Zefania 3:12 - Mukanda Wa Zambi 1970

¹² Munguhichika ko akwa kushimbika ni akwa kulikehesa, waze meeza kuli yami hanga ngwakwase.

MUKANDA USANDU WA ZAMBI 1975

¹² Mumu munguhichika hakachi kenu atu akulikehesa ni kushimbika. O makafupa chiswamo mu jina lia Yehova.

Zefania 3:12 Iomraidhean Croise

Ezra 9:8

Mba haliabwila ha shimbu lino likepe, aa Mwene Zambi, Zambi yetu, hiwatulweza utu, hiwatayiza amwe a kuli yetu kutuhuka mu undungo ni kutwama mu uhwimino muma mwa chijila. Hiwatwaha mwono Waha ha kutusuka mu undungo wetu.

Miaso (Masamu) 37:40

Kakwakwasa ni kwapulula, kakwalamwina ku moko ja yingulungulu, mumu kaakuchinyina kuli iye hanga aswame.

Izaya 14:30

Mwene Zambi mabwa kafunga ka yiswale mukachi ka atu jenyi hanga aahwimise. Alioze yenu Afilistia makanutumina zala yinji, niumwe kechi kasala ni mwono.

Izaya 14:32

Kuchi mutukumbulula tunganda waze anakatuka kuli Afilistia? Mutwaakumbulula ngwetu, Mwene Zambi hatakamisa Zione, nawa ngwetu, atu jenyi, akwa lamba, maawana mo uhwimino.

Izaya 29:19

Yiswale ni yihomboloji kumaakawahilila nawa ni uwahililo uze Mwene Zambi, Munangi wa Israele, akuhana.

Izaya 50:10

Yenu eswe waze nwakulemesa Mwene Zambi ni kwononokena maliji a kavumbi kenyi, jila yize nwakwenda muyihasa kubwa milima bwii, alioze jikijilenu hali Mwene Zambi. Shachilenu hali Zambi yenu.

Izaya 6:13

Chibwe mukachi ka atu kumi umuwika masala mu che chifuchi, hindu maamushiha nawa. Mabwa ngwe Chipinji cha chimbunji chize chasala ha kubatula mutondo shene.” (Chimbunji chinalumbunuka ngwo, Ubutukilo Waha wa atu ja Zambi.)

Jeremia 17:7

“Alioze munguwahisa mutu yoze wakujikijila hali yami.

Jeremia 50:20

Muze tangwa lize mulikeza, mu Israele keechi kawana mo nawa shili niyimwe, chibwe mu Yuda keechi kawana mo ungulungulu, mumu waze haasala ni mwono mungwakonekena. Yami Mwene Zambi nachamba.”

Ezekiel 6:8

“Alioze mungutayiza amwe atwame ni mwono ni kumwangashanyina hakachi ka mavungu.

Mika 5:6

Muze Aasuria maakanjila mu chifuchi chetu, tujita twetu maakaakumba, maakatulamwina ku moko jo.

Nahume 1:7

Mwene Zambi kali mubema; kakufunga atu jenyi ha matangwa a lamba; kakufunga waze akutewuluka kuli iye.

Zakaria 11:11

Chenacho Usendo wafwile ha tangwa lizeliene. Waze alanjile ni alanjishile e mapanga yaangumona, yaanyingika ngwo, Mwene Zambi kanahanjika hakutwala ku yeswe yize te nakulinga.

Zakaria 11:7

Atu waze te akulanda ni kulanjisa mapanga yaangwaha milimo, mba yingubwa kafunga ka mapanga waze te anambe kushiha. Yingwanda kanda jaali: umuwika yingumuluka ngwami: “Vumbi,” ni mukwo ngwami: “Kununga.” Mba yingufunga e mapanga.

Mateu 11:5

tupuputa kaanamono, yitonji kaanende, akwa mbumba kaanabeme, afwa matwi kaanevu, afu kanaahindwisa, Sango Jibema kanajambujolela yiswale.

Mateu 12:21

Mavungu eswe maakasa mbunge ha jina lienyi.’ ”

Mateu 5:3

“Kaawaha waze akunyingika ngwo: ‘tuli yiswale mu mbunge,’ mumu Wanangana wa mwilu niwo!

A-ROMA 15:12

Izaya kanambe nawa ngwenyi: “Mutu makeza ku Chikota cha Jese, makakatuka ha kuyula waze hi Ayuda ko, no maakamusa mbunge.”

Tiangu (Jake) 2:5

Akwetu akwa Kristu, banjikenu! Zambi hanatongola yiswale a hano hashi hanga abwe pichi mu ufulielo, ni maswana mu Wanangana wenyi uze alakenyene waze akumuzanga.

1 Petulu 1:21

Ku tachi ja Yesu Kristu nwakufuliela Zambi, yoze wamuhindwishile ku kufwa ni wamuhele uhenya. Ha chino, nwakufuliela Zambi, ni nwakumusa mbunge.