Zefania 2:7 - Mukanda Wa Zambi 1970

⁷ Ayuda waze maasala ni mwono enoo maazuka chifuchi chenu. Kwenako maalishila yimuna jo ni kubomba mu mazuwo ja akwa Ashkelone. Mumu Mwene Zambi mabwa hamwe no, maawahisa nawa.

MUKANDA USANDU WA ZAMBI 1975

⁷ Mbaka muyipwa chihinga cha masalila ja munyachi wa A-Yunda kuze Analishila yimuna. Mu mazuwo ja Asekalone mapomba ha chingoloshi; mumu Yehova Zambi yo maewuluka ni kwahilwisa kuwaha cho.

Zefania 2:7 Iomraidhean Croise

Ubutukilo 50:24

Josefe yambila ayayo ngwenyi: “Talenu, himungufwa, alioze ngunanyingika ngwami, Zambi makanufunga ni makanutuhwisa mu chifuchi chino, makanuhilwisa mu chifuchi chize alakenyene Abrahama, ni Isake, ni Yakoba.”

Miaso (Masamu) 80:14

Zambi, Mukwa Ndundo Jeswe, tewuluka kama kuli yetu! Kuze kwilu watwama tutale kama, tweya ulamwine kama atu je!

Miaso (Masamu) 85:1

Mwene Zambi, hiunevwila akwa chifuchi che keke, hiunachiza Aisraele mu undungo, hiunaapwisa ngwe chize abwile hatangu.

Kutuhuka 4:31

E atu yaafuliela. Muze heevwa ngwo, Mwene Zambi heza ni kwanangisa ni hamona lamba lize akwa Egiptu anaamwesa, yaafulamana, yaawayila Zambi.

Izaya 11:11

Muze lie tangwa mulikaheta, Mwene Zambi makalinga ni mana ni ndundo jenyi akahilwise atu jenyi waze asalile mu chifuchi cha Asuria, ni Egiptu, ni Patrose, ni Sudane, ni Elame, ni Babilonia, ni mu limbo lia Hamate, ni mu yifuchi ya ku mbumbulu ya tulunga lwiji ni ha mahongo.

Izaya 11:14

Eswe aali maakalichinga ni kuhamika ni Afilistia ku chitokelo, ni kububa waze atwama ku chivumbuko. Kumaakakumba Aedome ni Amoabe, Aamone maakononokena

Izaya 11:16

Mukukabwa chikoka chize muchikakatuka ku Asuria muze atu jenyi waze maakasala mu undungo akaye mo, ngwe chize chabwile muze tushakulu two atuhukile mu Egiptu.

Izaya 14:1

Mwene Zambi kumakevwila atu jenyi Aisraele keke ni kwatongola abwe atu jenyi mwene. Makaatayiza kutwama mu chifuchi cho ene, ni yilambala maakeza ni kutwama hamwe no.

Izaya 32:14

Chibwe zuwo lia wanangana mulikabwa liahululu. Mazuwo ni yipanga yize te yakulifunga muyikabuzuka; keechi kayitunga nawa ndoo ku miaka yeswe. Mukukabwa kuma kwa yimbulu a mu yambu ni ulilo wa yimuna ya ha chihunda.

Jeremia 23:3

Atu jami waze asala ku yifuchi yize hingunamwangina mungwakungulula, mungwahilwisa ku chifuchi cho. Maakasema ana anji, kumaakaliokesa.

Jeremia 29:10

“Mwene Zambi ngwenyi: ‘Muze hinwamanununa miaka makumi shimbiali mu Babilonia, mba mungukanulweza zango liami ni kumanununa chilakenyo chami ni kunuhilwisa mu chifuchi chenu.

Jeremia 29:14

Ewa, ngunambe ngwami, munukanguwana, ni yami mungukanuhilwisa mu chifuchi chenu. Mungukanukungulula mu yifuchi kweswako hingunanumwangina, ni kunuhilwisa ku chifuchi chenu. Yami Mwene Zambi nachamba.’

Jeremia 3:18

Israele makalichinga ni Yuda. Eswe aali maakakatuka hamuwika mu chifuchi cha undungo ku norde ni kuhiluka mu chifuchi chize nahanyine kuli tushakulu twe kubwa chihinga che ku miaka yeswe.”

Jeremia 30:3

mumu tangwa kulineza lize mungukahilwisa atu jami, Aisraele ni Ayuda. Mungukaaneha mu chifuchi chize nahanyine kuli tushakulu two, mba maakazuka nawa chihinga cho. Yami, Mwene Zambi, nachamba.”

Jeremia 31:7

Mwene Zambi kanambe ngwenyi: “Embilenu Aisraele ni uwahililo, vungu linene liahiana. Embenu mwaso wenu wa kuchichimieka ngwenu: ‘Mwene Zambi halamwina atu jenyi; halamwina masalila eswe.’

Jeremia 32:44

Atu kumaakayilanda, ni ha ye mikanda maakasoneka ho majina ni yinyingi, ni ye mikanda maakayikasa. Chino muchikabwa mu chifuchi cha Benjamine mu yihunda yize yajingilika Yerusaleme, ni mu membo ja Ayuda, ni mu membo a ku milundu, ni mushi lia milundu, ni ku sali lia sude mu Yuda. Mungukahilwisa atu mu chifuchi cho. Yami Mwene Zambi nachamba.”

