Zefania 2:9 - Mukanda Wa Zambi 1970

⁹ Mwene Zambi Mukwa Ndundo Jeswe, Zambi ya Aisraele, kanambe ngwenyi: Ni mwe yami mwene, Amoabe ni Aamone kumaanonga ngwe chize anongene membo ja Sodome ni Gomora. Kumaabwa ngwe mena ja mungwa, kumeenyeka ndoo ku miaka yeswe, maasoka yambu yibi. Atu jami waze maasala ni mwono, e maabuba ni kutambula chifuchi cho.”

MUKANDA USANDU WA ZAMBI 1975

⁹ Yehova-wa-Tujita, Zambi ya Izalele kanambe ngwenyi, Kashika, ni mwono wami Moape malumuka ngwe Sondome, ni A-Amone mapwa ngwe Ngomora, chifuchi cha kutakana ni mikalale ni matenga a mungwa, chifuchi cha hululu ndo ku miaka. Masalila ja atu jami maapupa, ni atu jami aze alisalaho maazuka.

Zefania 2:9 Iomraidhean Croise

Izaya 11:14

Eswe aali maakalichinga ni kuhamika ni Afilistia ku chitokelo, ni kububa waze atwama ku chivumbuko. Kumaakakumba Aedome ni Amoabe, Aamone maakononokena

Izaya 25:10

Mwene Zambi makafunga mulundu wa Zione, alioze akwa kole maakaliataliata Amoabe ngwe chize atu akuliataliata mwambu.

Izaya 49:18

Tala sali ni sali, umone yize yili ko! Atu je kaanalikungulula, kaaneza ku mahie! Mwene Zambi ngwenyi: “Ni mwe yami mwene, kumuukawahilila ni atu je, ngwe chize nandungi akuwahilila ni yingeliengelie yenyi.

Jeremia 46:18

Yami Mwene Zambi, Mukwa Ndundo Jeswe, nguli mwanangana. Nguli Zambi ya mwono. Ngwe chize Tabore kanahiana milundu yikwo ni Karmele kali musuku helu lia kalunga lwiji, chenacho makabwa tachi ja yoze makasa nenu jita.

Jeremia 48:1

Mwene Zambi Mukwa Ndundo Jeswe yamba kuli Amoabe ngwenyi: “Akwa mulundu wa Nebo evwile kama keke, limbo lio haalienyeka! Kiriataime haamutambula, yipanga yenyi yakukoleka haayibuzula, atu jenyi sonyi anevu.

Jeremia 49:1

Mwene Zambi yamba hakutwala kuli Aamone ngwenyi: “Malunga ja Aisraele kuli ali? Kukushi niumwe yoze unahamika kama mumu ha chifuchi cho, nyi? Mumu yika haatayiza atu waze akuwayila zambi Milkome kutambula chifuchi cha vungu lia Gade ni kutwama mo?

Jeremia 49:18

Ngwe chize membo ja Sodome ni Gomora ni yihunda yize te yinasulangana enyekene, Chenacho muchikabwa mu Edome. Niumwe kechi katwama mo nawa. Yami Mwene Zambi nachamba.

Jeremia 49:33

Hazore maalipwisa puya ku miaka yeswe, muchibwa lume muma mwakutwama mikuza. Mutu niumwe kechi katwama mo nawa. Yami Mwene Zambi nachamba.”

Jeremia 50:40

Ngwe chize enyekene membo ja Sodome ni Gomora hamwe ni yihunda yize te yinasulangana ko, Chenacho nawa muchibwa ni Babilone. Niumwe kechi katwama mo nawa. Yami Mwene Zambi nachamba.

Amose 1:13

Mwene Zambi kanambe ngwenyi: “Atu a mu chifuchi cha Amone haanavulumuna nawa ni nawa, chamwenemwene mungukaamwesa lamba. Mumu ashile jita ha kutohwesa chifuchi, yaabulabula tufumbakaji a mu chifuchi cha Gileade.

Amose 2:1

Mwene Zambi kanambe ngwenyi: “Atu a mu chifuchi cha Moabe haanavulumuna nawa ni nawa, chamwenemwene mungukaamwesa lamba. Mumu yaalelesa mwanangana wa chifuchi cha Edome ha kwocha yifwaha yenyi.

Zefania 2:14

Mukachi ka limbo mumubomba yimuna ni tushitu eka ni eka. Yikungulu maatwama ha manguji ja mazuwo waze haabuzuka. Kuhanjeka cho maachivwa mu tupenda. Yikwakwalo maahanjikila ha mangazulwilo ja mazuwo. Mabaya a sedru ku mazuwo maachiza ko.

Zefania 2:7

Ayuda waze maasala ni mwono enoo maazuka chifuchi chenu. Kwenako maalishila yimuna jo ni kubomba mu mazuwo ja akwa Ashkelone. Mumu Mwene Zambi mabwa hamwe no, maawahisa nawa.

Zefania 3:13

Aisraele waze maasala ni mwono keechi kulinga chibi kuli mutu niumwe, keechi kuhanjika mahuza, hanji kweseka kwonga. Kumaayuka, kumaatwama mu uhwimino, keechi kuvwila niumwe woma.”

Zakaria 2:13

Atu eswe holenu kuluu ku meso ja Mwene Zambi, mumu kanakatuka kuma kwenyi kwa chijila, kaneza.

Kwalula 14:21

Alioze ngunalishingi ngwami, ni mwe yami mwene, ni we uhenya wami uze unasoloka hashi heswe,

A-ROMA 14:11

Mumu hichinasonewa mu Mukanda wa Zambi ngwo: “Chamwenemwene ni we mwono wami, eswe maakafukama ku meso jami. Eswe maakatayiza ngwo: ‘Yena uli Zambi,’ Chenacho anambe Mwene Zambi.”

Shimbi 29:22

“Mu yisemuko ya kulutwe vungu lienu ni yilambala a mu yifuchi yikwo ya kusuku kumaakamona misongo ni lamba yize Mwene Zambi makaneha mu chifuchi chenu.

Shimbi 29:23

Minda yenu muyikabwa ni mbwemena, ni fundanga, ni mungwa. Atu keechi katumba nichimwe, chibwe yambu yamokomoko kuyichi kasoka. Chifuchi chenu muchikabwa ngwe membo ja Sodome ni Gomora, ni Adma, ni Zeboime, waze Mwene Zambi onwene mu ufwatulo wenyi.