Zefania 2:11 - Mukanda Wa Zambi 1970

¹¹ Mwene Zambi meevwisa mwongo. Mwene Zambi mapwisa mazambi a hano hashi amokomoko. Mba mavungu eswe maamuwayila, mutu mweswe mu chifuchi chenyi mwene.

MUKANDA USANDU WA ZAMBI 1975

¹¹ Yehova mapwa kole ni woma ha kulimika no. Ewa, makahongesa mazambi eswe a hashi, mba yifuchi yeswe ya mavungu makahetamina kuli iye, mweswe kuma kwenyi.

Zefania 2:11 Iomraidhean Croise

Ubutukilo 10:5

Wano e tushakulu twa waze atwama mu yifuchi ku mbumbulu ya kalunga lwiji ni mu mahongo. Lino lie vungu lia Jafete, waze atwama jimo ni jimo mu chifuchi cho, nikulita ni liji lio.

Miaso (Masamu) 138:4

Mwene Zambi, mianangana eswe a hashi maakakuchichimieka, mumu heevwa yilakenyo ye.

Miaso (Masamu) 72:17

Jina lienyi atu kanda alivulama, lufuma wenyi alinduluke ngwe chize liakulinduluka tangwa. Mavungu eswe amuchichimieke, ahule Zambi aawahisa; atu no awahise mwe mwanangana.

Miaso (Masamu) 86:9

Mavungu eswe waze watangile, maakeza ni kukufukamina. Kumaakalemesa unene we.

Izaya 2:20

Muze tangwa lize mulikeza, atu maakambila mahamba jo a prata ni oru waze alingile, maakaahichikila tumbi ni tufukufuku.

Izaya 42:10

Imbilenu Mwene Zambi mwaso Waha; imbenu uhaliso wenyi, akwa hashi heswe! Yenu waze nwakwendangana ha kalunga lwiji, muchichimiekenu; yenu eswe waze nwatwama mu kalunga lwiji, muhalisenu! Akwa yifuchi ya kusuku, ni waze eswe atwama ko, imbenu!

Izaya 49:1

Ngubanjikenu yenu mavungu, yenu waze nwatwama kusuku! Muze te kanda nguchisemuka, Mwene Zambi te hanangutambika, yangutongola kubwa kavumbi kenyi.

Jeremia 10:11

(Yenu chanutamba kulweza atu ngwenu, mazambi waze kaatangile ko hashi ni malilu kumaakonona. Keechi kalinduluka hano hashi.)

Jeremia 46:25

Mwene Zambi Mukwa Ndundo Jeswe, Zambi ya Israele, kanambe ngwenyi: “Mungumwesa lamba Amone, zambi ya mu limbo lia Tebese, hamwe ni Egiptu ni e mazambi jenyi ni e mianangana. Munguchiza mwanangana wa Egiptu ni waze eswe akumujikijila,

Daniel 11:18

Makabwamuze makasa jita ni mavungu a ku mbumbulu ya kalunga lwiji, makakumba anji a kuli ayo. Alioze umwe mukwa kuyula, chilambala, makamukumba ni kumusa songo ha kulengumuka chenyi. Kulengumuka chize muchikahiluka hali mwanangana wa ku Sude iye mwene.

Hosea 2:17

Chichi kamutayiza nawa kuwayila jina lia Bale.

Joele 2:11

Mwene Zambi kakutuma tujita twenyi ni liji lia tachi ngwe kukulunguza cha vula. Tujita twenyi waze anamwononokena kaali anji, kaali ni tachi. Lamba linji mulikabwa ha tangwa lia Mwene Zambi! Iya mahasa kujikiza?

Zefania 1:4

“Mungumwesa lamba akwa Yerusaleme ni Ayuda eswe. Mungunongesa masalila waze akuwayila Bale, kukuchi kubwa nawa umwe yoze mewuluka mahako waze akulingila ku chilumbilo chenyi.

Zefania 3:9

“Mba mungwalumuna mbunge ja akwa mavungu. No maalemba kuli yami wika, hi kuli mazambi eka ko. Eswe maangwononokena.

Zakaria 13:2

Ha matangwa waze mungukachiza majina ja mahamba mu chifuchi, niumwe kechi keewuluka nawa. Mungukahuma eswe waze akuzanga kulipwisa akwa munanyi ni akuzanga kukombelela mahamba.

Zakaria 2:11

Mavungu anji maakalinunga ni Mwene Zambi ha tangwa lize, ni maakabwa atu jenyi. Neye makatwama mukachi kenu. Mba munukanyingika ngwenu, kuma iye mwe wangutuma kuli yenu.

Zakaria 8:20

Mwene Zambi Mukwa Ndundo Jeswe kanambe ngwenyi: “Matangwa maakeza muze atu a ku membo anji maakeza ku Yerusaleme.

Zakaria 8:23

Ha matangwa waze malunga kumi yilambala maakeza kuli umwe Kayuda nikwamba ngwo: ‘Tunazange kulinunga nenu, mumu hitwevwa ngwo, Zambi kali hamwe ni yenu.’ ”

Malaki 1:11

Chize ku mbango yimuwika ya hashi ndoo ku mbango yikwo atu kaakungulemesa. Kweswe kaakungwochela yuma ya vumba libema ni kungulambula milambu yize yinalite. Eswe kaakungufumanyisa!

Malaki 1:14

Ngwami, Shingo likwate yoze wakweseka kungulambula yimuna yamokomoko muze te ali ni yimuna yibema mu chendo chenyi! Mumu nguli mwanangana munene, atu a ku mavungu eswe kaakunguvwila woma.”

Shimbi 32:38

Nwaalishile maji a milambu yenu, nwaanwishine vinyu ya milambu ya kunwa. Matumone nyi kumeeza ha kunukwasa; Azomboke hanga anulamwine.

1 Timoteu 2:8

Ngunazange ngwami, malunga kweswe abwe ni kulemba, nikuzundwola moko ni kulemba ni mbunge ya kulinanga, hi ni utenu ko hanji hi ni mbunge ya kuyambashana ko.

Usolwelo 11:15

Hohene kanganda ka mwilu wa muchishimbiali yemba chitavwi. Mba yingwivwa maliji anene ngwo: “Wanangana wa hashi hiwabwa wanangana wa Mwene wetu ni Kristu yenyi. Mwenawo makayula ku miaka yeswe ni miaka yeswe!”