Zefania 2:3 - Mukanda Wa Zambi 1970

³ Tewulukenu kuli Mwene Zambi, yenu eswe akwa kulikehesa a mu chifuchi, yenu waze nwakwononokena Shimbi jenyi. Lingenu yibema, likehesenu ku meso ja Mwene Zambi. Tangwa likwo kechi kunumwesa lamba ha tangwa lia ufwatulo wenyi.

MUKANDA USANDU WA ZAMBI 1975

³ Enu eswe akwa kulikehesa mu chifuchi akwa kulinga shimbi jenyi; fupenu Yehova, fupenu ululi, fupenu kulikehesa cha mbunge. Hanji manusweka ha tangwa lia ufwatulo wa Yehova.

Zefania 2:3 Iomraidhean Croise

2 Samuel 12:22

Mwanangana ngwenyi: “Chenacho, nalilile ni kujila kulia muze te mwana uchili ni mwono. Yingunyonga ngwami, hanji Mwene Zambi manguvwila kama keke, mwana kechi kufwa,

Miaso (Masamu) 105:4

Kundamenu kuli Mwene Zambi hanga atukwase, tumuwayilenu matangwa eswe.

Miaso (Masamu) 149:4

Mwene Zambi kakuwahilila ni atu jenyi, kakulemesa akwa kulikehesa kakwakwasa kukumba.

Miaso (Masamu) 22:26

Yiswale kumaakalia ni kukuta ngwe chize anazange, waze akwiza kuli Mwene Zambi maamuchichimieka, kumaakayuka ndoo ku miaka yeswe!

Miaso (Masamu) 31:20

Wakwafunga hehi ni yena mwene kuli atu waze akwatwama punga; wakwafunga ku kulamikiza cha akwa kole jo.

Miaso (Masamu) 45:4

Nyina ha kavwalu, uye ni ulamba we ha kukumba, uye ni kwasa jita mumu ha ululi ni umwenemwene! Muukumba kanawa mu jita ni tachi je!

Miaso (Masamu) 57:1

Aa Zambi, nguvwile kama keke, nguvwile kama keke, mumu hinachinyina kuli yena. Munguswama mu mapulwa je, ndoo muze chijimbi hichabalika.

Miaso (Masamu) 76:9

muze wakatukile ni kubatwila atu, ni kulamwina eswe waze akumwesa lamba kuli akwa kole jo.

Miaso (Masamu) 91:1

Mweswawo wakuya kuli Mwene Zambi, Mukwa Ndundo Jeswe, hanga amufunge,

Kutuhuka 12:27

Nukaakumbulula ngwenu: ‘Uno uli mulambu wa chiwanyino cha Kubalika ha kulemesa Mwene Zambi, mumu yabalika mazuwo jetu, yatulamwina muze ashihile akwa Egiptu.’ ” Aisraele yaafulamana hashi, yaawayila Mwene Zambi.

Yishima 18:10

Mwene Zambi kali ngwe zuwo lisuku liakukoleka muze akwa ululi maahasa kuchinyina ni kubwa mu uhwimino.

Izaya 1:17

lilongesenu kulinga yibema, batulenu ni ululi, kwasenu atu waze akuhungumiona; fungenu ana a shiwa, hakwilenu mapwo waze haanafwisa malunga.”

Izaya 11:4

alioze makabatwila yiswale ni ululi; makahakwila akwa kuhona ni mbunge yibema. Makahana shimbi, mba atu akwo maamwesa lamba, ni atu abi maashiha.

Izaya 61:1

Mwiku wa Mwene Zambi uli muli yami. Hananguwayisa mu kwambujolela yiswale sango jibema ni kuwuka waze ayiza yikola ya mbunge, ni kwambujola utuswilo kuli funge, ni kutusula waze ali mu zuwo lia lamba,

Jeremia 39:18

Mungukufunga kanawa, kuuchi kufwa. Muuchina ni mwono we mumu hiwajikijila hali yami. Yami Mwene Zambi nachamba.’ ”

Jeremia 45:5

Kuma unalifupila yuma yilemu yena mwene, nyi? Kanda uchilinga. Ngunamwesa atu eswe lamba, alioze yena muuchina ni mwono we, kweswako muuya. Yami Mwene Zambi nachamba.”

Ezekiel 13:5

Keeshi kufunga homa haze chipanga hichabuzuka, chibwe keeshi kutungulula chipanga. Kashika Aisraele keechi kahasa kulilamwina muze jita muyikeza ha tangwa lia Mwene Zambi.

Hosea 10:12

Ngwami: ‘Limenu mavu aha, litumbilenu mihuko ya ululi, hanga nuhele mihuko ya yiwape ya kukunjika chenu kuli yami. Tangwa hiliaheta lia kutewulukila kuli yami Mwene Zambi yenu, mba mungunuwahisa.’

Hosea 7:10

Aisraele kulengumuka cho chakwahisa. Haamona lamba lieka ni lieka, chibwe chocho kaasolo kuhiluka kuli yami Mwene Zambi yo.

Yona 3:9

Iya Unanyingika, hanji Zambi malumuna manyonga jenyi, ni kwecha kutenuka, hanga kutuchi kukuwa!”

Zakaria 8:19

“Kulitwamina kulia ha tukweji wa muchiwana, ni wa muchitano, ni wa muchishimbiali, ni wa muchikumi, muyikalumuka yiwanyino ya chiseke ni ya uwahililo ya Ayuda. Kashika zangenu umwenemwene ni uhwimino.”

Mateu 5:5

“Kaawaha yihomoboloji, mumu kumaakahinga chifuchi chize Zambi hanaalakenya!

1 Tesalonika 4:1

Hakusula akwetu, hinunalilongesa kuli yetu chize chanutamba kubemena ku meso ja Zambi. Chamwenemwene, hinwabema kulu. Alioze haliabwila tunaliumbu kuli yenu ni kunulembejeka mu jina lia Mwene Yesu ngwetu, hibemenu liakulu.

1 Tesalonika 4:10

Ni mwene, nwakuzanga akwenu eswe waze atwama mu chifuchi cheswe cha Masedonia. Alioze tunanulembe akwetu, nulizangenu kuhiana.

1 Petulu 1:22

Nwabemesene mbunge jenu ha kwononokena umwenemwene. Kashika nwakuzanga akwenu akwa Kristu. Lizangenu kuhiana ni akwenu, ni mbunge jenu jeswe.

1 Petulu 3:4

Alioze ubeme wenu ubwe wa mu mbunge, uze kuushi kuhwa, wa uhomboloji ni wa kuhola. Wenawo ulemu ku meso ja Zambi.

2 Petulu 3:18

Alioze nyongononenu ha kutatuka mu utu ni yinyingi ya Mwene wetu kanda Chilamwina chetu Yesu Kristu. Uhenya wenyi usoloke chize musono uno ndoo ku miaka yeswe! Chibwe kama Chenacho.