele. Chibwe chocho utenu wa Mwene Zambi kanda uchihwa hindu kanazozo kwoko lienyi amwese lamba.

Jeremia 13:25

Mwene Zambi kanambe ngwenyi, yenayo muyikabwa fweto yenu. Hanabatula kunulinga Chenacho, mumu hinunamuvulumuna, hinunashachila hali mazambi a mahuza.

Jeremia 2:30

Hingunakumwesa lamba, hindu ngwe Chuma chamokomoko, kuushi kuzanga ngukufumbe. Hiunashihi akwa munanyi je ngwe chize akulinga tambwe.

Jeremia 22:21

Mwene Zambi yahanjika ni yenu muze nwayukile, alioze kunwabanjikile ko. Chenacho te nwakulinga matangwa eswe; kunushi kwononoka kuli Mwene Zambi nichimwe.

Jeremia 32:33

Haanangumbu nyima. Chibwe nanyongonwene ni kwalongesa, hindu kaangubanjikile ni kaalilongesele ko.

Jeremia 35:17

Kashika haliabwila, yami Mwene Zambi, Mukwa Ndundo Jeswe, Zambi ya Israele, munguneha kwonona cheswe chize hingunalakenya hali yenu Ayuda ni akwa Yerusaleme. Munguchilinga mumu kunusolo kubanjika ku yize nakuhanjika kuli yenu, kunushi kutayiza muze nakunutambika.”

Jeremia 5:3

Mwene Zambi kakufupa umwenemwene. Hananulambe, hindu kunwakanyamine; hanuwonda, hindu kunusolo kulilongesa. Nwabwile akwa pami, te kunusolo kwecha shili yenu.

Ezekiel 22:24

“Mwana mutu, lweza Aisraele ngwe, chifuchi cho kuchabiha. Ha chino ngunachimwesa lamba mu utenu wami.

Ezekiel 24:13

Yerusaleme, yitanga ye ya utanji hiyakuchisa. Chibwe nesekele kukubemesa hindu hiunabu mukwa luchisa. Kuuchi kubema nawa ndoo wamona tachi jeswe ja ufwatulo wami.

Zefania 1:6

Mungunongesa eswe waze haangumba nyima, waze keeshi kwiza kuli yami ni kunguhula.”

2 Timoteu 3:16

Mukanda wa Zambi weswe haanausoneka ni tachi ja Zambi; kuwakukwasa ha kulongesa umwenemwene, ni ha kukumika mahuza, ni ha kululika yitela, ni ha kulongesa kubwa ni ndako yibema.

Hebreu 10:22

Kashika tukundamenu kuli Zambi ni mbunge yamwenemwene, ni ufulielo wa tachi, ni mbunge yakubemesa, ni mujimba wakusanyisa ni meya abema.