Zefania 2:5 - Mukanda Wa Zambi 1970

⁵ Yenu akwa chifuchi cha Filistia, lamba lienu, yenu waze nwatwama ku mbumbulu ya kalunga lwiji. Mwene Zambi hanubatwila, kumanunongesa, kukuchi kusala niumwe.

MUKANDA USANDU WA ZAMBI 1975

⁵ Lamba kuli yenu nwatwama ku mbaka, enu akwa vungu lia A-Cherete! Liji lia Yehova Malimika ni yenu, enu A-Kanana, chifuchi cha A-Filistea. Mungukanwonwona ndo niumwe mwenyembo kechi kasalako.

Zefania 2:5 Iomraidhean Croise

Izaya 14:29

Yenu Afilistia mbulo yize anulambile nayo hiwamakuka, alioze kanda nuwahilila, mumu muze lunoka umuwika mafwa, mukwo mubi Wahiana mamusalakana. Mu lionda lio Jimuwika mumutuhuka kashitu dragone yoze mahasa kuhumuka.

Izaya 14:30

Mwene Zambi mabwa kafunga ka yiswale mukachi ka atu jenyi hanga aahwimise. Alioze yenu Afilistia makanutumina zala yinji, niumwe kechi kasala ni mwono.

Jeremia 47:7

Alioze ngwe kuchi muuhwima, muze hinawamba kulu ngwami, linga? Hinawamba wase jita ni Ashkelone, ni atu waze atwama ku mbumbulu ya kalunga lwiji.”

Ezekiel 25:16

Kashika ngunambe ngwami, mungukalimika ni Afilistia ni kwakumba lume liakulu. Mungukonona eswe waze atwama mu chana cha Afilistia.

Amose 3:1

Yenu Aisraele, eswe waze Zambi hanaapulula mu chifuchi cha Egiptu, banjikenu maliji waze Mwene Zambi hahanjika hakutwala kuli yenu.

Amose 5:1

Aisraele, banjikenu lungungu yono ngunanulilila ngwami:

Zefania 1:11

Mba munulila mbimbi, yenu waze nwatwama ku mwanda wa limbo, mumu akwa kulanjisa eswe haafwa.

Zefania 3:6

Mwene Zambi kanambe ngwenyi: “Hingunonona mavungu amuwundu, hingunenyeka membo jo, ni kububa yipanga yo ni mazuwo jo asuku. Membo jo haabwa ahululu, mu majila kumwasalile niumwe.

Zakaria 1:6

Nahanyine Shimbi jami ni maliji a kukanyamisa kuli tuvumbi twami akwa munanyi aalweze tushakulu twenu. Alioze yaalelesa, kashika yaamona lamba. Hohene yaalumuka ku mbunge, yaatayiza ngwo, yami Mwene Zambi Mukwa Ndundo Jeswe naamwesene lamba nikulita ni yitanga yo, ngwe chize nabatwile kulu.”

Marku 12:12

Akwa lutwe ja Ayuda yaafupa mana kumukwata, mumu yaanyingika ngwo, kata chishima chino cha kwahisa. Alioze yeevwa woma wa mbunga. Kashika yaamwecha, yaaya kwo.

Yoshua 13:2

Chifuchi cheswe cha Afilistia ni cha Ageshure,

Yoshua 13:3

ni chifuchi cheswe cha Aavime mu sude. (Chifuchi cheswe chize ku lwiji Shihore, ku njiza ya Egiptu, ndoo ku njiza ya Ekrone ku norde kakuchalwila ku chifuchi cha Akanana; mianangana ja Afilistia te atwama mu membo ja Gaza, ni Ashdode, ni Ashkelone, ni Gate, ni Ekrone.)

Akwa Kuyula 3:3

Mu chifuchi yimusala membo atano ja Afilistia, ni membo eswe ja Akanana, ni Asidonia, ni Ahive waze te atwama ku milundu ya Libano, chize ku mulundu wa Bale Hermone ndoo ku jila ya Hamate mukachi ka milundu.

1 Samuel 30:14

Tunakabuba chifuchi cha Acherete, ku sude mu Yuda, ni chifuchi cha jimo lia Kaleba; yitwocha Ziklage.”