Zefania 3:1 - Mukanda Wa Zambi 1970

¹ Akwa Yerusaleme lamba lio, limbo ha uhenge ni lia uhulia lize Wakubinjisa atu jenyi mwene.

MUKANDA USANDU WA ZAMBI 1975

¹ Lamba kuli chihulia yoze halichisa, chihunda cha kupinjisa akwo!

Zefania 3:1 Iomraidhean Croise

Izaya 30:12

Alioze mwe Zambi Munangi ya Israele kanambe ngwenyi: “Nwakulelesa chize ngunanwambe, nunajikijila ha kwonga ni kushiha atu.

Izaya 5:7

Israele kaali munda wa Mwene Zambi Mukwa Ndundo Jeswe; Ayuda kaali vinyu yakutumba, Zambi yaashimbwila hanga alinge chize chinalite, alioze ayo yaashiha atu. Yaashimbwila hanga alinge yuma ya ululi alioze atu waze Aisraele haabinjisa, yaalila ha kwabatwila ni ululi.

Izaya 59:13

Hitunakukatukila, hitunakwehuka, hitunalitunu kukukaula. Hitunabinjisa atu akwo, hitunakumbu nyima. Tuli ni manyonga a uhepuke; ni maliji jetu kaali a mahuza.

Jeremia 22:17

Alioze yena Wakulinyonga lume yena mwene; wakushiha yoze keshi mulonga ni kubinjisa atu je ni uswii. Mwene Zambi wachamba.

Jeremia 5:23

Alioze yenu atu! Nuli akwa pami ni yihulia; hinunapianguka, hinunangwehuka.

Jeremia 6:6

Mwene Zambi Mukwa Ndundo Jeswe hanalweze mianangana wano kupakula mitondo hashi ni kulumbika milumba yakuseleka nayo Yerusaleme. Hanambe nawa ngwenyi: “Mungumwesa limbo lino lamba mumu hilinazala ni akwa kubinjisa.

Jeremia 6:7

Ngwe chize shima liakufunga meya jalio akekema, Chenacho nawa Yerusaleme akufunga ungulungulu wenyi. Ngunevu upupilo ni kwonona mu limbo; ngunamono shina misongo ni yilonda.

Ezekiel 22:29

Pichi kaakuhengesa ni kwiya. Kaakubinjisa yiswale ni akwa kuhona, kaakwonga yilambala.

Ezekiel 22:7

Niumwe mu limbo wakulemesa yisemi jenyi. Nwakwonga yilambala, nwakwiya yuma ya ana a shiwa ni mapwo waze haanafwisa malunga.

Ezekiel 23:30

yiyikukokela yuma yino. Wabwile chitanji cha mavungu, yiulichisa ni mahamba jo.

Alevi 1:16

Chisakwilia ni yize yili ho, akayimbila ku sali lia chilumbilo, ku chichichila cha uto, ku chivumbuko.

Amose 3:9

Ambulwilenu waze atwama mu mazuwo ja mawanangana mu chifuchi cha Egiptu ni mu limbo lia Ashdode ngwenu: “Kungulukenu ha milundu yize yinajingilika Samaria, hanga nukevwe chizungozungo, nukamone chize akubinda.”

Amose 4:1

Banjikenu yenu mapwo a mu limbo lia Samaria, waze nunatoho kuhiana ngwe ngombe a Bashane. Nwakulelesa ni kubinjisa yiswale, nwakwambila malunga jenu ngwenu: “Nehenu tunwe.”

Mika 2:2

Muze akwivwa lwahu wa minda, kaakuyifutukila. Muze akwivwa lwahu wa mazuwo, kaakwatambula. Chibwe akwa jiko ni yuma ya mutu kuyishi kubwa kanawa.

Zakaria 7:10

Kanda nubinjisa mapwo waze haanafwisa malunga, ni ana a shiwa, ni yilambala waze atwama mukachi kenu, ni yiswale. Kanda nutakila mukwenu Chuma chibi.’

Malaki 3:5

Mwene Zambi Mukwa Ndundo Jeswe kanambe ngwenyi: “Mungukasoloka mukachi kenu ni kunubatwila, mungukalimika ni akwa kupanda wanga, ni yitanji, ni akwa kulenya, ni waze akwiya fweto ya akwa milimo, ni waze akubinjisa mapwo waze haanafwisa malunga ni ana a shiwa ni yilambala, eswe waze keeshi kungulemesa.