Zefania 3:10 - Mukanda Wa Zambi 1970

¹⁰ Chibwe atu jami waze amwangashanyine kusuku mu chifuchi cha Sudane maangulambula milambu.

MUKANDA USANDU WA ZAMBI 1975

¹⁰ Sali lize lia njiji ja Etiopia akwa kungwita, mwana wa pwo atu jami a kumwanga makaneha mulambu wami.

Zefania 3:10 Iomraidhean Croise

Miaso (Masamu) 68:31

Milopo maakatuka ku chifuchi cha Egiptu, akwa Sudane maakazundula moko jo ni kulemba kuli Zambi.

Izaya 11:11

Muze lie tangwa mulikaheta, Mwene Zambi makalinga ni mana ni ndundo jenyi akahilwise atu jenyi waze asalile mu chifuchi cha Asuria, ni Egiptu, ni Patrose, ni Sudane, ni Elame, ni Babilonia, ni mu limbo lia Hamate, ni mu yifuchi ya ku mbumbulu ya tulunga lwiji ni ha mahongo.

Izaya 11:12

Mwene Zambi kumakamika bendelo hakachi ka mavungu akaalweze ngwenyi, kakukungulula ni kuhilwisa nawa Aisraele ni Ayuda waze haanamwangashana ku mbango jiwana ja hashi.

Izaya 18:1

Musali lia njiji ja Sudane liji lia mapulwa kaanalivu.

Izaya 18:7

Tangwa mulikeza lize Mwene Zambi Mukwa Ndundo Jeswe makatambula milambu ku chifuchi chino chakuhandununa ku njiji, chifuchi chino cha tachi, atu jamo asuku asuku ni abema, waze akuvwila woma kuli akwa hashi heswe. Kumaakeza ku mulundu wa Zione, kuze atu akuwayila Mwene Zambi Mukwa Ndundo Jeswe.

Malaki 1:11

Chize ku mbango yimuwika ya hashi ndoo ku mbango yikwo atu kaakungulemesa. Kweswe kaakungwochela yuma ya vumba libema ni kungulambula milambu yize yinalite. Eswe kaakungufumanyisa!

Yoano 7:35

Ayuda yaalihula ngwo: “Kulihi maya kuze kutuchi kamuwana? Maya ku membo ja Agresia, kuze Ayuda haanamwangashana, ha kulongesa Agresia nyi?

Yilinga 24:17

“Miaka yinji yabalikile yize chabwile ko ku Yerusaleme. Mba yinguya ko nikwaha vungu liami yawana ni kulambula Zambi milambu.

Yilinga 8:27

Filipe yakatuka, yaya. Kuma mu jila yamona umwe mutu, Aetiopia, wakutunguna, kafufuchi ka mwanangana wa pwo Kandase, wa ku chifuchi cha Etiopia. Mwenawo te wakulama ubite wenyi weswe. Te ku Yerusaleme anakatuka, kwe ayile ni kuwayila. Muze anahiluka ku mahio, yatwama mu temba lienyi nikutanga mukanda wa mukwa munanyi wa Zambi, Izaya.

A-ROMA 15:16

ha kubwa kavumbi ka Yesu Kristu kuli waze hi Ayuda ko. Ngunahakwila ha kwambujola Sango Jibema ja Zambi, hanga mavungu waze hi Ayuda ko akabwe mulambu wakubemena kuli Zambi, wakulihana kuli iye ku tachi ja Mwiku wa Linanga.

1 Petulu 1:1

Yami Petulu, kanganda ka Yesu Kristu, ngunanusonekena yenu waze Zambi atongwele, yenu njize waze nunamwangashana mu yifuchi ya Pontu, ni Galashia, ni Kapadosia, ni Asia, ni Bitinia.