Jeremia 33:12

Mwene Zambi Mukwa Ndundo Jeswe yamba ngwenyi: “Chifuchi chino chili ngwe puya, kumushi atu chibwe tushitu; alioze kumumukabwa ulishilo muze tufunga maakatwala mapanga jo.

Jeremia 33:7

Mungukayukisa Ayuda ni Aisraele, mungukaatakamisa ngwe chize abwile hatangu.

Jeremia 47:5

Akwa Gaza kaali ni yinyengo yinji, akwa Ashkelone kaanaholo kuluu. Matangwa angahi Afilistia maalila?

Ezekiel 39:25

Mwene Zambi yamba ngwenyi: “Alioze haliabwila mungukevwila keke vungu lia Yakoba, atu ja Israele, ni kwawahisa nawa. Mungukafunga jina liami lia linanga.

Hosea 6:11

“Ni yenu Ayuda, hinatongola tangwa lize mungukanumwesa lamba mumu ha yize yenu nwakulinga.

Obadia 1:19

“Ayuda a ku sude ya chifuchi cho maatambula chifuchi cha Edome maatwama mo. Waze a ku chitokelo, ku milundu, maatambula chifuchi cha Filistia; Aisraele maazuka yifuchi ya Efraime ni Samaria; akwa Benjamine maazuka Gileade.

Mika 2:12

“Alioze yami mungunukungulula hamuwika, yenu Aisraele eswe hinwasala. Mungunukungulula ngwe chize akuutama mapanga waze anahiluka ku matanga jo. Ngwe chize chililo chakuzala ni mapanga, Chenacho chifuchi chenu muchizala nawa ni atu.”

Mika 4:10

Binda, utete, yena Zione, ngwe pwo yoze unafumbajala ha kusema, mumu munukatuka mu limbo, munutwama mu chana. Muuya ku Babilone, alioze kwenako Zambi makakulamwina kuli akwa kole je.

Mika 4:7

Kaali yilema, kaali kusuku ni ku mahio, alioze mungubutula nawa ni waze asalile, mungukaapwisa vungu lia lufuma. Mungukaayula ha mulundu wa Zione, chize ku tangwa lize ndoo ku miaka yeswe.”

Zefania 2:9

Mwene Zambi Mukwa Ndundo Jeswe, Zambi ya Aisraele, kanambe ngwenyi: Ni mwe yami mwene, Amoabe ni Aamone kumaanonga ngwe chize anongene membo ja Sodome ni Gomora. Kumaabwa ngwe mena ja mungwa, kumeenyeka ndoo ku miaka yeswe, maasoka yambu yibi. Atu jami waze maasala ni mwono, e maabuba ni kutambula chifuchi cho.”

Zefania 3:13

Aisraele waze maasala ni mwono keechi kulinga chibi kuli mutu niumwe, keechi kuhanjika mahuza, hanji kweseka kwonga. Kumaayuka, kumaatwama mu uhwimino, keechi kuvwila niumwe woma.”

Zefania 3:20

Tangwa kulineza lize munguhilwisa ku mahiahia jo atu jenu waze amwangashanyine. Mungunufumanyisa hashi heswe, mungunuyukisa nawa.” Mwene Zambi hachamba.

Hagai 1:12

Hohene Zerubabele, ni Yoshua, ni atu eswe waze akatukile mu undungo mu chifuchi cha Babilonia, yaalinga yeswe yize Mwene Zambi aalwezele kulinga. Yeevwa woma, yoononoka ku liji lia mukwa munanyi Hagai, kanganda ka Mwene Zambi.

Hagai 2:2

Zambi yamulweza ahanjike kuli Zerubabele mukwa kuyula wa Yuda, ni Yoshua mwata wa mahako ja Zambi, ni kuli atu eswe ngwenyi:

Luka 1:68

“Chichimiekenu Mwene Zambi, Zambi ya Aisraele! Mumu heza ni kulamwina atu jenyi ni kwakula.

Luka 7:16

Atu eswe yeevwa woma, yaachichimieka Zambi ngwo: “Mukwa munanyi munene wa Zambi hasoloka mukachi ketu,” nawa ngwo: “Zambi haneza ni kulamwina atu jenyi!”

Yilinga 8:26

Kanganda ka mwilu yambila Filipe ngwenyi; “Katuka, uye ku sude, mu jila yize yinakatuka ku Yerusaleme, yiipalumuka ku Gaza.” (Jila yize te hiyinalambe.)

Yilinga 8:40

Filipe yasolokela ku limbo lia Azoto. Mba yabalika mu limbo ni limbo nikwambujola Sango Jibema kweswe, ndoo yaheta ku Sesarea.

A-ROMA 11:5

Chimuwika nawa ni haliabwila. Atu amwe aliko waze Zambi atongwele mu utu wenyi.

Rute 1:6

Muze Naomi hevwa ngwo, Mwene Zambi hawahisa atu jenyi, Aisraele, haaha yakulia, mba Naomi yalilulika hanga akatuke mu chifuchi cha Moabe, iye ni atembwa anenyi aali.