Zefania 2:1 - Mukanda Wa Zambi 1970

¹ Yenu vungu lize kunushi sonyi, kungulukenu, nyongenu

MUKANDA USANDU WA ZAMBI 1975

¹ Enu akwa vungu kulishi sonyi, Swilenu mu chikungulwila,

Zefania 2:1 Iomraidhean Croise

2 Sango Ja Mianangana 20:4

Atu yaakatuka ku membo eswe ja Yuda, yaaya washi ku Yerusaleme ni kuhula Mwene Zambi hanga aakwase kama.

Nehemia 8:1

Ha kakweji wa muchishimbiali Aisraele eswe te haatwama kulu mu membo jo. Mba ha tangwa litangu lia kakweji ayo eswe yakunguluka mu limbo lia Yerusaleme, mu lwaza hehi ni chikolo cha Meya. Yaahula hako Ezra anehe mukanda wa Shimbi jize Mwene Zambi ambilile Mose alweze Aisraele.

Nehemia 9:1

Ha kakweji yoze mwene ha tangwa ha makumi aali ni awana, Aisraele yaakunguluka ni kulitwamina kulia nikusolola chinyengo cha milonga yo. Te haanalihandununa kulu kuli yilambala eswe. Yaazala mianji ni kulimwangina uto ha mitwe yo nikusolola yinyengo yo. Mba yaakatuka, yaabutuka kushikisa milonga yo ni yize ya tushakulu two.

Estere 4:16

“Yako ukungulule Ayuda eswe a mu Shushane. Alitwamine kulia ni kungulembela kama. Kanda nulia chimwe Chuma hanji kunwa matangwa atatu. Ni yami ni tuvumbi twami a mapwo mutulinga nawa chizechene. Mba munguya kuli mwanangana, chibwe kuchalitele ni Shimbi. Chibwe kufwa, mungufwa.”

Jeremia 3:3

Kashika vula musazu kanokene ko, ni vula wa mubatuko neye kanokene ko. Chi bwe ku meso je wamonekene ngwe chitanji, kuushi kwivwa sonyi.

Jeremia 6:15

Kevwile ko kama sonyi mumu ha yizelwokeso yize akulinga, nyi? Ka, kaajivwile ko nihakepe, nimwene te keeshi kuhasa kwivwa sonyi. Kashika muze mungukaamwesa lamba, maakalimbwoka ngwe chize amwe akwo haanalimbwoka. Lienalio mulikabwa songo lio. Yami Mwene Zambi nachamba.”

Joele 1:14

Tambikenu Chikungulwila cheswe; kungululenu makulwana eswe ni Ayuda akwo eswe mu zuwo lia Mwene Zambi, Zambi yenu. Hanenu Shimbi ya kulitwamina kulia hanga nulile kuli Zambi.

Zefania 3:5

Alioze Mwene Zambi kali mu limbo ndoo ni musono, kakulinga chize chinalite, keshi kulinga chibi nichimwe. Tangwa ha tangwa chichamene kakubatwila atu jenyi ni ululi. Chibwe chocho yitanganyanyi waze alimo kaakulinga yibi, keeshi kwivwa sonyi.

Zakaria 11:8

Ha kakweji umuwika nachiijile tufunga akwo atatu, mumu te kaakunguvutwokela.

Mateu 18:20

Mumu yami nakubwa mukachi ka atu waze analikungulula mu jina liami, chibwe aali hanji atatu.”