Zefania 3:11 - Mukanda Wa Zambi 1970

¹¹ Ha matangwa waze yenu atu jami hikunuchi kwivwa nawa sonyi mumu nwangukatukilile. Munguchiza akwa kulengumuka ni akwa kulizata eswe, kunuchi kungukatukila nawa ha mulundu wami wa chijila.

MUKANDA USANDU WA ZAMBI 1975

¹¹ Ha tangwa lize kechi kunukolesa sonyi ha mukunda wa yitanga yize nwangukatukilile nayo; mumu ha mwaka uze munguchiza hakachi kenu waze akulisamba ni kulengumuka cho, ni yenu kunuchi kulizata nawa mu mulundu wami usandu.

Zefania 3:11 Iomraidhean Croise

Miaso (Masamu) 131:1

Mwene Zambi, hinecha kulengumuka chami, Chishi kulisuta nawa. Chishi kufupa yuma yinene, hanji yikuma yikalu yahiana.

Miaso (Masamu) 49:5

Chichi kwivwa woma ha matangwa a lamba, muze akwa kole akungujingilika,

Miaso (Masamu) 59:12

Kaakuvulumuna ni makanwa jo, maliji jo eswe kaali abi, akwachike mu kulengumuka cho! Ashihe ni ufwatulo we, ashihe liakulu. Mumu kaakushingana ni kwonga atu. Mba atu eswe anyingike ngwo, yena Zambi wakuyula Aisraele, wakuyula hashi heswe.

Izaya 11:9

Ha Zione, mulundu wa chijila wa Zambi, kuhechi kabwa Chuma chimwe cha yikola hanji chibi. Chifuchi cheswe muchikazala ni malinjekela a Mwene Zambi ngwe chize tulunga lwiji akuzala ni meya.

Izaya 2:12

Ha tangwa lize Mwene Zambi Mukwa Ndundo Jeswe makahombola akwa tachi, ni akwa kulengumuka, ni akwa kulisuta eswe.

Izaya 45:17

Alioze Israele hanamulamwina kuli Mwene Zambi, kukumba chenyi muchikabwa ndoo ku miaka yeswe; atu jenyi keechi kevwa nawa sonyi nichimwe.’ ”

Izaya 5:15

Atu eswe maakevwa sonyi; akwa kulengumuka eswe maakahomboka.

Izaya 54:4

Kanda wivwa woma, kuuchi kevwa nawa sonyi; atu keechi kakulelesa nawa. Muukavulama sonyi ja ukweze we, chibwe yinyengo ya utuliwa we.

Izaya 56:7

“Mungunutwala ku Zione, ku mulundu wami wa chijila, mungunuwahisa mu zuwo liami lia kuwayila, ni kutambula milambu yize nwakulambula ha chilumbilo chami. Zuwo liami maakalivuluka ngwo, zuwo lia kuwayila lia mavungu eswe.”

Izaya 61:7

Sonyi jenu ni sau lienu muyikahwa; munukatwama mu chifuchi cha yenwene. Ubite wenu muukaliwezela yisuho yaali, munukawahilila ndoo ku miaka yeswe.

Jeremia 13:9

“Chenacho mungukonona akwa kulengumuka a mu Yuda ni a mu Yerusaleme.

Jeremia 7:4

Litwaminenu kufuliela maliji akwonga ngwo, ‘Tunawaha! Lino lie zuwo lia Mwene Zambi, lino lie zuwo lia Mwene Zambi, lino lie zuwo lia Mwene Zambi!’

Ezekiel 20:40

Muze mu chifuchi, ha mulundu wami wa chijila ha mulundu usuku wa Israele, kwenako yenu Aisraele eswe munukanguwayila. Mungukawahilila ni yenu, mungukasa ko mbunge ngwami, munukangulambula yawana yenu yibema yahiana, ni yawana yenu ya chijila.

Ezekiel 24:21

nguhanjike maliji wano kuli yenu Aisraele: Nwakulengumuka ni tachi ja zuwo lia Zambi. Nwakuzanga kulitala ni kunangina ko, alioze Mwene Zambi makalijilula. Akweze a ku majiko jenu waze nwahichikile mu Yerusaleme kumaakafwa mu jita.

Daniel 9:16

Watuhakwilile ku shakulu, kashika kanda uvwila nawa Yerusaleme ufwatulo. Lili limbo lie kanda mulundu we wa chijila. Atu eswe a mu yifuchi yakusulangana kaakulelesa Yerusaleme ni yetu atu je mumu ha yibi yetu ni ungulungulu uze alingile tushakulu twetu.

Daniel 9:20

Nanyongonona nikulemba, nikushikisa milonga yami ni ya atu jami Aisraele, nikuliumba kuli Mwene Zambi, Zambi yami, hanga atungulule zuwo lienyi lia chijila.

Mika 3:11

Miata ja limbo kaakuyula mumu ha mbongo ja mbenga, mahako kaakulongesa Shimbi ja Zambi hanga aafwete, akwa munanyi kaakulumbununa Usolwelo wo mumu ha ubite. Hindu ayo eswe kaakwamba ngwo: “Mwene Zambi kali hamwe ni yetu. Chibi nichimwe kuchichi kutuwana.”

Kwalula 16:3

Yaakunguluka ku meso ja Mose ni Arone ni kulimika no, ngwo: “Hikwahwa! Mbunga yeswe ya Chikungulwila kaali a linanga, Mwene Zambi kali mukachi ketu. Mba yenu, ni chiyulo chika nunalitohwesela mukachi ka Chikungulwila cha Mwene Zambi?”

Mateu 3:9

Kanda nunyonga ni kulisamba ngwenu: ‘Abrahama kali kashakulu ketu,’ mumu ngunanwambe ngwami, Zambi mahasa kwalumuna mawe wano ni kwapwisa vungu lia Abrahama

A-ROMA 2:17

Alioze yena wakulivuluka ngwe, uli Kayuda. Wakushachila ha Shimbi. Wakulisamba hali Zambi ye.

A-ROMA 9:33

Ngwe hichinasonewa mu Mukanda wa Zambi ngwo: “Talenu, ngunase mu Zione liwe lia kutalingisa atu, Luliwe lwa kulimbwisa atu. Alioze mamufuliela kechi kevwa sonyi.”

1 Petulu 2:6

Mumu Mukanda wa Zambi unambe ngwo: “Hinatongola liwe lilemu lize hinasa haliabwila mu limbo lia Zione ngwe liwe lia mu mbango. Yoze unashachila ha liwe lize kechi kevwa sonyi.”